#رهف
Part 5
ادهم بصدمه: انتى مين
كانت قدامه بنت بعيون زرقا وملامح بريئه كانت رهف
رهف: انت إللى مين وازاى تدخل هنا
ادهم: انا حاجز الاوضه دى
رهف: ازاى انا إللى حجزاها
ادهم: طب نشوف المدير هيقول ايه
طلب ادهم من المدير يراجع حجز الاوضه
المدير: لاسف الموظف عمل غلطه غبيه وحجز ليكم نفس الاوضه انا اسف
ادهم: طب مافيش مشكله خلى الانسه فيها وانا هحجز غيرها
المدير: للأسف دى آخر واحده... واسف جدا لحضرتك
ادهم: طب كدا المفروض اعمل ايه ..دى غلطيتكم
المدير: لاسف الحل الوحيد انك تفضلو فى نفس المكان لحد ما اى اوضه تفضا
رهف وادهم: ايه ازاى
المدير: مافيش حل
رهف: خلاص ممكن حضرتك تشوف فندق تانى
ادهم: اشمعنا انا
رهف: علشان اكيد انا انسه وماينفعش انا إللى امشى
ادهم: دا المفروض
رهف: يعنى ايه
ادهم: بصى هفضل هنا لحد ماحجز فى فندق تانى الموضوع هياخد وقت بسيط
رهف حاولت تمانع بس دا الحل الوحيد
خرج المدير وفضلت رهف وادهم
رهف فى سرها: يعنى احاول اخلص من الزفت مازن يطلعلى دا على اصل كان ناقص
سمعها ادهم
ادهم: بتقولى حاجه
رهف(بتوتر): لا ابدا
كلم ادهم اكتر من فندق يحجز بس كله محجوز
ادهم: لاسف مافيش مكان احجز فيه
رهف: يعنى ايه
ادهم: يعنى هقعد هنا لحد ما الفندق يفضى اوضه
رهف: نعمممم
ادهم: زى ما سمعتى بس كل واحد هيبقا فى حاله
رهف: لا طبعا مينفعش اعد مع واحد معرفوش
ادهم: على اساس انى هموت واعد معاكى
رهف بعصبيه: اتفضل اطلع برا
ادهم: حاسس ان صوتك على شويه ودا مش حلو
رهف (بتوتر): بطلب من حضرتك تطلع برا
ادهم: انا جى من السفر تعبان فا لاتعدى وانتى ساكته أو تطلعى انتى ... وعلى فكرة مش بحب أكرر كلامى فاهمه
رهف فى سرها : بارد وحيوان
ادهم: هعمل نفسى مسمعتش
دخل ادهم ياخد دش
رهف: ايه دا بيسمع من على بعد برضو بارد بس قمور اووى
ايه إللى انا بقوله دا عيب
يارب هعد معاه ازاى دا منك لله يا مازن يارب تموت هاا
................................................
فى شركه محمد والد رهف
السكرتيرة: عندى خبر مش حلو
محمد:حصل ايه
السكرتيرة: شركه الاستثمار *****
محمد: مالها
السكرتيرة: لغت التعامل معانا
محمد: بعصبيه ازاى وطب باقى المشاريع اللى هتمولها هتوقف دى مصيبه
السكرتيرة: لاسف هوا دا إللى حصل
محمد: ابعتلى المحامى بسرعه
بعد فترة جه وصل المحامى
محمد: عادل فى مصيبه
عادل: خير
محمد: عايزك فى اسرع وقت تجمعلى كل المعلومات عن المنافسين الجدد واسماء المستثمرين إللى لغوا التعامل معنا عايز اعرف بيتعملوا معا مين
عادل: تمام بس انت شاكك فى حد معين
محمد: لا بس الصفقات إللى بتتلغى دى ممكن تخلى الشركه تفلس دى مبالغ كبيرة
عادل: هجمعلك كل حاجه واقولك
مشى المحامى
محمد لنفسه هعمل ايه فى المصيبه دى .....
.................... ................
.......: نفذت
مازن: حلو عايز تعرف هو بيفكر في ايه بعدين نفذ خطوة البنك بس مش دلوقتى
......: انا فى الخدمه
.......................... ........
الاء: كدا يارهف مش تتصلى تطمنينى عليكى
رهف: اسكتى حصل موقف
الاء(بفضول): احكيلى
حكت رهف لاء إللى حصل
الاء: ههههههه تستاهلى
رهف: كدا
الاء: طب قوليلى هو حلو
رهف: صراحه مز وشكله جنتل مان
الاء: الله عليكى
رهف: بس دا عيل رخم وبارد المفروض كان يمشى مش يقول
رهف بتحاول تقلده: انا هعد هنا ومابحبش أكرر كلامى مرتين فاهمه
ادهم من وراها: بقا انا بتكلم كدا
رهف(بصدمه): انت هنا من امته
الاء( بضحك): طب هقفل وانتى اتصرفى
ادهم( بتفكير مزيف): انا هنا من امته اه من ساعت مقولتلى عنى رخم
رهف فى نفسها كويس كان متاخر
ادهم (بخبث): وقبلها قولتى مز وجنتل مان
رهف اتصدمت ووشها احمر: انا انا مقولتش كدا انا راحه انام
ادهم حاول ياخد حقه ويدايقها وصل عند الكنبه علشان ينام: كان نفسى اقول عنك نفس الكلام بس مش ذوقى
رهف( بعصبيه) رمت عليه مخدة: حيوان وبارد
ضحك ادهم فى سره على شكلها
ونام
#دنيافادى
أنت تقرأ
رهف (بقلم دنيا فادى)
Romanceهى تكره كل الرجال بسببه هو فيحاول ان يقترب منها بموامرات جديدة فتجد من ينقذها ويسرق قلبها البرئ ❤ رهف بقلم دنيا فادى
