أعطيني فرصه❤

part:1

نورهان: نادين نادين زودي فيسع
نادين: وااك اعييت اني
نورهان: بري ل الصيدليه فيسع جيبي منها أنابيب التحاليل
نادين: نخدم غير ع  هذا اني ماهو

غر نعرفكم ب نفسي اسمي نادين مواليد98 كملت قرايتي و تخرجت من مختبرات(تحاليل) و ليا اول يوم في الخدمه ...

نورهان: اسحبيلي دم فيسع
نادين: هذا فاش فالحه ادفي فيا غير اني
نورهان: مش وقتك تو بري جيبي يبر من الصيدليه

طبعا نخدم في عياده خاصه فاها صيدليه و مختبر في نفس القسم ..

نادين: واااك بنمشي نلقا هذاكا
نورهان: الراجل خاطب بري خوذي شن بتاخذي و تعالي
نادين: باااه😒😒
نورهان: ت انتي تعرفيه من قبل تسكنو جنب بعض
نادين: سكري امه الموضوع اعييت منه
نورهان: ع خاطر.....
نادين: نووووووور 😞😞
نورهان: سكتنا بري فيسع

في الصيدليه
محمد يسمع ف صوت ضحك عالي و هو جاي للخدمته زي العاده وحس روحه يعرفه من قبل

طبعا هذا محمد مواليد 85 خريج جامعه طب بشري يخدم اي شيء و كانت العياده خاصه بيه ...

سالمه:  ههههه ووه عليا ياحليلي منك محلاااك
مؤيد: انتي مخطوبه و بمني ب محمد و هكي
سالمه: كلمته قالي نص ساعه تاني و جاي عادي
مؤيد: عادي عندك مانخونش صاحبي اني نوضي اقلبي وجهك من قدامي ...

سالمه تكون خطيبة محمد موقفه قرايتها جابها محمد تخدم ف العياده ل غرض الحاجه  مواليد 86
ح تعرفو الباقي في الجاي ....

محمد فتح باب الصيدليه و بقوه
مؤيد: اووو محمد خيرك تقول كنت تحارب ف الجيش الزفت خاش هكي
محمد: انت بروحك كنت
مؤيد: ايه خلاص تمت التوكه متعي دورك يابرو 😂وانت مخلوع
محمد: اخخخ يامؤيد ملييت
مؤيد: ياروح امك وخلاص من شني مليت وانت مرات ماتفضاش حتى تحك راسك
محمد: تعرف حاجه
مؤيد:شنو
محمد: اطلع خليني نخدم وانت زي المرا يلي تتوحم حتى بتهدرز عليها و تفضفض تخليهالك ف الرقبه
مؤيد: 😂 مصح وجهك كونش بنحمل من بوك ياوسخ وبعدين اطلع قدامي فييسع نبيك
محمد: برا بروحك بنقعمز
مؤيد شذ محمد من كتافه و يدف فيه ت أطلع ياراجل ...

نادين جايه للصيدليه نشوف ف محمد و مؤيد برا
نادين: احسن غر نخش فيسع
نادين و هيا خاشه تجري تلاقت هيا و سالمه ف الباب
نادين: شن ديري اهني
سالمه بصوت دلع يقهقر: حولي من قدامي

موما:جربو لحنو صوت المزيته😂😂😂

نادين: اقلبي وجهك منظر ع الصبح وبعدين مؤيد كان اهني و محمد كيف جي شن كنتي ديري؟!!
سالمه: حاجات مش ل الصغار
نادين: اممم عندك الحق حتى جداي كانت تقولي فاها دوة العزايز خاصه 😂
سالمه: شن قصدك اني كبيرة
نادين: لا صغيره غر خشمك اكبر من حياش الطليان ف كل شيء هو الاول
سالمه: هاهاهاها وبعدين انتي شن دخلك فعلا
نادين: الدوة مش لصغار 😂😂

سالمه: حولي من عليا تضيعيلي ف وقتي الثمين
نادين: يامحمد محمييييييييد
سالمه: ضمي فمك ياخرا شن تبيه محمد
نادين: بنخطبه شن دخلك
سالمه: ياحبيبتي محمد خاطبني اني مش ح يشوف ل وحده زيك
نادين تذكره الماضي لحظات
نادين:😂😂😂عنده الحق مسكين اهناك واحد  يتخلى ع جدها بعد ماتوفت و ناضت من قبرها

طلعت سالمه بدون مايشوفها محمد واخذيت نادين شن تبي و هيا طالعه تلاقت مع محمد
محمد: صباح الخير
نادين: صباح النور😒😒
محمد: خيرك قالبتها انتي
نادين: مادخلكش+ ماليكش علاقه+ مايهمكش
محمد: ماعنديش ف قاموسي هذو
نادين: اكتبهم جدد 🙂🙂
محمد جاي بيتكلم بس نادين كانت حتى وصلت للمختبر

نادين: اخخخ اعييت اني بنروح تم دوامي ليه ساعه
نورهان: حتى اني وصليني ع طريقك
نادين: هيا

في السيارة
نادين: تعرفي خاطري ف بسبوسه غدوا بندير
نورهان: جيبيلي منها مادخليش فيك نبييي جيبي غدوا نشربو باها القهوة
نادين: فكرة حتى حنان قداش لاها مقايلتلي خاطري فاها
نورهان: ايه و تو نبي سبب مقنع وعلاش رافضه مؤيد
نادين:😂😂😂 مصح وجهك شن دخل دوته توا
نورهان: تو جيت ع بالي ماتقوليش ع خاطر
نادين: نووووور سكري السيرة وانزلي اقلبي وجهك

نزلت نورهان و فجأه تليفون نادين يتصل
نادين: الوو
مجهول: معاي نادين وله
نادين: ايه مني؟!
مجهول: اني حنان ياحيوانه 😂😂 رقمي الجديد نبي ندير فيك مقلب ماقدرتش نشذ ضحكتي
نادين: تفووه
وفجاه ينفتح باب السيارة ...السلاااام عليكم
نادين:😨😨
حنان: نادين الوو نادين انتي وين؟! الووو...يتبع

اول حلقه طبعا قصيرة گ بدايه و يبدا التشويق من الحلقه الجايه و المغامرات
توقعاتكم 🙃🙃بنسبه ل الرواية حقيقيه صايره بس غيرت فاها هلبا حاجات ...