أعطيني فرصه❤

part:4

خشيت للمستشفى نسمع ف صوت عراك
مؤيد: كيييف انييي ويين
محمد: زي ماسمعت كلمت بوها و بوها موافق
مؤيد: هاهاها باه تو نشوفو وطلع

هذو خيرهم ب شنو يحسو كيف خشيت القي مؤيد كيف طالع
مؤيد: نادين هذا ملفك واطلعي قدامي فييسع
نادين: مش فاهمه شيء اني
كان مؤيد وجه دم مش عارفه شيء
مؤيد: طلعت و كانت الدنيا دور بيا مش عارف شن صاير معاي كيف تجرأت نضرب محمد و ناخذ الملف

نادين: طلعت وعقلي يرفع و يجي
روحت للحوش جاني مسج من دكتور انه يبي يشوفتي ع خاطر الملف نسخه مش الاصلي و طلعلي مشوار طويل عريض ..

نادين: دكتور عبد الرحيم اني كيف وصلت للعياده
د.رحيم: تمام تعاليلي ف مكتبي
نادين: تمام
وصلت مكتبه و مش عارفه وعلاش جيت هو وعلاش مهتم بيا هلبا
_________
أمل: جداي وعلاش كلهم مهتمين ب نادين و كأنها ملك جمال العالم .
مبروكه: الاجمال ماليشي اي تأثير يابنتي كله في البنت الطموحه حتكون فريسه ل اي حد يشوفها .
________
د.رحيم: هلا بالدكتوره نادين تفضلي
قعمزت و اني قاعده مش فاهمه شن يبي مني
د.رحيم: اني جيبتك اليوم نبي ملفك الاصلي الملف هذا نسخه مانبيشي
نادين: تمام سحبته ونسيت نجيبه فيه شيء تاني بنطلع .
د.رحيم: خيرك مستعجله
نادين: عندي ماندير
د.رحيم: ارخي روحك عارف يلي بنقوله مفروض ماينقالش بسس نعرف انك كنتي على علاقه مع محمد و محمد كلم بوك و محمد جاني باش يعزمني حتى ع الفاتحه
نادين:😨😨شن تقول انت
د.رحيم: اني من نفس الدفعه محمد يعني كنت نعرفك و انتي ماتعرفينيش و جيت قداش مرة خطبتك و رفضتي
نادين: وتو انت شن يلي تبيه باش تقولي هكي
د.رحيم: قبل الفاتحه ب يوم بنسافر ل المانيا بعثه من الدولة تقدري تسافري معاي
نادين: قصدك نهرب
د.رحيم: بزبط😁😁
نادين: في احلامك نوطي راس عيلتي نهرب مع عيل زيك
د.رحيم: هاها ردي بالك تغلطي معاي نبهتك بسس
نادين: احلم احلم الحلم مش عيب و طلعت

وااك شن المشاكل هذي ركبت السيارة و طول للحوش حتى هيا فكرة نهرب من محمد بس وعلاش نهرب مع رحيم وعلاش مش مع مؤيد باه وااك شن بنهرب ما نهرب وصلت للحوش و اهني كانت المشكله
القيت خوت سالمه
نادين:😨😨شنو
محمود خو سالمه: تعالي ياواطيه تعالي
نادين: هي هي هي خيرك انت مافيش واطيه اهني الا اختك
محمود: انتي يلي مرتبه ل كل شيء ع خاطر كنتي تحبي محمد
نادين: هاهاهاها وانت بروحك قلتها كنت يعني فعل ماضي وعلاش ماتلومش اختك الخامرة العاهرة اءءا
محمود جاي بيضربها بس مؤيد منعه

بو نادين: خير يابنتي شن فيه
نادين: وعلاش بتقرو حتى الفاتحه واني ماعنديش ولا علم اءء ، مش هامتكم اني ولا كيف
بو نادين: نعرفكم من قبل تبو بعض

خشيت للحوش و سكرت الدار عليا و فجاء نسمع ف صوت عياط و ضرب الرصاص طلعت نجري القيت جايين شاذين خوت سالمه وكان محمد و مؤيد برا