الفصل الأول
سبحان الله وبحمده سبحان الله العظيم
كانت تسير بشكل عشوائى لا تعرف وجهتها ، تشعر بان حياتها فارغة ليس هناك ما يستدعى الاهتمام ، تشعر بالوحدة كثيرا خاصتا بعدما تعرضت لذلك الحادث الذى جعلها تفقد جميع ذكرياتها القديمة لتحاول بعدها ان تشيد ذكرياتا ولكن كيف لها ان تقوم بذلك وهى تجد والدتها تضيق عليها الحياة لتلجأ دوما الى رواياتها الرومانسية التى تجعلها تسبح فى عالم وردى مع فارس أحلامها ...
ألتقطت عينيها رجلا وسيما يشبه ابطال الروايات ترجل من سيارته وهو يتجه نحو احدى الشركات التى تعد من اكبر الشريكات فى القاهرة الكبرى المسئولة غن تصنيع الحديد والصلب ، وجدت قدمها تدفعها نحوه دون ارادة منها وكأن القدر أراد ان يجمعهما لمرة ثانية ....
-: لو سمحت يا ... يا باشمهندس
-: نعم... انتي بتكلميني انا ؟
-: امال بكلم مين هو انت شايف في حد غيرك ؟
-: اوووف اللهم طولك يا روح عاوزه ايه ؟
-: ممكن اطلب منك خدمه ؟
-: اتفضلي
-: ممكن تشغلني عندك سكرتيرة!
-: نعم!! عندي انا ؟
-: ايوه ، بص انا شاطره وذكيه وبستوعب بسرعه ، بس انت اديني فرصه بس ..
-: بس انتي فا.....
-: بص انا هقولك على امكانياتى انا فالانجليزي تلاقيني لبلب ، والفرنساوي مكسر حافظه الحروف يادوب بس انا ممكن اتعلم عادي ، هاخد كوروس ..
-: لبلب ومكسر ؟؟؟ يا بنتي اسمعي انا....
-: طب سيبك من ده ، واخد انت بالك ادب وشياكه و مبطلبش طلبات كتير... وممكن اعيش ب ٣٠٠ جنيه فالشهر ..
-: نعم!!! ٣٠٠ جنيه !!
-: ايوه متستغربش اصل انا مدبرة مش زى البنات الى بتصرف فلوسها يمين وشمال ، بص جربني بس وانت مش هتخسر...
-: اجرب ايه انتي عبيطه.
-: بص بقى انا ماسكه فيك بايدي واسناني ، انا مصدقت بصراحه ، فمتحاولش انك تكرهنى فيك ..
-: مصدقاتي ايه ؟
-: الاقي صاحب شركة ،انا كل ما اقرا روايه الاقي البطله تشتغل عند البطل هوب يتجوزها وش ،حاولت كتير اشتغل في شركات بس بلاقيهم عواجيز .. طب يرضيك اتحوز واحد قد ابويا ..
-: وأنا مالى انا تتجوزى ولا تتنيلى حتى ، روحي يلا من هنا متعطلنيش...
-: بص بقى انت لو ما اعجبتش بيه حالا وطلبت ايدي للجواز هصوت وهلم عليك الناس وهفضحك وسط موظفينك واقول انك كنت بتتحمرش بيه واخليك تتجوزني غصب ..
أنت تقرأ
صاحب الشركة (مكتملة )
Truyện Ngắnكانت تحلم بالفارس المغوار الذى سياخذها على حصانه .. لتقرر ان تبحث عنه بنفسها لتصطدم بذلك الرجل الذى قد ظنت انه الفارس المناسب لتنقلب حياتها رأسا على عقب بعدما تعرف انها لا تعيش سوى كذبة ، تكفر بها خطايا الماضى التى لم ترتكبها اصلا ... القصة تدور فى...
