الدكتوره زوجة الشيخ!

مستشفى بارت 1

هليوووووو يا حلوينن
نورتو حسابي و روايتي
اتمنى تعجبكم عاد اعملولي نجمة و ادعموني و علقو احب التفاعل 🥲
يله نبدي بدون منطول عليكم
______________________________________________________________
في صباح شتوي ويه امطار خفيفه واصوات العصافير تكعد فاتِنة من نومها حتى تروح  للجامعة  طبعاً هي تدرس الطب
يرن المنبه
فاتِنة"عزا شبسرعه دك المنبه ستوني نمت خرب كله من وره الامتحان البايو خلاني اسهر و انام بس ساعه ونص خررربب"
ام فاتِنة"هههههه شبيج بنيتي صوتج واصل لجوارين كافي تدردمين وكافي تدرسين مو عيونج الحلوات راح ينعمن و نلبسج نظارة "
فاتِنة"ماما تره اني ادرس طب مو لعب يعني شسوي ادرس كومه وعدي هسه كومه تراكمات يا ربي شوكت اخلصصصص"
ام فاتِنة"ديله كومي بدلي حتى تتريكين عدج امتحان لازم تاكلين خو مو تتخربطين هناك"

ومن تروح الام تخلي فاتنة اغاني اجنبية وتلبس ملابسها و تخلي الميك اب وتقره بملزمتها كلها تسويها ب لحضه وحده الاستمتاع و ارتداء الملابس  و الدراسه شلون هيج؟لا نعلم
******************
احمد" فاتِنة شلونج قريتي الامتحان اليوم كلششش صعب "
فاتِنة"يعني شتتوقع طبعاً بس هو صدك صعب "
احمد"بس لو افهم انتي شلون تلحكين يعني تدرسين و تجيبين اعلى درجه بالدفعه و تداومين بالمستشفى و تطلعين و تتونسين شلون راح اتخبل شنو السحر مالتج"
فاتِنة"عادي مجرد منظمه وقتي مو نفسك انام عشر ساعات باليوم "
توضيح(احمد زميل فاتِنة هو معجب بيها بس ما كايللها هي تعتبره زميل لا اكثر ولا اقل"

لتكمل فاتِنة يومها تروح آلى الكافتيريا وكل الانظار عليها فهيه فاتنة اسم على مسمى و يا ريت بس جميله هي ذكيه و قوية الشخصية والكل  يحترمها وكل الاولاد معجبين بها و اغلب البنات يشتعلن غيره منها وبس فاتنة عقلها اكبر من تفكيرهن وما  تهتم
*********************
لترجع فاتنة من الدوام تاكل و تنام ساعه و تكعد و تدرس للجامعه ومن صار  الليل الساعه الثامنه تروح الى المشفى لان عدها خفارة يعني تبقى في المشفى لليوم الثاني باعتبار باجر جمعه وهي بالمرحلة الرابعة تروح للمستشفى بس  لتتعلم و تكسب خبره و تطور من نفسها ف حلمها تصير تكون دكتوره ناجحة

وعند حلول الصمت في الساعه الثانية فجراً تسمع صوت صراخ و ضجيج خارج المشفى
فاتِنة"عمو شنو هذا الصوت شكو شصاير"
الحارس"عمو اعتقد هذا شخصيه او شيخ عشيره مضروب طلقه وهاي الهوسه كله عليه"

ليدخلون زلم حاملين الاسلحه داخل المستشفى
ويصيح واحد منهم بصوت عالي"وين الطبيب وين الطبيب خلي يجي بسرعه شيخنا انضرب طلقه بسرعه وينه لا احرك المستشفى"
لتذهب احد العاملات "ماكو دكتور هسه ستوه طلع لان عنده ضرف بس عدنه دكتوره مبتدئه بلكت تساعدك منا لحد ما يجي"
الرجل"شنو ماكو؟؟؟؟؟ طبيب جاي تسمع اذنج شيكول حلكج مستشفى ما بيها طبيب شنو من مستشفى اقسم بالله هسه نحرك المستشفى "

بعد ما صارت مشكلة لينادون  فاتنة بسرعه لتتدخل فهي تعرف تحل كل المشاكل التي تصير ومن المستحيل متحلها
فاتنة"السلام عليكم اول شي لا تعلي صوتك اكو ناس مرضى هنا صياحك ما راح يسوي شي ثاني شي بدال هذا الوقت الي تضيعه بحجيك السخيف و تهدد جان تكدر تدخل المريض و نشوف حالته واخر شي يعجبك يعجبك ما يعجبك روح لغير مستشفى و اي تجاوز ثاني هاي الكامرات راح تسجل كلشي "تقول كلامها بكل ثقه لتخلي الكل  مذهولين بجرئتها وخائفين من القادم فهي اهانت عشيره