ماشي اليوم التلات و نايض علي اعصابي اركبت افيكو و صلت خشيت متاخر و لزني دكتور النبات طلعت درت دورا و القيت مصلى وبا اني مش مصلي و طالع مستعجل مشيت و صليت الصبح .
طلعت وليت للمدرج و تمت محاضرت النبات خشيت احضرت محاضرتي التانيه قعمزت البنت الي احكتلكم اعليها وراي و مشعارف علاش توترت و شرين تلفونها بصوت عالي النغمه اغنية rita ora ( l will never let you down )
المهم الدكتور ناض فيها و قليلها شنو تحسابيه ديسكو مرديتش اعليه و هواااا كمل و فش غله و بعد ما اسكت قالت اسفه يا دكتور مش حيتكرر .
وقليلها نقعيها و اشربي اميتها و مرديتش
المهم الدكتور اخلاقه زي و جها
البنت سخفتني لكن واضح اعليها مش امعدل اعليه المهم حطها الدكتور في موقف بايخ و بعد ما كملت المحاضره قعدت تسال في صاحباتها ع الكيميا و تدكرت اني مش كاتب المحاضره لاول ف طلبتها منها
قلتلي لحضه نكتب اسمي كتبيته ب الايسار يعني تكتب ب لايسرا و هيا اول شخص في حياتي انشوفه يكتب بالايسار المهم اسمها .خلينا نكتبو اسم غيره شنو رايكم في نرجس المهم كنت نكتب لين جي الدكتور ف انتبهت امعاه لين كمل بعدين طلعت البنت و انست المدكره قلة عادي نعطيهالها الاسبوع الجاي روحت و تاني يوم نوضت و بديت في قرايتي اففففففف هدا كله يبي اكتيبا هي نبدو .
البنت مدكرتهاااا فوضاااااا لكن عااادي .
كملتها و قعدة نتفرج عليها و انقيتها كاتبه رقم من الخلف مدااار سبحان الله حتى شفرتي مدار المهم
تاني مره في الصبح خارج المدرج رديتلها المدكره و زي الغبي قلتلها في رقم من الخلف بس مخديتاشي و مشيت
طبعا البنت استغربت و قالت خيره هااادا
واني مستغرب فيروحي كيف قلت هكي .............................
نتمنا اتكون عاجبتكم انكمل ولا انوقف
أنت تقرأ
أنآ ليبي
De Todoهدهي القصه من شخص ليبي نصف فيها الواقع اليبي و خلفية شخص ليبي بس بطريقه انت مريتوش زيها القصه هادي قصه رح تخليك ترتب اولوياتك من اول و جديد بس رح نكتبها باللغه العربيه لانها لغة ديني .
