الجزء تاني
*في القاعه *
اسر كان مصدوم ومش فاهم ازاي حصل كدا أما زين كان هادي جدا وكل مصورين اتجمعو حواليه
زين بهمس : اضحكي هيقولو متجوزك غصب عنك
مريم بهمس : هو انت وافقت ليه هو اي عك وخلاص
زين : عك ماشي انا وافقت علشان حبيبتي محدش يتكلم عليها
مريم بضيق : وانا ادمر عادي مهو كل واحد عايز مصلحتو
زين ابتسم وقال : خلصتي ممكن تبتسمي بقا علشان ناس
مريم ابتسمت بحزن أما رحمه كانت عنيها علي اسر وضايقت لما شافتو واقف معا ياما ياما مش باين عليها السن خالص من كتر عمليات التجميل ولبسها الشبابي ..
ياما قربت من أسر ومسكت ايدو وقالت : هتقولهم انا اقربلكم ايه بقا
اسر شال أيدها وقال : لمي نفسك بقا وافهمي اني قد ابنك وصاحب ابنك
ياما : بس انت عارف اني بحبك صح ولا ايه وعادي نتجوز
اسر بغضب : انتي متخلفه عيشي ياحبيبتي عدات وتقليد البلد الي انتي عايشه فيها وابعدي عني بقا
ياما مسكت ايدو تاني وقالت : هتقولهم اني خطبتك تمام يااما افضحكم
اسر بغضب : مبتهددش
أما عند زين مسك ايد مريم وقعدو علي كوشه
مريم بضيق : دول هيكتبو كتاب
زين في سرو : هبله متعرفش أن جوزانا باطل
مريم : مترد
زين بهدوء : كتبو مكتبوش مش مهم كدا كدا هنطلق ولازم ادور علي يارا
مريم : هو انت مش خايف عليها
زين : لو مكنتش خايف عليها مكنتش اتجوزتك
مريم سكتت ورحمه كانت واقفه جمبها ولسا مركزه معا اسر لقتو ماسك ايد ياما وبيقربو عليهم زين أنصدم من وجود امو
اسر : احم مبروك
زين بهمس : ايه الي جاب دي هنا
ياما بثقه : مبروك ياعروسه
مريم بستغراب : مين حضرتك
ياما مسكت ايد اسر وقالت : خطبتو واسمي ياما
اسر بص علي رحمه الي بصتلو بصدمه
مريم بستغراب : اسم غريب
ياما بثقه : بس احسن بكتير من مريم
رحمه بغضب : انتي اسمك ده ولا ليه شكل ولا لون ولا معروف اصلا ف ياريت متكلميش علي اسامي حد
