كرونيك قصيرة بعنوان: ❤البايرة❤

2

بارت 2): رحت وخليتها باش نبدا نمشط شعري باش نكون كملت مشطتو منا للعشا تاع علجو 😀😀، بديت ننسلك المشطة دخلت ما حبتش تخرج من قوة لي مخبل 😂😂، وكيما كان الحال كملتو قبل العشا بنهار 😁😁 لقيت فيه ديميل و بعض الاشياء مجهولة الهوية 😂😂 ربتها بتدويشة غدوا من داك ليسيت شعري مكييت ساپل خرجت زلة 😀 ،كي قريب يلحق وقت العشا ونعطوها انا وماما وبابا (عرضو عمي حميدة بابات علجية پاسكو عشاو رجال و نسا ) لحقنا بلخف خاطر يسكنو غير قدامنا ، مع لي لحقنا حطولنا ناكلوا داروا شطيطحة جاج 💃🐔 ، شربة ،شلاضة وبوراك ، بدينا ناكلو و انا لاعبتها لاكلاص حتى وين ڨتلي ماما: هاكي ياك نتي تحبي العظام . اوه مون پخيستيج 😩، علاش علاش يا العجوز تبهدلي فينا ، ااا و ندور على هذيك المااكلة بوراكة في فمي و يدي فالشلاضة و عيني على الجاج فضحتنا فضحتنا العجوز خلي نكملو على جدها ينعل بو يمات الپريستيچ 😂😂كليت حتى وليت نشهد و ماما تقرص فيا تحت الطابلة باش نحبس وعما اوهوه كممملت كليت حتى كرشي ماركات ايرور 😂😂زدت كملت عليها بالڨازوز اومبعد خرجت برا باش نريسپيري شوي وليت نپيردي مالفوق و لتحت تحسب قرعة ڨاز تمشي 😂😂 مع لي ندور و نلقى واحد البقلاوة يخزر فيا مشوكي ، واااا تبهديلتاااه ،قعدت نخزر فيه تلفتلي لهدرة 😶
ديري جام باش نعرفك قريتي🚶🏼‍♀️🙂