عاشق الولهان ( ابن العم )

حلقه ⁦4️⃣⁩

جريت كلينكس وخليته على شفتها ودم شكد.

شوية وكف نزف

..... يلفاهية شوكت تصيرين مرة معدلة ما ادري لزمتي تلفون انعميتي عليه بس هين نوران إذا ما خليتج مرة بيت معدلة الكل يلحف برأسها ما اطلع ولهان

ما جاوبت بس راحت تغسل وبدلت ملابسها وطلعت كبل تريد تطلع من الغرفه

..... اوكفي وين طالعه

وكفت وباوعتلي

.... وين موليه ابقي بالغرفه متشوفين وضع مشحون

حجت بصوت مبحوح

.... للحديقه

..... عيني ست نوران بس بهذا لبسج وكدام اخواني ما اقبل هذا تفرفرين بي هنا وبس

رجعت كعدت لنفس كعدتها

نزلت جوة سويت ريوك كليت بيض وكيمر عرب وحليب وجاي وكعك ابو دهن ويا

امي باوعتلي هزت أيدها وتشمر حجي

..... من هسة طلي لمرتك بعد شلون سحورة تكون

رحت بست رأسها

.... يمه انتي الخير والبركه بس غير بعدهي عروس خوما من اول يوم

دارت وجهة عني

اخذت صينيه وصعدتها

لكيتها نايمه الباندا متشبع نوم ابد

خليت صينيه بالكاع وكعدتها

..... كومي تريكي لا تنكطعين

هزت راسها وغطت وجها

جريتها للكاع وخليتها بحضني

وجهة احمر يمكن جانت تبجي تلكيها

رفعت كذلتها ليفوك بقيت امشط شعرها بيدي

اتنهدت وقربتها وبستها من راسها

دخلت رأسها بحضني وكامت تبجي اخخخخ احس كلبي تكطع من اسمعها تبجي

وتردد اريد ماما

بقت بحضني تبجي وإني خليتها على راحتها ودنيت صينيه وتمددت وهي متمسكه بيه وتبجي

شوية وهدت بقت بس تشهك

حضنتها حيل ئنت من ضهرها شلتها للسرير جريت تشيرت مالتها رغم خجلها وممنعتها نزعتها تشيرت وهي غطت جسمها بالجرجف

خليت عصارة الها جانت احس من البارحه خف الأثر

دهنتلها وبقيت امرر ايدي على ضهرها بهدوء

همستلها

.... كل هذا الي سوته وبعدج مصرة ترديها زين ليش اني مترديني شنو سويتلج

غمضت عيونها كمت للحمام اغسل ايدي وهي لبست تيشرت

رجعت لكيتها منتجيه على تاج السرير وصافنه