:انتِ فاهمه كل حاجه ف حياتك غلط ومتمسكه بأشخاص غلط ومش واثقه ف نفسك ولا واثقه اننا بنحبك انتِ مننا ليه مش عاوزه تفهمي كدا.
- عشان انا بحبه ومش عارفه ولا قادره انساه مهما عمل فيا.
: بس هو شخص خاين ومش بيحبك ومش مقدرك ليه بتوجعي ف نفسك ع الفاضي وهو ميستاهلش حبك ولا إخلاصك ليه بالشكل دا انتِ بتدمري نفسك.
- بس هو هيحبني وهيرجعلي هلبس حلو عشان يحبني وهخلي شكلي حلو دايما.
: مش بالشكل عمر الحب ماكان بالشكل اللي بيحبك هيشوفك حلوه طول الوقت حتي ف عز تعبك وبهدلتك هيشوفك حلوه وهو مش شايفك اصلا انتِ انتهيتي وجه بعدك ألف ليه مش عاوزه تقتنعي بكدا.
- هو قالي انه بيحبني ووعدني هنكمل وقالي مش بحب غيرك وكل اللي كلمتهم بتسلي بيهم وانتِ مختلفه عنهم.
: وهو زي مابيقولك كدا بيقول بغيرك لو بيحبك كان فضل مكتفي بيكي ومشافش غيرك حتي لو اصدقاء وبعدين ازاي تسمحي لنفسك انك تربطي حياتك بواحد بيتسلي ببنات الناس.
- انا مالي مش انا اللي بتأذي هما.
: حرام عليكي انتِ وهو انك تبقي عارفه انه بيتسلي وساكته انصحيهم وقوليلهم انه بيتسلي خلي كله يبعد عنه عشان يتعلم ان بنات الناس مش لعبه انتِ كبيره بس عقلك صغيره ومش فاهمه حاجات كتير اووي لازم تفهمي ان كل اللي بيعمله دا حرام وإن ربنا هيعاقبه ع كل دا.
- طب اعمل ايه انا متعلقه بيه جدا وبحبه ومش عاوزه غيره ومش قادره اشوف غيره.
: انتِ واهمه نفسك مش اكتر افتكريله الوحش وهتلاقي نفسك بتنسيه وهو كل حاجه عملها وحشه معملش حاجه ليكي حلوه ادعي ربنا انه يبعده عنك لو هو مش خير ليكي دايما ادعي ربنا انه يبعد عنك الشر وفكري انه ميستاهلش حبك وهيجي حد يحبك ويصونك ويدخل الباب من بابه مش يجي يتسلي بيكي ولعب العيال اللي هو بيعمله دا.
- هحاول تاني
: حاولي وانا جنبك دايما وعاوزاكي تعرفي اني بحبك بجد وإنك اختي مش بس صديقتي المُقربه وخليكي واثقه انك هتفضلي غاليه عندي دايما مهما يحصل بينا خلافات ف بتفضل مكانتك زي ماهي.
- أنا أسفه ع كل كلمه جرحتك بيها إنتِ اكتر حد وقف جنبي وانا بحبك جدا متزعليش مني.
: محدش بيزعل من أخته وبالرغم اننا من سن بعض بس انا بعتبرك أصغر مني لحد اما تنضجي وتفهمي كل حاجه وانا هفهمك وأعلمك كل حاجه بس انتي حاولي تصلحي من نفسك معايا متسيبنيش اصلح لوحدي ساعديني عشان اقدر اساعدك.
- اكيد واوعدك هحاول المره دي بجد.
: اوكيه يحبيبتي ربنا يريح بالك.
- أنا وإياكِ يارب.♥️
