رواية مجنونة ولكني أحببتُها ( ج2 من فتاة تتحدى الجميع )

البارت الخامس

الراجل بخوف : لا هتكلم خلاص يا هانم
فاريهان بابتسامة رضا : أوك اتفضل سمعاك
____________________

في أحد الأماكن الهادئة على النيل
إياد بمزاح : طيب هتفضلي ساكتة كدا كتير وبتبصي للنيل وبس طب وأنا
شمس بخجل : وإنت إيه
إياد بضحك ملطفًا الأجواء : عليا الشويتين دول يابت بقى إنتي بتتكسفي مش عارف أصدق والله
شمس بغضب وهي تضربه في كتفه : بقى كدا ليه مش بنت ولا مش بنت ياخويا ويلا من هنا روح هاتلي حمص شام بدل مأنت قاعد وملكش تلاتين أربعين لازمة
إياد بضحك وهو ينهض : أنا غلطان قولت ألطف الأجواء يعني حاضر رايح يا منيلة متزقيش
وفي نفس الوقت كان لؤي هو وصديقه  زياد يمشون على النيل فلمح زياد فتاة جميلة بشعر مستوحى من أشعة الشمس وعيون متجزأة من السماء ووجه أجمل من البدر نفسه فلم يمنع نفسه وقال
زياد : يا من خلقت من الجمال والجمال خلق من عيناها كيف لمثل هذا الجمال أن يترك وحيدًا؟!
شمس بغضب : متلم نفسك يا روح أمك
لؤي بضيق وغضب : زياد إحنا من إمته بنبص لبنات الناس وبنعاكسها
زياد بخجل من صديقه : أعتذر منكِ يا أنسة لم أقصد أن أضايقكِ ولكني لم أستطع منع نفسي عندما لمحتكِ عيناي
شمس بفم مفتوح : ها مفهمتش حاجة هو شتم بعد ما قالي أسف ولا إيه
لؤي بضحك : قصده إنه لما شافك مقدرش يمنع نفسه يعاكسك هو محترم خالص والله أنا استغربت إنه عاكسك أصلًا عمومًا أنا كمان بعتذر من حضرتك وأتمنى تعذريه هو مش مصري وميعرفش إنه مينفعش يقول الكلام دا لأي حد يقابله
شمس بصدمة : الله يعني هو مش مصري طب اسمه إيه
لؤي بضحك : زياد
شمس بتكشيرة : مهو اسمه مصري يبقى مصري يابني
لؤي بضحك أكثر : لا هو أتولد وأتربى في أمريكا إنما أهله مصريين ومسلمين زينا عادي فهمتي
شمس بخجل : أها خلاص ياجدع متكسفناش فهمت
لؤي ببسمة بسيطة ليهدأ الأجواء : مقولتليش اسمك إيه إنتي كمان؟
شمس : شمس وإنته؟!
لؤي : لؤي مبسوط إني اتعرفت عليكي عن إذنك يا قمر وأتمنى نتقابل تاني
وذهبوا وتركوها تسرح في هذا اللؤي استغربت نفسها أنها لم تتضايق عندما نعتها بالقمر واستغربت تلك المشاعر التي تتخبط بداخلها نحوه أيعقل أنها أحبته منذ أول نظرة نفضت تلك الأفكار عندما رأت إياد عائدًا لها
إياد وهو يعطيها كوبها : الجميل كان سرحان في إيه
شمس وهي تبعد عيونها وتركزها على الكوب بيدها : مفيش كنت بقول لو ينفع يعني لما تيجي تركبنا مركب من دول
إياد بابتسامة : عيوني للقمر
وذهبوا إلى المراكب
____________________

عند لؤي وزياد
كان لؤي يفكر في تلك الشمس هي حقًا اسم على مسمى هي شمس بلون شعرها الذهبي وشمس مضيئة وبجهها الضاحك شعر نحوها بمشاعر غريبة منذ لمحتها عيناه ويقسم لو لم يسبقه زياد ويتحدث لفعل هو ذلك
زياد وهو يهز لؤي من كتفه : أين ذهبت بعقلك؟! أشك بأنك سمعت كلمة واحدة مما قلت
لؤي بضحك وهو ينكش شعره : ها لا مفيش تيجي نروح بقى لأني زهقت
زياد : حسنًا ولكن رجاءًا تحدث بالعربية الفصحى أو الإنجليزي فأنت تعلم أني بصعوبة كبيرة أفهم اللهجة المصرية
لؤي وهو يركض ليسبقه : Bueno, trata de llegar a los autos si puedes, amigo
( اشطا جرب تسبقني للعربيات يا صاحبي )
زياد وهو يركض خلفه : لؤي توقف عن المزاح تعلم جيدًا أني لا أفهم الأسبانية
لؤي بضحك : إذا كيف عرفت أني أتحدث أسباني يا أحمق
زياد : لأنك لا تتحكث سوى إنجليزي وألماني وفرنسي وإسباني وأنا أتحدث نفس اللغات عدى الإسباني فبالتأكيد أنت تتحدث إسباني use your brain (شغل مخك)
لؤي بضحك أكثر : مأنا مشغله ياخويا وعمومًا قولت حاول أن تسابقني للسيارات يلا أبدأ بقى
____________________

عند فاريهان في منزلها
فاريهان : نيلو أريد أن أطلب منك طلب يا قلبي
نيلوفر (ابنة فاريهان) : تفضلي يا عزيزتي أعلم أن هذه المقدمة خلفها مئة طلب وليس واحد
فاريهان بضحك : من والدة الأخرى لأفهم؟!
مراد وهو يدخل المنزل : لم لا تطلبين مني أنا بدل الحجة نيلو إللي ساقطة مصري دي
نيلوفر بغضب : فهمتك يا أحمق لا تحاول أن تغضبني وإلا أنت تعلم العواقب
فاريهان بضحك : خلاص إنتوا الإتنين المهم أريدكِ أن تذهبي غدًا مع شمس التي حدثتك عنها وتساعديها في اختيار الملابس ولكن إحذري فهي لا تتحدث الإنجليزية وحاولي أن تكوني لطيفة معها إتفقنا
نيلوفر : أوك but
فاريهان مقاطعة : لا وحياتك يا شيخة كلمينا عربي علشان تتعودي البت قولنا مبتفهمش انجلش
نيلوفر : ماذا؟!
تامر بضحك : بتقولك هش من هنا يا هبلة
نيلوفر بغضب : ها ها ها فهمتك يا أحمق وهي لم تقل ذلك.. صحيح مامي؟!
فاريهان بضحك : صحيح يا قلب مامي يلا اطلعي نامي لكي لا تتأخري عليها غدًا
تامر لفاريهان بعد ذهاب نيلوفر : أروح معاهم أحيات عيالك أشيخة
فاريهان بضحك : يابني إنت بتشحت وبعدين ربنا كرمني بواحدة مبتفهمش مصري والتاني صايع درجة أولى ففاهم كل حاجة وزيادة
تامر وهو يقبلها من خدها : طب ها قولتي إيه يا قمر إنتي
فاريهان: لا يا بكاش دي خروجة بنات بس وإياد لو عرف يبقى قول على نفسك يا رحمن يا رحيم
تامر بتكشيرة : ماشي خلاص أنا هخرج مع أصحابي بقى جات عليا يعني
*بقلمي: أميرة الظلام(مروه كمال محمد)*