هلاو للجميع ...
" اتيـتك نادماً "
بقـلمي : ودق
قالت وعيناها كلامٌ متعبٌ
والعمر منهوبٌ على أجفانها:
أنا غيمةٌ إلا قليلاً ..
فانتبه !
قد تهطل الغيمات قبل أوانها....
قصه جديده اتمنى تنال اعجابڪم ..
.....................................................
صافنه بالفراغ وتذكرت قبل شلون جان ڪل همي الاڪل والنوم واخلص من التحاضير والدروس عكس تفكيري لحالي الي هـو المسلسلات التركيه والي لو يدرون اخواني جان ماقبلـوو اڪيد ...
تشددهم يزعجني يااخي من الله يرزقك ب7 اخـوان ... الله يحفضـهم اكيد
بس يااخي هـنا كل حركه وكل تصرف محسوب
وخاصـتاً انا الاخـت الوحيده وهم ولد عشائر حسيتو بحجـم المعاناة مو؟؟
لتاخذون نضره على اخواني مدلليني حيييل ومعيشيني حياة سعيده
بس يبقـووون اخووان
اني اسينات
خلي نرجع شوي لماضي امي وابوي
بابا عائلته ڪلش جبيره وهوواي انتاجهم واسع والحمدلله ...
عنده 5 اخوان واحد انقتل و4 خوات
3 من عمامي مطبقين تعدد الزوجات وعمي الزغير ممتزوج ورافض الفڪره ڪلش ...
وڪلمن عنده طننن ولد وبنات
اما اهل ماما الي بعمري مشايفتهم اساساً ماما انوخذت فصليه من زمان وللاسف معاشت قصص الفصليات ـلا ـلا ابد عانتت هوايـۃ وللان هيه بڪل ڪعداتنه يصيحوله الفصليه والفصليه
بابا قبل امي جان متزوج وعنده 7 ولد بدون بنات وهو ڪلش يحب البنات
بعدين من اتزوج ماما لان عمي الزغير مرضه يتزوج وڪل عمامي متزوجين على نسوانهم فتزوجها بابا الي بنضرهم اعزب لان متزوج وحـده ..
شافت معاناة ڪلش جبيره من مرة ابويه ومن عماتي وبيبي جانوو يعذبونها عبالك هيه القتلت عمي الله يرحمه وهو خالي اللي قتله ...
بعد ماتزوج بابا امي ڪلما تحبل تجهض بسبب الضرب والتعذيب من عماتي لحد ما حبلت بيه وبابا خيرها اذا ولد تسقطه واذا بنيه ـلا تعوفها ولحسن الحظ طلعت ﺎنـي
جنت مدلله من ڪل النوواحي والجهاتت اخواني ميمر يوم اذا ميشوفوني ويلتمون يمي والحلويات والملابس ووو ...
_________________★
ڪاعد داحجي ويه صديقاتي مڪالمه جماعيه نور ومروه
صوت طرق الباب
اسينات : منوو؟
عبود : ﺎنـي اسوو فتحي الباب
: تعال ادخل
: بابا يڪول عزيمه بلبيت الجبير وڪله هناك بدلي بلاربعه نروح ويڪول ڪول لاسوو ماڪوو حجه دراسه وخلصتي ولا مريضه ولا شي
: اهووو شنيه مااريددد اروح ڪوه يااخي؟؟
: هذا ڪلام الوالد ست اسو يـلا فضينه وهاا ابن عمو عماد هذا الي بلخارج جاي ومسويله العزيمه
: تَمام ديلا روح
مروش : لجج عووبه هذا اخوج شڪد عمره صوته حلووو
: عبود هذا اصغر اخواني عمره 22 ميفيدج حاجزيله فاطمه بت عمو عماد
: يعني انتو ڪله هيج واحد ياخذ من الثاني؟
: ايي فددد خايسه اطباعهم
: لج وانتي المن حاجزيج
: مااعرف
نوره : ايييع لج شنو سلعع هاي شلون متحملين
: اي ولج اموت منهم واني ميفتحون ڪدامي هلشڪل موضوع وڪلمايريد ينفتح بابا يخزرهم لو رأستاً يغيرون الموضوع الله اعلم بعد خلي اڪوم ابدل صارلي مدري شڪم شهر مداخله بيت جدو ...
ـلان ڪلهم نفاق وبس يحجون ؏ ماما
نور ومروه : يـلا باي
ڪمت من مڪاني محتاره شلبس اطباعهم حيـل مڪروها صح ﺎنـي منهم ولازم متعوده بس يمصخوهاا حيل بلنسبه للبس يعني لبسي محترم بس اله يلعقون وينتقدون
ماما من الانبار وبابا من البصره ...
طلعتلي عباية اسلاميه تصير مفتوحه وبيها خط رصاصي ڪلش مرتبه ونازڪه وياه شاله رصاصي ولبست جوه بنطرون وقميص ـلان العبايه مفتوحه ...
ماما صدك من الانبار بس امها ترڪمانيه من السليمانيه فدائماً ماما تڪلي ڪلش تشبيهن حبوبتج ﺎنـيہ محڪعد امدحلڪم بشڪلي بس بحڪم امي اصلها ترڪمان وبابا همينه ڪلش حلوو بس اسمر فاني تقريباً ماخذه بياض ماما وعيون بابا الي رصاصيات فاتتحح وشعري اسود طويل ڪلش لرڪبي هذا اكثر شي مميز بيه ... بينما الباقي عـادჂ̤ ماكو شي مميز ..
نزلت جوه محدد ابد
شنو معقوله عافوني وراحو؟
رحت لمشتمل عدنان اخوي الجبير لڪيت فارس ابنه ديلعب ببجي
: هيوو فارس ابويه وامي ووين؟
: شدراني ﺎنـيہ متشوفيني جاي اللعب؟
: امك وين؟
: يم حبوبه سميه بلحديقه الخلفيه
أنت تقرأ
اتيتك نادماً
Romanceمـا برأيـڪم ان تفـعل اسيـنات اخـت الاسـود السبـعه وهي تقـع في غـرام مـن يعتبرونهُ عـدوهم؟ ومـا برأيـكم ان يفعل الذئب وهـو يحـارب في ان يحصل على لبـوة الاسود؟ قصـة تتكلم عـن اسـينات بطلة قصتـنا ابنـة شيـخ عشيـرة كبيره في البصره تحـاول ان تحـارب عا...
