١١:١١

فَرصه جديدة

زهره:لاا  ماكدر ﭑمي متقبل افوت لبيت ناس غربه.

فاطمه:زهره هذول مو غربه انتيي بعدج متعرفين هذول اهلناا يطبون ويطلعون يمنا وحنه هم بالايام الجاي رح شوفين وتفتهمين قصدي وذا ؏َــلمود أمج انيي احجي وياها واقنعهاا

زهره:انشالله بـَسہ اريد انام تعبانه وانيي داحجي انفتح الباب بعصبيه ودخلت امريه لابسه شيلهه وعبايه وصاحت ولجج فطيمه ليــش كاعده يم الخطار عوفيهم يرتاحون صفنت عليها هايي شجاي تحجي

ام زهره:صعدت الدرج وجايبه اكل ال زهره لان ماكلت زين بطريق وانيي دامشي شفت حميده مرت عصام طابه الغرفه زهره رحت وراها اول موصلت للباب سمعتها تكول البتها فاطمه ليــش كاعده يم الخطار
طبيت وكتلهاا لااا حميده خيه مو خطار أحنـا احنهه منن اهل الدار صرنه عيب هلحجي الجاي تحجينه

حميده :ام زهره عذريني خيه خاف جرحتج بحجايتي بـَسہ جنت اقصد ؏ُ البنيه بعدها ممتعرده علينه بلوقت الي تتعود رح صير مـن اهل الدار نشالله

ام زهره:تتعود لتشغلين بالج ماكو انسان ميتعود ، احجي وتباوعلي بطرف عينها ، وراها طلعت واخذت بتها

زهره:يمه منيه هايي المريهه شوجنها معاجبها وجودنا يمهم

ام زهره:هــآي مرت عمج حمديه ، وذا معاجبها هذاا بيت عمج عصام مو بيتها ومره ثانيه رديها ولصيرين جبانه الفقير مينراد بهلوكت اريدج صيرين سباعيه وليي يضوجج بحجايه ردي ولسكتيله

زهره:حسيت ﭑمي كلش انغثت منن هاي حمديه لله يستر بسلا تنكلب عيشتنا معارك ، طلعت ﭑمي ومصدكت حنام ورتاح كلش جان يوم متعب ومرهق خليت راسي ؏ُ مخده خمس دقايق وفزيت ؏ُ صوت عياط عمي عصام ومرته ونسوان جوه ركضت للدرج واباوع منن جوه وشفت عميي عصام يكتل بمرته

سمى :زهره شكووو شصايرر

زهره :سمى اخذي روان وطبي جوه معليج

زهره :نزلت لزمت فاطمه وكتلها شكووو شصاير

فاطمه:زهره ﭑمي تعاركت ويه ابويه علمودكم تكولل ماريدد احدد يشاركني بيتي وتكله خلي يطلعون برا البيت بهلحضه وانيي داحجي ويه فاطمه صاح عمي عصام

عصام :اسمعي ولجج حميده البيت هذااا بيتي وانييي المسؤل عنه لانتي ولا عشره مثلج يدخلون بقراراتي وام زهره وبناتها صارن بمسؤليتي وليي يمسهن يمسني وليي عنده اعتراض باب البيت مفتوح وليطلع بـعدد مايرجع

حميده :حجي انيي اسفهه واسحب كلامي بس انيي ممتعوده ؏ُ الناس الغربه بيتي

عصام :هذن مو غربه هذن بناتي صارن ،وهسه تعتذرين منهن وكدامي

حميده:ام زهره انيي اعتذر حقج عليهه

ام زهره :ماكو مشكله حميده احنه خوات

زهره :هده الوضع وانيي واكفه ؏ُ الدرج التفتت وشفت ٣ولد طبوا ومنن ضمنهم مسلم الولد اليي شفته بلحديقه مادريي ليش اول ماا طب لفت انتباهي وتركيزي صار عليه شفته وكف يم عمي عصام يحجي وياا واني صافنه ؏ــليه اجتت اميي جرتني

ام زهره:يلا زهره شعندج بعدج واكفه كومي صعدي نامي ويه خواتج

زهره :صار يمه اصعد وتلفت اباوع ؏ــليه ، صعدت للغرفه لكيت خواتي بسابع نومه ،خليت راسي ؏ُ مخده ونمت بسرعه بدون ماحس

كعدت الصبح ؏ُ صوت فاطمه وهيه تكعد

فاطمه:زهره كوميي يلاا ورانه هواي شغلات انسويها وريد اعرفج ؏ُ عبير

زهره :يوو فاطمه خليني نايمه شخبصتيني بـ عبير

فاطمه :ولج زهيره كومي ساعه صارت ب١٢

زهره :كمت كمت ،طبيت غسلت وجهي وسناني وعدلت شعري ونزلت شفتهم كاعدين وديشربون جاي ويتريكون صفنت وذكرت منن جنت انزل والكه بابا محضر الريوك والجاي ولمتنه الحلوه اوفف بهلدنيا ماكوو شي يضل ؏ُ حاله

عصام:هاا زهره تعايي ليشش واكفه وصافنه تعايي تريكي بويه

زهره:صباح الخير ،وكعدت اتريك وخلصنا اجت فاطمه تركض يلا زهره كوميي نروح

ام زهره:وين رايحات

فاطمه:خاله وايحين بيت ابو علي اعرف زهره ؏ُ عبير صديقتي

ام زهره:لايمه اخاف عليها لاترحن لناس غربه

عصام :ام زهره خليهن يروحن بيت ابو علي موغربه هذول مثل اهلناا لتخافين عليهن

ام زهره :يلاا ماشيہ بـَسہ لاتتاخرن

زهره : رحنه لبيت ابو علي فطيمه طبت حته بدون مادك الباب بيتهم حلوو واحلى شي حديقتهم مليانه ورد اشكال الاوان واول ماطبينه تلكتنا امريه جانت لابسه جادر مال صلاه وجهه ابيض يضوي وحلوه مشالله

ام علي:هلا هلا بلبنيات الحلوات

فاطمه:﮼هلو خاله ام علي شونج اعرفج هاي زهره بت عمي

ام علي:هلاا يمه اهلا وسهلا بيج ،عبيررر تعايي بنتي اجني صديقاتج

زهره :لشويه ونزلت عبير شعرها طويل وحنطاويه ورشيقه واجنن واول مانزلت شبكت فاطمه ورجعت شبكتني رغم ماعرفه ،بسس الي لاحضته روحها كلشش طيبه ومرحهه مثل فاطمه

عبير :تعاي زهره اشوفج غرفتيي

زهره :صعدن كبالي بدرج ركض وانيي وراهن واول ماصعدت صارت كبالي غرفه بابها مفتوح ونفسه مسلم كاعد وحاط الكتاب بيدها وجاي يقره ضليت واكفه وصافنه عليهه لحد ماا رفع راسه وشافني انيي ستحيت ودنكت راسي وطبيت كبا للغرفه

مسلم :جنت داقره وفجاة سمعت صوت بنات جوه فه عرفتها هــآي فطيمه جايه العبير وضليت مركز بلقرايه وفجاة رفعت راسي وشفت زهره واكفه وصافنه عليهه هيه ستحت وراحت ضليت صافن شون واكفه وتباوعلي وصارت الافكار تجي وتروح براسي واسمع صوت ضحك فاطمه وعبير اله هيهه سكته مالها صوت

زهره :كلشش استحيت منن الموقف الي صار ،انحرجت منن شافني صافنه هفف شكدد غبيه انيي شكوو صفنت هيج مثل ثوله

عبير :زهره شبيج دردمين ويهه روحج بيج شي

زهره:لاا حبي ماكو شي ،كعدنه وحجينا وسولفناا ونزلنا ؏َــلمود انرجع أحنـا جاي نطلع سمعت صوت رجال صاح اااااوكفن .

يتبع...