_الاجتماع هيبدأ يا فندم
وعد: تمام انا جايه...
" انا وعد هحكيلكوا النهارده حكايتي ... حكايتي غريبه شويه ممكن تكون اول مره تسمعوها... مش هطول عليكوا.. انا وعد عندي 33 سنه ههه استغربتوا صح ... انا وانا عندي تقريباً 23 يعني من 10 سنين كنت لسه متخرجه من الجامعه وبنت زي بنت بحلم اني احب واتحب واعيش قصه حب من بتاعت الروايات ده ... وياريتني ما اتمنتها ولا عشتها ... اتقدملي عرسان كتير بس كنت برفض عشان مكنتش حابه فكره جواز الصالونات والكلام ده... كنت حابه اتجوز عن حب ... لغايه ما جه اليوم اللي حبيت فيه حبيت اسر كان معايا في الجامعه وساكن كمان جمبي كنت بشوفه كتير وبنتعامل مع بعض كتير ما احنا كنا صحاب وكنا بنكلم بعض وقعدنا كمان فتره قريبين اوي كنا اشبه ب بيست فريند كده ... بس مشاعري ناحيته اتبدلت تماما مبقتش مشاعر مصدقيه وأخوه لاء بقيت احس بأحساس جديد عليا كل ما اكلمه او اشوفه ... حبيته.. حبيته وتقريباً هو كمان حبني وكان بيبادلني نفس الشعور... واتقدملي .. واتخطبنا .... كنت فرحانه جدا جدا ... حبيت زي ما انا عايزه وكمان اللي حبيته اتخطبنا انا وهو .... فالأول كان بيعاملني حلو اوي وبيهتم بيا جدا .... لحد بعد الجواز... طريقته اتغيرت تمام.. مش هو ... مش هو اسر اللي اعرفه... مش هو اسر اللي بحبه... مش هو اسر اللي كان بيهتم بيا وبيعاملني حلو .... مش ده ... فاكرين لما قولتلكوا اننا قربنا في فتره من بعض ... بعد الجواز احنا بعدنا حرفيا عن بعض تماما... حياتنا بقت ممله .. روتين اي اتنين متجوزين بقلهم سنين ومتعودين علي روتين معين كل يوم هو هو ..... لغايه ما فيوم اتأخر اوي عن الميعاد اللي بيجي فيه البيت... هو اه بتأخر بره بس مش كده... قلقت ..غصب عني قلبي لسه بيحبه و بيدقله ... فونه كان مقفول ... لغايه ما جاتلي رساله ... وكانت عباره عن صوره ليه وهو قاعد في كافيه وماسك ايد واحده ومعاه ولد صغير.... طبعا كانت بالنسبالي صدمه كمان لما قرأت اللي مكتوب مع الصوره.. (سيبي جوزك عشان هو مبسوط مع مراته وابنه هنا .....) ايييه مراته وابنه ... يعني ايه.... اسر متجوز عليا.... مش بيحبني..... طبعاً فضلت منهارة وقعدت اعيط لغايه ما سمعت صوت باب الشقه بيفتح .... كان داخل عمال يصفر وباين انه مبسوط اوي ..... انا طبعا وقفت قدامه.. ومبقتش عارفه اقوله ايه... بس هو قالي ... هه قالي مالك .... بعد ايه الجمله خلاص ملهاش اي لازمه... قولتله وبتسأل ليه ابقي قولها لأبنك ومراتك .... هو بصلي ومتكلمش وفجأة مسكني من دراعي جامد وقالي ... انتي بتتجسسي عليا يا هانم .. بعدت عنه وانا دنوعي بتنزل غصب عني مش عارفه اتحكم فيها .... فتحتله موبايلي ووريته الصوره ... كنت فاكراه علي الاقل هيدافع عن نفسه ولو حتي هيكدب ... بس لا قالي بكل برود وقسوه كانت شديده عليا ... اه مراتي وابني ... يعني اي... مراتي وابني زي مانتي مراتي .... بس اقولك على حاجه هي اغلي عندي وانا بحبها... طب اتجوزتني ليه... خليتني احبك واتعلق بيك ليه وبعديها تدوس علي قلبي كده من غير رحمه .... ليبيه...قالي كلمه واحده بس ... عجبتيني...ملقتش حاجه ابرد بيها النار اللي الجوايا غير أني ابعد عنه ... أسر طلقني... وبردو كان لسه عني ذره امل واعتقاد انه هيتمسك بيا بس لاء ... بكل برود ... قالي... انتي طالق.....وسابني ومشي... انهارت تماما والكلمه كانت عامله زي الاسهم دخلت قلبي .... انا اه اللي طلبتها بس كنت مستنيه كلمه ..لا .. منه مش انتي طالق... مش هقولكوا اني عيشت بقي علي ذكرياتوا.. او في حد عوضني ... او حبيت تاني .. بالرغم من انه اتقدملي ناس كتير تاني بس خلاص .... كنت بصراحه عايزه اعيش لنفسي... كنت عايشه مع ماما بابا اجمل ايام حياتي...انا كنت متخرجه من إدارة أعمال... وعملت شركة ونجحت.... وحياتي جميله جدا يا جماعه بجد ... عندي صحاب واحلى صحاب ... ناس بتحبني وبتخاف عليا... وكنت عافيه زوق اوي ... واتبدلت حياتي تماما.... "
_________
اسكريبت .... واتبدلت حياتي..
اتمني تستمتعوا ويعجبكم..
#مريم محمد ✨
