وصايا الرسول 💕

قصة يقين❤

ااقصة دي من ضمن الوصايا انك تكون واثق ف ربنا وانه قادر علي كل شئ مهما كان صعب عافر ومتيأسش✊❤

لحظه هدوء ، لحظه صمت .

الناس مستنيه اكبر دكتور عظام ف مصر .

الوقت بيعدي ببطئ ، تصقيف عالى من الكل .

ماشيه بخطوات بطيئه بمسانده شفاء بفكر ف كل لحظه عدت عليا سيناريو حياتى عدى قدامى بسرعه .

خايفه..اول مره اطلع واكلم قدام ناس كبيره ف البلد .

☆ودلوقت هنرحب بالشخص الل قدر يوصل لمكانه كبيره ف البلد ، قرر يوصل عشان يكون مثال ل اي حد محبط وعاجز ، هنرحب ب الل تحدت مرضها رغم انه صعب ، ب الل وصلت ل مكانه كبيره وقدرت تثبت نفسها .
رحبوا معايا ب اكبر دكتور عظام ف مصر .

قربت من المسرح وشفاء ساعدتني اني اطلع ، طلعت وقعدت ع الكرسي وبصيت ع الناس الل مستنين يسمعوا حكايتي وبصه الفخر الل ف عين امي .

كنت فخوره اوي بنفسي...اخيرا قدرت احقق حلمي...اخيرا بعد كل التعب الل عيشته...اخيرا ارتحت ووصلت .

"انا يقين عندي 24سنه اتخرجت من كليه طب ، والدي متوفي ومليش اخوات عايشه مع ماما ، شفاء صحبتي الوحيده الل كانت بتساعدني ، هتعرفوا قصتي دلوقت"

جابولي مايك....اتنهدت وقولت:
نص الل موجودين مستغرب اني بقيت اكبر دكتور عظام ف مصر بالرغم اني قاعده ع كرسي وسني صغير ميعرفوش انى وصلت لهنا بكرم من ربنا وبعد تعب كبير اوي .
خدت نفسي وكملت:
كنت صغيره وكنت زي اي طفل عايز يجري ويتنطط بس كنت ع طول رجلي بتترعش ومكنتش بقدر اجري او اقف فتره طويله كنت بمشي ببطئ شويه مكنتش اعرف اي السبب بدأت اكبر وتعبي يكبر معايا وانا مش عارفه ف اي او اي السبب .

ماما كانت بتساعدني اعمل تمارين ومفهماني انه رياضه ، مكنتش اعرف ان عندي ضمور وان التمارين بتأخر اعراضها .
"الضمور دا تعب ف العضلات ملهوش علاج بيتقدم مع السن وعند سن معين بيقعد ع كرسي"

بقيت ف اولي ثانوي وراجعه من المدرسه مع شفاء وصلتني وروحت ، طلعت وكنت حاسه اني هقع لحد ما وصلت لل باب .

ماما=استني يقين زمانها جايه وناكل مع بعض .

انا_ بخ ، انا جيت .

خالتي*نورتي البيت .

_دا نورك ي قمر انت .

*طول عمرك بكاشه ، دا نور اللمبه .
ضحكنا وبعدين ماما قالت :

يلا يا يقين صلي لحد ما اجهز الاكل .
_حاضر يست الكل .

دخلت اوضتى اتوضيت وصليت وطلعت بس وانا طالعه سمعت كلام امي مع خالتى .

*يقين بتتعلم ع الفاضي قعديها بقا تعبها بدأ يبان عليها .

=بس حلمها تطلع دكتوره ومش هقدر اقف ف طريقها .