صاحب الشركة
روني محمد
الجزء السادس
دعاء بغضب : انت ايه الي انت عملته ده ؟
وليد : ايه كنتي عاوزه تركبي معاه ؟
-: لا طبعا انا مكنتش هركب ، انا بكلمك على لما جرتني وراك زي الجاموسه.. انت بأي حق اصلا تعمل كده ؟
-: اسكتي دلوقتي عشان انا عفاريت الدنيا بتتنطط في وشي
-: لا مش هسكت ، ابعد ايدك دي عني ، انت ملكش حق تعمل فيه كده...
-: ايه كنت عاوزه تركبي معاه صح وهو فرصه واحد معاه عربيه ، وطول بعرض زي بتوع الروايات الي بتقريها ، اهو تحاولي تعملي الاعيبك عليه يمكن الصناره تغمز منفهعش صاحب الشركة يبقى تشوفي غيرو صح ؟؟
لم تشعر بنفسها الا وهي ترفع يدها لتسقط على وجهه مسببه صوت عالي لتقول
-: لحد هنا واستوب ، انا مسمحلكش ، انت واحد قليل الأدب ومش محترم ، انا همشي ومش هتشوف وشي تاني ولو عاوز تسجني بالعقد بتاعك اسجني انا معنديش مانع....
لم تعطي له الفرصه ليرد عليها ، وانصرفت سريعا من امامه ، بينما هو تسمر مكانه ، يحاول ان يفسر ما حدث وهو يكور قبضته بغضب.....
بعد عده ايام
والده دعاء : يلا يا دعاء عشان هنرتب البيت عشان جايلك عريس النهارده...
-: ماما لو سمحتي انا ولا عاوزه عريس ولا زفت سبيني في الي انا فيه
-: بقولك ايه يا دعاء الأسطوانه المشروخه بتاعتك دي انا حفظاها ، اعملي حسابك انا خلاص جبت اخري منك ، لو فضلتي تطفي فالعرسان كده انا هبعت لعمامك وهما يتصرفوا...
دعاء باستسلام
: عاوزاني اساعدك في ايه ، عشان اليوم ده يعدي...
_: ايوه كده متجيش غير بالعين الحمرا
في المساء
جاء العريس المنتظر ، هذه المره لم تدخل دعاء بالصينيه ، بينما سبقتها والدتها بها ، لتتدخل دعاء بعدها ، رفعت عينيها لتتفاجئ به يقف امامها بيهيئته القابضه للأنفاس يحمل باقه من الزهور.....
صاحب الشركة
روني محمد
الجزء السابع
قدم لها فهد باقه الزهور وهو يبتسم لها بينما هي ظلت مصدومه لا تتحرك ، لكزتها والدتها لتسلم عليه وتأخد الباقه التي يمد يده بها ، اخذت دعاء الزهور من يده وهي تتصنع الأبتسام......
جلست في الكرسي المقابل له بعد ان تبادلا السلام ليقول فهد
-: طبعا يا أنسه دعاء انتي عارفة سبب مجي هنا النهار ده انا اعجبت بيكي من أول مره شوفتك فيها ، ولما كنت ناوي اوصلك يومها فده عشان كنت عاوز افاتحك في موضوع الأرتباط ، بس اتفاجأت من الي عمله وليد ، بصراحه فكرت ان في حاجه بنكم ،نزلت من عربيتي ومشيت وراكم لغايه لما شفتك ضربتيه بالقلم ، وسمعت كلامك معاه عرفت انك فعلا محترمه جدا و انك فعلا الانسانه الي تستحق ان أرتبط بيها....
والده دعاء : انا مش فاهمة حاجه وليد مين يا دعاء
دعاء : هبقى احكيلك بعدين يا ماما مش وقته
ثم وجهت كلامها لفهد قائله
-: بس انت عرفت عنواني ازاي ؟
فهد : عرفته من الملف بتاعك الي موجود بالشركه ، وكمان عرفت الشرط الجزائي الي وليد حاطه بالعقد ، انا كلمت محامي وممكن نطعن بالعقد ده ونلغيه...
قالت والده دعاء بقلق : شرط جزائي ايه الي بتتكلمو عنه ؟
دعاء : بعدين بعدين يا ماما هقولك
والده دعاء : بت انتي انا مش مستريحالك انتي من يوم ما قعدتي من الشغل وانتي حالك ميسرش وقافله على نفسك ، ولا بتتكلمي ولا حتى بتخرجي....
كزت دعاء على اسنانها لتقول
-: قولتلك يا ماما بعدين
فهد : انا هقولك كل الحكايه ان . .
دعاء : لو سمحت يا استاذ فهد الموضوع ده يخصني وانا هحله بمعرفتي ، ملوش لازمه نتكلم فيه
قاطعهم صوت جرس الباب لتنهض دعاء وتستأذنهم لتفتح الباب...
فتحت دعاء الباب وتفاجأت به يقف امام الباب ويرسم على وجهه ابتسامه جعلت قلبها يخفق بعنف ، قدم لها الأخر باقه من الزهور البيضاء ، ابتسمت له بخجل ولكن سرعان ما تلاشت ابتسامتها حينما سمعت صوت والدتها تقول من خلفها
-: مين يا دعاء.....
دعاء : ده.... ده وليد
صاحب الشركه
روني محمد
فوت عشان انزل الي بعده
أنت تقرأ
صاحب الشركة (مكتملة )
Truyện Ngắnكانت تحلم بالفارس المغوار الذى سياخذها على حصانه .. لتقرر ان تبحث عنه بنفسها لتصطدم بذلك الرجل الذى قد ظنت انه الفارس المناسب لتنقلب حياتها رأسا على عقب بعدما تعرف انها لا تعيش سوى كذبة ، تكفر بها خطايا الماضى التى لم ترتكبها اصلا ... القصة تدور فى...
