الضابطة ملاك

البارت الثاني

هلو شلونكم طبعاا هذا البارت رح ابدي قصتي اتمنى تعجبكم

ماما: الو هلا ملوكة شلونج ماماتي رحتي الدوام
ملاك: هلا ماما تمام اي امي رحت بعد  ربع ساعة اني بالبيت بابا وصوفي هم يجوز وياية انتي وين
ماما: اي زين محضرة الأكل اني يلا اگلج أمي تعالي لي اني بالجامعة هسة خلصت
ملاك : اها اوك ماما دقايق واني يمج
ماما : اوك بنتي يلا باي
ملاك : بايات
هلابابا هايي ماما خابرتني اروح اجيبهة من الدوام رح اخذ سيارتك تگدر تروح وية صوفي حباب خاف تزعل ماما وهذا نحس مينطيني سيارتة حباابب
بابا : بااع اللواگة 😂😂 ايي يلا روحي انتبهي عل طريق عينج لاتمشين سريع اوك
ملاك : فدوة اروحلك اويي يخاف علية
بابا: دنجبي اخاف عليج شنو والله عل سيارة خايف لأن انتي ثولة والسيارة جديدة
ملاك: خرب حضي واني حسيت بالأمان والاستقرار عبالي تخاف علية 😂😂 يااا تأخرت هسة تزعل نبع الحنان بايي
بابا: يلا ولي بايي حبيبتي مثل ماوصيتج اني رايح
ملاك : اووكك
طلعت من المركز وصعدت سيارة بابا طبعا وأكيد شغلت اغاني وعليتة واصور ستورياات انستا  هههههه الة شوية ادعملي واحد ابو سورنتو والله لو بابا يشوفني شلون اسوق الة يسحلني وبعد ميخليني اصعد سيارة بحياتي 😂😂
وصلت ال ماما هلا مام الله يساعدك يا حلو
ماما : هلا بيج ويساعدج لعد ابوج وين
ملاك : امي بابا راح وية صوفي للبيت ونطاني سيارتة اجيج ايي شلونة شغلج
ماما : ها اوك والله زين ماشي بس شوية متعب
ملاك : اي الله يساعدج والله متعب كولش
ماما : يلا وصلنة نزلي تغدي ونامي
ملاك : ايي
نزلت وفتت للبيت لگيت مريوم وابو الروض جايين
لك هلا بالضلوع شلونكم
مريم مرتضى : هلاعيني صايرة متسئلين لو منعجب
ملاك : اگول انجبوا موصوجكم يلا ولو اروح اسبح وانام  مااااا ماااااا من اگعد اكل عود ضمولي
بابا : وسمم على عل صوتت رجال انتي
ملاك : مقبولة منك يالغالي
بابا : غصبا عليج مقبولة ام لسان يلا روحي نامي
ملاك : يلا بااااايي
بابا : شلون تريد تنكتل لج حسج گصري ادبسز
ملاك : ااااييي عووودد افكر
بابا : اجيتج
ملاك: يماااا😂😂 اشاقة والله اركض اخوي عامر
بابا : شلون اني وية هاي الزعطوطة
ماما : عوفهة يا رجال خليهة ضحكة البيت
بابا: هوة شفسدهة غيرج
ملاك : طبعا صعدت لغرفتي طبيت تغوسلت على گولة ماما 😂 وحطيت مرطب ونمت ل٦ العصر يلا گمت نزلت بكفشتي وگفت عل درج وصحت
ملاك : ياااااا أهللل البيييتتت جووعااااانةةةة
ماما بابا : وسمم وجعع روحي اكلي بالمطبخ
ملاك : شمسويننن اكل
ماما :دولمة
ملاك : ايعععع يعني مااحبهةة شنو السالفة
بابا : بت النعال شنو ايعع گولي الحمد الله هاي نعمة
وولي جيبيلج اكل من برا
ملاك : يي هسة اني شگلت وبعدين مابية حيل اجيب صيح على روري يجيبلي عليك الله حباااب بداعة ماما
بابا : دولي انتي گوليلة
ملاك: شفتي ماما حلفتة بيج وميقبل لعد شگد يحبج
ماما : صدگ يارجال متحبني 😒
بابا: هههههه اشااقة وياج يول تحلفيني بالغالية  ادللي لك رووووضضةةةة ويننكك
مرتضى: هااا يمعود شسالفة
بابا : امشي جيب عشة النة من المطعم
مرتضى : اهوو مابية حيل متتروح هايي ام طويلة
ملاك : باابااا شوفةة يقلد علية
بابا : لكم اني شگلتت امشي بسرعة يلاا
روضة : اييي خرب جيب فلوس والله مادفع مني
بابا : اخذ من المجر ميتين على فلوسك غير اذا اكلنة منهن نتسمم عينك ورة اللگمة تصير
روضة : اي علساس اني جابركم تاكلون من فلوسي
ملاك : دمشي لك اليسمعك يگول بنگ الرافدين كولة يمك هنة خلالات العبد عندك
روضة : انتي اكليخراا
ملاك : لا يا ادبسز تعال اجيتك
روضة : اركضض اخوي عامر 😂😂
ملاك : قابل تبات برا اليوم الزمك الزمك اخخ يمةة رجلي طب گزاز برجلي لحگولي رح امووتتت اخخ اشهد ان لا اله الا الله اخخخ
بابا: هاب متنجبين هية هلگدوتهة گامت تتشاهد گبر اي والله
ملاك : والله تصوبت شبيكم متصدگون عائلة ز......عا جفصت
بابا : لا لا اشو كملي ليش سكتي كملي
ملاك : لاهيج داگولك باع الزرف الصار برجلي
بابا: الزرف مو دهااج هذا ايسوي زرف براسج
ملاك: اي الزر اااهخ بابا شبيك مو بالنعال صدوگ جذب راسي دبگ 😂😂
بابا : دولي مني عاد
ملاك : ايي رحت
رحت لمريم دتدرس عدهة امتحان
ملاك : هلا ام الروم الله يساعدج
مريم : هلاوات حب شلونج
ملاك: بخير وانتي تريدين اساعدج بشي
مريم : الحمد الله اي والله علواه هاي المسألة مدافهمهة شرحيهة الي
ملاك : سهلة ادللي ... شرحت الهة وكملت وگعدنة نسولف لحد ما اجو روضة وصاحنة ننزل ناكل
ملاك : شجبت هيوو
روضة: هيو بعينج + كباب و صاج لحم وزنود الست
ملاك: هلا والله جيب جيب بعد اختك ممتغدية والله
روضة : وسم حتة العلاگة رح تاكلهة
ملاك : اكلخرا عزيزي
روضة : گبر اي والله
ملاك : يلفك يروحي
ماما : انجبوا واكلوا
روضة ملاك : ايي 😑
ماما : مريمم تعاايي وصيحي ابوج وصوفي هم
اجوي كلهم وگعدنة ناكل وكملنة ولميت الأكل ونضفت وصعدت الغرفتي باجر دوام صوفي وروضة طلعوا مريم راحت لغرفتهة ماما وبابا ديشربون چاي
المهم صارت ١٢ ونص وصوفي وروضة بعدهم مجايين يا ربي تأخرو بسلا صاير شي
ماما: انجبي ان شاء لله ماكوشي فال الله ولافالج
ملاك : ان شاء لله
تأخرو واني نعست كولش رحت نمت وماما ضلت گاعدة بالهة يمهم
المهم گعدت الصبح على صوت صيااح
يا ربي سترك شكو من الصبح اسم الله
نزلت اشوف امي ومريم يبحون يااا يمةة هاي شكو شبيكم منو مااتت
ماما : لج يمةة راح ابني
ملاك: يمة شنو ابنج ياهو احجوو لخااطر محمد
مريم : لج ملاك صوفي وروضة البارحة مو طلعوا من راجعين صوفي ديعلم روضة يسوق لأن صار فترة مسايق وروضة ماشي سريع وضارب ولد والولد ميت
ملاك : عزاا وهسة وين همة
مريم : بالمركز محجوزين واهل الولد عشاير يريدون دم بدم
ملاك: شنو شتحجين انتي اني رايحة
ماما : وين رايحة
ملاك: اروح البس البدلة واروح للمركز اشوف ياهو يريد دم وكلام الله اموتهم بس يطخون واحد منكم بسيطة يصير خير
صعدت لبست البدلة ونزلت ركض طلعت للمركز بوجهي لگيت هوسة هناك وناس معگلة گلت اكيد همة رحت الهم بالبدلة وصحت شهل صياح
الشيخ ابراهيم: اسكتي ياحرمة مادخلج بشغل الزلم
ملاك: عمي اني ملازم اول هنا شعدكم شنو هل صياح
شيخ ابراهيم : شنهي احنة مانخلي شغلتنة بيد حرمة ماتفهم مكانهة موش هني بالبيت
ملاك: عمي تحجيلي سالفتك لو تتفضل برا المركز واني اخت الضرب ابنكم
محمد: احترمي نفسج هيي شنو تطردين جديي لسانج ضبي لا اضبة الج انة
ملاك : انتة مالك دخل محد حاجي وياك
محمد : گمت افور واصيح شنو هل مضرطة زعطوطة بالمركز والله ادفنهة اليوم رحت داضربهة جان تلوي ايدي اني صرت ناار
ملاك : اجة يريد يضربني لزمت ايدة ولويتهة گتلة الأيد التنمد علية اكسرهة قبل لاتنمد.اوك امي لا اخذ الجماعة والگعد الخميس
محمد : بسيطة امشي جدي ماعدهم جبير مطلعيلنة وحدة زعطوطة
شيخ ابراهيم: انة الها گالت اخو مو بسيطة
محمد: جدي شجاي تفكر
شيخ ابراهيم: يصير خير وليدي
محمد: الله يستر من تفكير جدي
رجعنا للبيت جان مگلوب گلاب عياط وصياح النسوان والزلم ابن عمي الي انكتل طبعا علاقتي مو قوية بي بس يبقى ابن عمي المهم جبنة الجنازة وصار العياط مالة والي
شيخ ابراهيم: يانسوان بسجن فضحتنة گصرن حسجن عيب من الوادم
خديجة : ياشيخ عزيز علينة يماااايي راح ابو طول الحلو
شيخ ابراهيم: بسج يا مرة انة اسكتج اسكتهن الرجال راح لدار حقة مايجوز عليه الة الرحمة
محمد: نصبنة الجادر والغدا والعشة والجاي وصار ثلاث ايام وهاي البنت ما تروح من بالي هية حلوة بس انة حقدت عليهة شنو تصتصغرني گدام الوادم انة اعلمهة صار يوم الخميس اليوم الگعدة جدي جمعنة قبل الگعدة بساعتين يريد يگول النة شنهو نطلب منهم
شيخ ابراهيم : انة جمعتكم اگلكم طلبتنة شنهي من الوادم
احمد : اي بوية تكلم شنهي رح ناخذ منهم
شيخ ابراهيم : اصبر ياوليدي انة اگول تذكرون الحرمة الي طلعت لنة بالمركز
احمد واياد ومهيمن : اي بوية نذكرهة بس اشدخلهة
شيخ ابراهيم: هية گالت انة اخت جتال ابنكم
محمد: يي جدي
شيخ ابراهيم : عجل ناخذ منهم ١٠٠ مليون وفصلية
محمد احمد اياد مهيمن : والنعم من قرارك  هاي هية
محمد : بس جدي من هو ياخذهة
شيخ ابراهيم: انة اجيبهة واشوف المن ترهم من احفادي
محمد : عجل امشونة نروح الهم
شيخ ابراهيم : امشونة
رحنة الهم وطلبنة طلبنة ابوهة للبت انصدم وگال كولشي انطيكم بس بناتي خط احمر
شيخ ابراهيم: عجل تصير دم بدم
عادل : انصدمت من طلبهم صدمة عمري يعني لو بناتي لو واحد من ولدي
رجعت للبيت الدنيا ضايگة بية
تلگتني ام مصطفى
الأم: ابشر شنو طلبو شبيك احجي لاتخوفنة
ملاك: بابا قلقتنة شنو رادو
مريم: بابا حباب احجي
عادل: شحجي شگول
الأم : خيرك يابو مصطفى شطلبو گول
الأب: طلبو ١٠٠ مليون
الأم : ايي
الأب : و وفصلية
الأم: شنو بنااتي
الأب: يا مرة گومي ملاك بسرعة جيبي شي لأمج تلبسة
ملاك : عزا ماما شبيج بابا شكو ايي دقيقة هاك
الأب: جيبي بسرعة شيليهة وياية
مريم: يمةة ماما شبيج امي لتروحين حبابة اهئ اهئ شبيهة حبابين احجو
ملاك : وخري مريم مو وكتج
الأب: اخذناهة للمستشفى طلع ضغطهة صاعد
الدكتور: عدهة ضغط مرتفع اثر صدمة وشبة جلطة لو متأخرين اكثر.جان انضربت جلطة
الأب: الله ستر
ملاك: بابا شگلتلهة ليش تخربطت
الأب : بنتي الجماعة اهل الولد طلبوا ١٠٠مليون وفصلية
ملاك: شنوو