كرونيك قصيرة بعنوان: ❤البايرة❤

1

كرونيك جديدة 😂
🌊منقولة🌊
كرونيك قصيرة لي رآه حابطلو مورال يجي يضحك شويا
الپارت 1):
قاعدة وقت الڨايلة سخانة ترعف جمل و دوخ بغل لابسة شورط خضر كي تاع بلومي وقت الغفلة😂😂 شعري تقول ضربتني تريسيتي 😂😂، ما مشطوش مالعيد لي فات نبان كي جاكسون فايف 😂😂نشوف فالمسلسل تاع البذرة كانو يعاودو فيه في قناة اليتيمة من قوة لي قديم حسيت روحي فليزاني كاتروڥان 😂😂 و نسمعو طبطيب فالباب
ماما: نوضي شوفي شكون جا ؟
انا : علاش يا العجوز علاش ، مقبيلة و انا نسنا نشوف الكف الاسطوري تاع سمير عبدون ، كي قريب تلحق اللقطة تاعو نراطيها علاه 😩
ماما : قوتلك نوضي لا نجي نوريلك الكفوف الاسطورية تاعي 😠😠
انا :خلاص خلاص ني نايضة 😩ما فهمتش شكون لي يجي فهاذ الوقت الله لا تربحو😣😣
وتفيزي عليا نبع الحنان بالبليغة بصح حمد الله سلامااااات جات فالحيط😂😂يعني سلكتلها بشعرة (ماما مينذاك نحسها نبع العذاب 😂😂)
المهم نضت على سواد السعد نكركر فالبليغة تاع الشيخ بابا پوانتور كارونت كات هي لابستني ماشي انا لابستها 😂😂، كپابل نحرڨ بيها 😂😂، فتحت الباب نلقاها جارتنا طاطا تشوليحة ( اسمها زوليخة و نعيطولها فالحومة تشوليحة 😂😂)، سلمت عليها وقتلها باش تدخل
طاطا تشوليحة : لالا يا بنتي جيت باش نعرضكم لعرس بنتي علجية السمانة الجاية العشا و غدوا منداك يدوها 😊.
(يعني ما فهمتش شكون هذا مسود السعد لي داها ليموسطاش تاعها تقعد يومين ما تحففهمش كپابل دير بيهم مخدة 😂😂)
انا : نشا الله خالتي تشوليحة رانا نجو ، بالبراكة عليها لعقوبة للذرية الصالحة (اهم حاجة الاخلاق پاسكو مع الموسكطاش تاع يماهم ماشكيتش يجو شابين 😂😂).
طاطا شوليحة: العقوبة ليك
انا : نشا الله
هي راحت و انا دخلت عند ماما
انا: علابالك شكون جا ما ؟
ماما :شكون؟
انا : طاطا تشوليحة جات تعرضنا لعرس علجية الموسطاشة😂😂
ماما : بموسطاشها و لقات لي يزوج بيها ونتي قعدي اغمليلي فالدار 😒😒
انا: هالهدرة لي ما نبغيهاش😑😑 ، ديجاك نقعد بايغة تساليلي العجوز 😂.
تفاعلو❤