همسات لبنات الجامعة 💜

الهمسة الثالثة

الهمسة الثالثة

لبسك – مكياجك ( لازم تبقى على سنجة 100)

خدنا مواضيع كتيرر عن الحجاب والتبرج و و ...إلخ

لكن موضوعنا انهاردة غير شوية

نعمل ايه اول ما ندخل الجامعة الفتن كتيررر
وانا بشوف البنات على سنجة 100 وصراحة انا لبسي واسع ومش بحط مكياج
بس بحس اني غريبة فى وسط الجامعة

شوفي ياحبيبة لو اصحابك صح

ولابسهم زيك – مش هتتعبي ومش هتشعري انك غريبة ولا حاجة
اساس كل حاجة بجد الصحبة

لكن لو مصاحبة بنات لابسهم ضيق بيحطوا مكياج بيعملوا حواجبهم 

هتحسي انك غريبة ومش بس غريبة هتلاقي نفسك بتعملي زيهم

لا انا احط مكيااج لا يمكــــــــن

لا ما هو الشيطان مش غبي ده هيخليكي تعملي كده بس بالتدريج

يعني هو عيب تحطي كحل ده حتى الكحل سنة
رغم انه سنة للرجال مش للنساء
ووشك يعني يرضيكي يبقى شاحب كده

ده حتى حرام ( الله جميل يحب الجمال )يعني شوية بودرة بسيطة جدااا بس بتمشيش وشك كده

وايه ده شفايفك عاملة كده ليه 
يعني ليب جلوس رقيق بلون الشفايف كده يبقى عادي مفيهوش حاجة

وبعدين على فكرة حجابك كبيررر اوووي وشكله فلح اخر حاجة اووه سوفاج باتيناج خالص 

يعني صغري سنة .. سنة بس ايون كده برافوو يابرنسيسة 

وبعدين ايه الالوان الباهته زهزهي ياامي انتى مش حجة عندك 50 سنة

شايفة ايه رأيك فى الايشارب ده

ده بيلمع ..
فين وريني كده فين بيلمع انتى مسمية اللمعة دي حاجة شوية الترتر دول يعني اللي هيفتنوا الشباب

ماتشوفي بنات الجامعة عاملة ايه فى نفسها

ويفضل وراكي بطرقه العديدة
لحد ماتلاقي نفسك بقيتي زي اصحابك اللى بتقولي لا يمكن ابقى زيهم 

طيب يعني الحل ايه ؟!؟

اهزمي شيطانك ايوا استعيذي
يعني ايه حاسة انك غريبة ؟!!
ده طوبي للغرباء 

خليكي تبقى غريبة فى الدنيا وحبيبة لربك الدنيا فى الاخرة 

يعني ولله المثل الاعلى لو كنتي مرتبيطة 

والشاب الوسيم اللى انتى مرتبطة بيه قالك لا لبسك ده مش عاجبني انا واد حمش

ومكياجك بردوا مش عايزه

مش عايزك تنزلي كده ولا تحطي مكياج وانتى نازلة

هتعملي ايه ؟؟!

سمعاً وطاعة والعياذ بالله واسمه حد ميربطكيش بيه اى حاجة اصلا

ولله المثل الاعلى ما بال ربك حبيبك اللى كرمك بنعم ملهاش اول من اخر

لما يقولك متنزليش بلبسك ده ومتحطيش مكياج وانتى نازلة هتقولي ايه

اااه ان شاء الله لما ابقى اقتنع 

لكن لما حبيبك المزيف يقولك اعملي كده من غير ما تفكري ولا تقتنعي

أثبتي ياحبيبة .. انتى غالية عندربك اووي عشان كده جعلك تقرأي الموضوع ده

لان الفتن كتيررة فى الجامعة بس في بنات دخلوها وخرجوا منها

وهما زي الفل ملتزمين بزيهم

وبدينهم هو محور حياتهم

وناس تانية دخلوا الجامعة وخرجوا منها ناس تانية خالص مش هما:(
نسأل الله ان يهدينا جميعاً يارب
وكفاية كلام كتيرر ادخلوا الموضوع ده حلوو اووووي وفيه اختبار ليكِ انتى محجبة ولا لأ

(مغطية شعرها) لكن (مش محجبة) !!؟؟

*
*

انتى بتقولي ايه ايوا طبعا ً محجبة  طيب ادخلى واختبري نفسك 

ربنا يرزقنا جميعاً الحياء والحجاب الصح اللى يرضى ربنا