١١:١١

قدر ومكتوب

ام زهره:اجيت للبيت وشفت رجلي وسندي وصديقي وابويه وحياتي كلها مدد كدام عيني وبناتي يبجن داير مدايره كلشي صار بسرعه روحته ودفنته كلشي صار بلمحة البصر بلمحة بصر اختفى اعز شخص عندي بقيت وحيده إﻧـيہ وبناتي

زهره:سوو الفاتحه يم بيتنه واجو عمامي وخوالي الي همه مينشافون بـَسہ بهلوقات اصلاا منعرفهم ولايعرفونه اني عندي عمام اربعه ثنين ماتو وبقو بـَسہ ثنين عمي باسل وعمي عصام وانيي كاعده شفت عني عصام جاي عليهه ردت افلت بـَسہ ماكدرت لانن انيي ماحبهم

عصام:شونج بنتي زهره البقيه بحياتج انيي ابوج وسندج منا وجاي لتستحين مني وشتحتاجين كوليلي انيي وعمج باسل مرح انعوفكم وحدكم هناا

زهره:شكراا عمو وركضت طبيت جوه وصعدت بغرفتي شفت خواتي كاعدات ومطلعات صور بابا ويبجن رحت وكضت حضنتهن وبجيت وياهن
وراها تعبت حيل وكلت انام شويه

ام زهره:زهره مو وقت نوم كومي مشوفين عماج وناس الجوه ماكدر وحدي كومي ساعديني

زهره:يمه فَدوه اروحلج تعبانه خليني انام بـَس ساعه

ام زهره :ولج كومي منو يساعدني لعد وضلت صرخ عليه.

زهره :نزلت واحس عيوني مغوشه مـن البجي والحركه طبيت للمطبخ وشفت الماعين وجدوره صايره حرب عبالك بنات خالي كاعدات يشربن جاي ويسولفن ولاوحده براسها حظ وكامت ساعدتني بـَس بوكت الاكل يتراكضن.

زهره:صار اذان المغرب صليت ونمت كعدت ساعه ب٩بليل رحت اشوف ﭑمي ولكيتها جاي تضم بملابس خواتي.

زهره:خير يمه شكو وين وايحه وليش جاي ضمين بلملابس

ام زهره:بنتي زهره تعاي كعدي يمي احجي وياج شوفي يمه احنه ضلينه بـَسہ نسوان بهلبيت وابوج راح بـعد ماعدنه سند وهلدنيا مو امان وانتن بنات اخاف عليجن وصبح عمج اجه حجه وياي وكال مستعد اخذكم وعيشكم بيتي وتعرفين بين عمج بناصريه جبير واشوف عيشتنه ۿناك أحــسن منن عيشتنه ۿنا

زهره:يمهه انتيي صــدُك تحجين ياعمام ذول ويابيت انيي ماروح ءآذآ تردين روحي وحدج انيي ۿذا بيت ابويه ماعوفه ومدرستي ۿنا  ماطلع مـن ۿذا البيت ولاتحرك المكان عصبت وركضت صعدت الغرفتي ابجي ونمت واني دابجي بدون ماحس

ام زهره:خويـﮫ عصام  تفضل الجاي

عصام :مشكوره حجيه

ام زهره:عصام انيي حجيت ويه زهره ومجاي ترضه تقتنع وصارت عصبيه البارحه ومطتني مجال افهمها

عصام:وليهمج ام زهره البنيه حقها مصدومه وهذا البيت بيت ابوها وموبسهوله تقتنع تطلع منه وتعيش بغير مكان انيي راح احجي وياها واقنعها لتخافين

ام زهره:نشالله

زهره :فزيت الصبح وصافنه احس كلشي صار حلم عقلي مخربط منن الي جاي يصير ويانه ابوي راح وهسه بيتنه هم حيروح ومدرستي وصديقاتي كلهن اجن مره وحده وبيوم واحد حسيت نفسي مثل الوحده مضروبه ؏ُ راسي وانيي دافكر اندك الباب صحت منو

عصام:زهره حبيبتي اني عمج عصام انتضرج جوه بلصاله تعاي عندي حجي وياج

زهره:صار عمي هسههہ نازله يبوو شيريد مني هذاا اكيدد رح يحجي وياي ؏ُ مرضوع البارحه غسلت ونزلت جوه

عصام:تعاي بنتي تعاي كعدي يمي

زهره:ايي عمي

عصام:شوفي بتي إﻧـيہ كل هلفتره جنت بعيد عنكم وماجيكم لان جانت عندي ضروف صعبه انيي وعمج باسل شغل وموت عمج حربي وعمج حسن جان صعب علينه وعوائلهم بقت بركبتنا واني وعمج باسل متكفلين بيهم ومثل ماا احنه متكفلين بيهم واجبنه نتكفل بيكم هم وانتو اهم لان انتي ماعندج اخوان وانتو بس نسوان ميصير انعوفكم وحدكم ۿناك بـ؏ــدين صدكيني رح ترتاحون ۿناك وبخصوص المدرسه اني رح ادخلج باحسن مدارس انتي وخواتج

زهره:عمي بـَسہ انيي احب بيتنه ۿنا وصديقاتي ماريدد اعوفهم واروح لله يخليك خلي نبقى ۿنا

عصام:بخصوص البيت انيي مرح ابيعه رح اجره ويجاره رح اطي الكم مصرف واوعدج اجيبج لهنا وشوفين صديقاتج وبيتكم هذاا قدر يابنتي ولازم تتفهمين وصيرين قويه الخاطر خواتج وامج وانتي جبيره مفروض اتكونين بمكان ابوج وتسندين خواتج وامج

زهره:ايي عمي ۿذا قدري ولازم ارضه مثل ماكلت وذا البيت مرح ينباع اني موافقه بـَسہ لمهم بيت ابويه مايصير لغير ناس

عصام :بيتكم هذاا الاخر الـعمر وانيي واكف وياكم وماعرفكم بنتي

زهره:صراحه جنت متوقعه عمي عصام عصبي وموزين بـَسہ بـعد ماحجه وياي كلش حبيت حجيه وطلع مومثل متوقعته واتمنه توقعي ميخيب وبعدين يتغير علينا

عصام :ام زهره تعااااي

ام زهره :هاا خويـﮫ

عصام :وهاي زهره وافقت حضروا غراضكم عكبه اخذكم للناصريه

ام زهره:صارر يلا بنتي كومي ساعديني نحضر الغراض

يتبع..