الفصل التاسع من نوفيلا احببتها بشده ولكنها لم تحبني
بقلم ياسمين محمد
في الوقت دا كانت نرمين ومحمد طالعين علي السلم
نرمين بصدمه حب:يوسف
لف يوسف بتوتر خايف من رد فعل ريناد خصوصا انها نبهته من نرمين: نرمين ازيك
نرمين بكل مشاعرها:بخير طول منتا بخير
يوسف ودي وشه ناحيه محمد: محمد اخبارك ايه
محمد ببرود:كويس
يوسف عشان يمشي من قدام نرمين:تعال اكلمك في موضوع
راح محمد ويوسف في اوضه يوسف
برا عند نرمين وريناد وعايده
عايده وهي بتحضن ريناد:تعالي بقي احكيلي حصل ايه هناك من طقطق لسلام عليكو
ريناد ضحكه: حاضر يا عمتو
نرمين جايه تدخل معاهم وقفتها كلمات ريناد:معليش يانونو بس دي اسرار بيني وبين عمتو ومينفعش حد يسمعها
وجه نرمين احمر من الاحراج واتكلمت:لا انا كنت هنده علي محمد مش هقعد معاكم
ابتسمت عايده بخبث:اتفضلي ياحبيبتي اندهي عليه
نرمين وهي داخله سمتعها وهي بتقول:ماكان لسه معاها اي القرف دا
ريناد: سبيها يا عمتو فكك منها
كملت طريقها وهي ل اوضه يوسف بس كان الباب مقفول سمعت يوسف وهو بيتكلم بصوت مش مسموع اووي بس كان سامعه شويه:
يوسف: عملت ايه
محمد بستغراب:في ايه
يوسف: هعمل نفسك عبيط يالا
محمد بستغراب اكتر:منا مش فاهم عشان ارد عليك
يوسف بتنهيده:مع نرمين
محمد ابتدي يضايق بس بيحاول يداري ضيقه:مالها
يوسف:مش انت بتحبها ومتقولش لا باين عليك اووووي بشوفك فيا بشوف حبك وانت بتحاول تداري منها بشوف لهفتك بشوف كل حاجه وكانك انا ف كل تصرفاتك
بص محمد للارض بيحاول يفكر يقول ايه
كمل يوسف كلامه:محمد انا فاهمك كويس وحاسس بيك وعندي منك طلب
محمد بصله وقال:اي هو
يوسف بتنهيده:ريناد بتغير. من نرمين مفكره نرمين بتحبني وكدا معليش حاول تخلي الاحتكاك بيا انا ونرمين قليل عشان ميحصلش مشاكل واخنا ف الاخر عيله انا عارف اخلاق نرمين وقد ايه بنت محترمه وان ريناد عندها سوء ظن مش اكتر
محمد: ماشي
مشيت نرمين بسرعه قبل ما حد يشوفها وهي قلبها عمال يدق يدق يدق بسرعه
خرجت شافت ريناد وعايده قاعدين بيضحكوا
عايده بخبث:ندهتي محمد يا نونو
نرمين وهي. بتبص ع ريناد:لا لاقيته مشغول مرضتش انا طالعه يا عمتو بعد ازنك
وطلعت نرمين وهي زعلانه وهتموت من القهر
فوق عند سوسن
خبطت نرمين الباب وفتحت الباب سوسن ونرمين اترمت في حضنها وهي بتعيط
سوسن بقلق وخوف ع نرمين:مالك يا حبيبتي بس مالك بتعيطي ليه اه تلاقيها السوسه عايده قالتلاك كلام ذي السم والله لنزلها مسكتها نرمين وقالت وهي يتعيط:مش هي يا سوسن مش هي
دخلت سوسن ومعاها نونو وقعدو واتكلمت سوسن:مالك طيب احكيلي
حكت نرمين كل حاجه من ساعه ما شافت يوسف لحد ما طلعت عندها كل دا وهي بتعيط
سوسن اتنهدت:بص يا حبيبتي مش هقولك حاولي تلفتي نظر يوسف ولا الكلام دا بس هقولك افتحي قلبك ل محمد محمد بيحبك اوووي
مسحت نرمين عيونها وقالت;انتي كنتي عارفه
اتنهدت سوسن وقالت:ايوه افتحي قلبك يا حبيبتي واديكي شوفتي البت وعمتك غايرانين منك ازاي
نرمين بصتلها بحيره:ريناد وعارفه ليه طب خالتو عايده ليه
سرحت سوسن لسنين فاتت من زمان اوووي
سوسن بزغروطه:لولولولولولولولولولوي مين اللي هتتجوز دلوقتي صحبتي وواختي وكل حاجه في حياتي ساره
ساره بضحكه حلوه:انا مبسوطه اوووي يا سوسن ان جاد اختارني انا بجد مبسوطه
سوسن وطت علي ودن ساره وقالت:اومال فين الاوشانه عايده ههههههههه اول ما عرفت ان جاد اختارك انتي كانت هطق وهتموت فيها
ساره وهي بتضربها علي كتفها:عيب يابت دي برضو بنت عمي وبحبها
سوسن: اقطع دراعي من هنا الهنا لو مكنتش عايده اصلا في الاول مش بتحبك من الاساس وبتغير منك
ساره شافت ناس جايه عليهم:اسكتي اسكتي في حد جاي
فاقت سوسن علي صوت نرمين وهي بتتكلم
نرمين:سوسن فينك روحتي فين كدا بكلمك
سوسن: هاا انا هروح انام يابت شويه انهارده غسلت ومسحت يختي يلا تصبحي علي خير
دخلت سوسن اوضتها وقعدت علي سريرها وسندت دماغها علي المخده وسرحت لسنين ورا تاني
يوم فرح ساره وجاد، وعايده وماجد
كان جاد طاير بساره طير وفرحان بيها وهي كمان كانت مبسوطه بيه عكس عايده كانت مكشره وماجد مش في باله وكان مهتم بالمعازيم
دخلت سوسن وسلمت علي جاد وساره و عايده بس ملقتش ماجد فكبرت دماغها،
افتكرت سوسن وقت ما عرفوا ان عايده حامل في ولد وقتها كانت ساره عندها مشاكل في الخلفه فضلت سنين تتعالج وجاد معاها ومش سايبها ودا حرق دم عايده اكتر وكل يوم حقد وغل عايده يزيد لحد ما ربنا كرم ساره وبقت حامل في بنت وقالت هسميها نرمين وولدت ساره البنت وبعد ما عدا 5سنين عرفت ساره انها عندها مرض خبيث في مرحله متاخره واتوفت ساره، وقتها سوسن شافت كميه شماته في عيون عايده لا توصف افتكرت في يوم سوسن كانت رايحه عند بيت جاد عشان تطمن علي نرمين وتشوف احتياجتها وهي طالعه ع السلم شافت عايده وهي واقفه مع جاد وبتقوله
عايده برقه:جاد انت لسه حزين علي موت ساره خلاص الحي ابقي من الميت
جاد بحزن حقيقي:ساره دي كانت حته من قلبي وروحي مستحيل اقدر انساها ياعايده
عايده بضيق ظهر في عنيها:جاد نفسي تحس بيا بجد
جاد مفهمش كلامها كويس لان نيته كانت صدقه:حاسس بيكي ياعايده والله
عايده بفرحه:بجد
جاد بتنهيده:بجد ساره برضو بنت عمك وانتي كنتي بتحبيها وزعلانه علي فراقها
كشرت عايده وقالت:لا بحبك انت اكتر من اي حد انا كنت استاحلك انت مش هي حبك دا المفروض يكون ليا انا،انا بكره ماجد وهطلق وانا وانت نتجوز
جاد بعد عنها:انتي مجنونه بجد وسبها ومشي ودخلت عايده شقتها كل دا من غير ما حد يحس بوجود سوسن
فاقت للوقع وهي بتقول ربنا يهديكي يا عايده علي نرمين،
ولحد هنا الفصل خلص استنوني ف الحلقه الجايه
دمتم سالمين
أنت تقرأ
نوفيلا احببتها بشده ولكنها لم تحبني(مكتمله)
عاطفيةاحبها من كل قلبه ولكنها كانت تخدعه، احبت مديره كان لا يري غيرها، لم يكن يري الاخري التي كانت تحبه من قلبها، نوفيلا احببتها بشده ❤️💛
