𝐃𝐄𝐂𝐀𝐋𝐂𝐎𝐌𝐀𝐍𝐈𝐀

[𝖓𝖎𝖓𝖊𝖙𝖊𝖊𝖓]

..•✰𝐼 𝑛𝑒𝑣𝑒𝑟 𝑡ℎ𝑜𝑢𝑔ℎ𝑡,𝑓𝑎𝑙𝑙𝑖𝑛𝑔 𝑖𝑛 𝑙𝑜𝑣𝑒 𝑤𝑖𝑡ℎ 𝑎 𝑔𝑢𝑦 𝑤𝑎𝑠 𝑝𝑜𝑠𝑠𝑖𝑏𝑙𝑒.𝐵𝑢𝑡 𝑖𝑡 𝑤𝑎𝑠,𝑖 𝑓𝑒𝑙𝑙 𝑖𝑛 𝑙𝑜𝑣𝑒 𝑤𝑖𝑡ℎ ℎ𝑖𝑚✰•..

Happy birthday vkook_jeon97🎂🎂

Min ngenna angin itan ani e
Dam reng rawh i thih hma zawng chu💜😆

_

A chang hi chuan kan tana mi hlu tak te hi thawnthu ang chauh anih chang a awm a,kan ngaihtuahna leh kan rilru luahtu chu kan thinlunga pawm turin hun kan duh a. Kan nat changin hringnun hian nun awmzia min zirtir zawk tia inhnemin kan natna kan hliahkhuh a,mahse tu emaw kan natna te la kianga kan mittui hruhul tu tur erawh kan mamawh ber ani lawi si.A chang hi chuan mangtha tih thumal hi kan hmangaih te thatna tur,duhthlanna awmchun leh tha ber niin kan ngai a

Thil tamtak kan chan a,tamtak kan hmu let bawk a.Hun kaltawhin min tina a mahse engkim mai hi chhan nei vekin a thleng thin tiin kan inhnem chawp a.Mal taka kalsan hlauhna vangin hrehawm tawrh zawk thlangin kan ngaidam a,a chhan chu kan tana thilhlu tak chan kan hlau em em si .kan hringnun ah hian thu kan va nei silo em

He nunah hian thil tha pawh kan dawng a,thil thalo pawh kan dawng tur ani lawm ni?.Kan duhloh leh pawm loh vanga paih bo ngawt theih ani lo.Hlimna kan neih chuan kan natna pawh penkhat leka hla ani si

☽︎☾︎

An tum ang takin camp turin seoul chhuahsanin busan lam an pan a.Busan kher an thlanna chhan pawh jungkook pianna khua ani a,kum 8 anih lai bak kha chu kal lehna remchang ala neih loh vangin an remti tlang ta a,chubakah a hmun a mawiin mit ti tlei thei tamtak a awm bakah seoul khawpui nilo boruak dang hip tur an mamawh hlawm ani

An thian zinga jimin an hmelhriat loh tel ve ta tlat chu mak an ti tlanga,an hmuh tirh pawn kà ho in an en tawp anih kha.Thil pakhat chiang tak chu jungkook danglam tawh zia fiahtu pakhat leh bawk a tih theih ang.Han ngaihtuah chhin teh mipakhat i nihna tha lo zawng zawng thlak duhna tur khawp i tan chuan a hlu viau ang tiraw;

Khawchhung lam pan nilo tlangchhip lam mi tam zawkin an tlawh pawh lohna chu an thlang a.A hmun chu boruak a thiangin motor ri vut vut leh mipui vak vel awmlohna anih angin a ngaw rûp a mahse hawi khawthawn nan erawh duhthusam ani thung