عمتي. إذا صدك هيج خايفين علي سوى الي كتلكم علي
كوثر. بس عمة صعب هل شي اني ما اكدر اتعايش ويا هوة متوحش ميفهمني ميردني و......
مهدي. شنو أو اللسانج طولان لج
عمتي. ها يمة شي السالفة استهدي بالرحمان
كوثر. خزرني خزرة معت كلت اليوم موتي طلعنة من المستشفى و جبنة عمتي للبيت اني صليت يمهة هم عود اداريهة و هم ما اشوف مهدي خاف انكتل بعدين اجت سمارة كالت مهدي يصيحج هنا كمت كلي ارجف صعدت بس كلي خوف رجلي وحدة اطك بثانية طبيت للغرفة
ه هها ا ا ممهدي كو وو ل
مهدي. آه صدك هلكد خايفة انتي
اجة يمي بحيث انطبك نفسي و نفسة
مهدي. منو المتوحش منو الميفهم اني مو باعي اني مو أخاف منج بس أخاف من ربي اكدر أخذ الي اريدة منج و بكل سهولة ليش تخليني أتعامل وياج هيج ليش انتي هلكد خبلة بابا اعرفي احجي مترديني طبج طوب اني هم ما اريدج حالج حال هذني النسوان و بعد ما حاجة اكلج منو تصيرين و ضبين السانج لو شلون
كوثر. أي انشالله وعد ما اجاوز وياك بعد و اعتبرك ضلعي هسة ضلعي امشينة نسمم آسفة آسفة جفصت
مهدي. لا كلش خوش هاي بعدنة بالبداية و هيج
كوثر نزلت فرحانة ما انكتلت همزين ما انسحلت صبيت العشة كعدنة كلنة و كعدت أكلت الأكل جان يفتح النفس يخبل لأن سمارة اليوم طبخت كملت و شلت المواعين و غسلتهن بعدين طلعت بالحديقة ضليت كاعدة على المرجوحة اذكرت أهلي شلونهم ضليت ابجي ما كدرت اسكت فجأة حسيت اكو ايد لزمت جتفي انداريت طلع مهدي كعد بصفي كال خيرج شبيج تبجين
كوثر. ليش حتى تهتم
مهدي. احجي و اني اكلج ليش اهتم
كوثر. ما اعرف شصارلي نزل شلال دموع من عيوني بس حاجاني شبكتة ما اعرف شصار بية ضليت ابجي و اكلة كلة من وراك أريد أهلي أريد أهلي
كام من يمي مهدي عرفت انو مراح يهتم بس انتبهت على نفسي شسويت اني ليش تقربت علي ضليت كاعدة و تعبانة حييل غفيت على المرجوحة جان يكعدني مهدي. يكلي امشي نامي جوة كومي
كمت نعسانة كوة شلت روحي نمت على الجرباية بس هوة ضل ما اجة بعد اني ما سألت وين راح نمت بسرعة
هسى نجي انشوف شعور مهدي شنو😎
مهدي. من بعد ما سمعت حجي امي توعيت شوي هم اني كبرت و سالفة الجهال هم صدك بس مال وي هاي الفصيلة لا ما ترهم شعرف بيهة اني بس هية امي تحبهة و اني مجاي اعرف شنو اسوي بس احسن شي لازم ارجع زهراء بالبيت اني ما أكدر أتحمل هاي الفصلية لأن كلش جاي اشتت افكاري صعدت لكيتهة نايمة على الجرباية كلت خل انام حلالي هوة مو حرام نمت كعدت من وكت مريت على بيت خالي و جبت زهراء رجعتهة خطية فرحانة حيل بس هية متدري بسالفة الفصلية بسيارة و كتلهة زهراء باعي رجعتج ما أريد أي مشاكل ادري راح تتفاجأين بس الفصيلة انوخذت الي و ما أريد أي مشاكل بينج و بينهة و هية متدري اني مزوج أو انتي مرتي راح اعرفجن وحدة على الخ و ما أريد تصرفين عبالك هية مرتي اعتبريهة بنية هيج بالبيت كعابر سبيل
زهراء. أي انشالله
وصلنة للبيت دكينة الباب طلعت فتحتة
مهدي. سلام عليكم
كوثر . وعليكم
مهدي. كوثر تعاي ورأي اريدج بموضوع
كوثر. كلت بكلبي يا ساتر استر شكو و منو هلي المرة الي ويا شلابسة شهلا لبس جانت لابس بدي شوي طويل أسود و بنطرون و الشال و الجنطة و الحذاء ورديات شهل الاستهتار طبي جان اصيح سمارة و أمة أو ثنيناتهم باسو زهراء و يحجون وياهة و اني مثل الأطرش بالزفة ما ادري هاي منو كاعدة و همة ديتحجون و يتمضحكون
مهدي. كوثر باعي هاي مرتي ما أريد أي مشاكل بينج و بينهة سمعتي. . هيو
كوثر. ها ها أي سمعت راح هوة هية صعدت بس بيهة نضرة خبيثة صعدت وراهة كتلهة سلام عليكم حبيبتي بس أريد ارجع الم اغراضي لأن انتي رجعتي
زهراء. أي عفيف شبليهن بسرعة لأن ما أتحمل اشوفهن وي غراض رجلي
كوثر. كلت بكلبي خاب مال مطب يرفسج على حلكج هذا الأعوج أم العفين جنج وصلة مآسحين بيهة سمج خل أشياء اغراضي و اروح احسن
أنت تقرأ
فصلية مشاكسة
Romanceاحداث مشوقة جدا قصة مدمجة م̷ـــِْن واقع و م̷ـــِْن وحي الخيال مزج بين واقع المجتمع و الخيال الفكري تتحدث القصة حول فتاة اطاح بها ااقدر في مكان لٱ ترغب به تتغير الامور و تـٍّـِْصٌٍـِْـٍْبـٍّζ القصة مشوقة اكثر تابع القصة متخسر 🚫
