الليلة الحمراء

الجزء التاسع

#الجزء_التاسع (9) :

#اللـيـلة_الحمـراء

حاوط رقبتها بايديه وهو بيدخل لعمق عيونها واقتحم حصونها لأول مرة

لحظة لحظتين وثلاث لحظات وهو بحط بشفايفو على شفايفها
ماحسو بالدنيا ابدا وهني بجربو هالشعور لاول مرة ثانية بس اخدت معها لحتى صحيت ورجعت للواقع بعدتو عنها وحطت ايدها علي شفايفها وهي بتضغط عليهن … بلعت ريقها وهي بتحاول تستوعب هالمشاعر الجديدة يلي اجتاحت جسمها

بعد عنها وهو بيلهث وبحاول يلقط نفسو مرعوب
ندم على فعلتو وهو بشوف دموعها وشفايفها المورمة وصدرها كيف بيطلع وبينزل من توترها
مراد: شو عملت انا غبي والله غبي
قرب منها وهو بيهمس بتوتر: انا اسف

بعدت ايدها عن تمها وهي بتقول: ملاحظ انك هالكام يوم عم تعتذر كتير وانت انسان ما بتعتذر

مراد: صحيح لاني صاير واحد تاني

نرجس: اوعك تعيدها … اوعك مرة تانية تلمس وحدة مابتحبها

بعدت عنو وهي بتدخل الغرفة وبتخبط الباب وراها ومانسيت أبداً انها تقفلوا

يمكن من بعد موت اهلو بحياتو ما ندم هالندم
همس بضعف: شو صرلك ياغبي بصير هيك تعمل

اتنهد وهو بيرجع بيفتح باب البيت وبيخبطو وراه انتفضت وهي بتسمع صوت تسكير الباب مشيت باتجاه المراية ووقفت قدامها وهي بتتلمس شفايفها المنفوخة وبذاكرتها عم ينعاد المشهد ويتكرر وقلبها ماوقف لهالحظة خفقان بجنون

فتحت الباب وهي بتطلع على باب البيت بحزن … ياريت لو كان زواجها حقيقي منو
همست بقلة حيلة: ياريت

بقيت قاعدة بالغرفة وبايدها مفتاح البيت همست وهي بتطلع عليه: منيح هالشي رح يسهل عليي الخطة بكرا
اتمددت وهي بترسم على ورقة وتحبك الخطة يلي تنفدذها بهالمهمة
ودخلت غرفتها سكرت الباب

نزل مراد وفتل بالشوارع وهو بيركض لحتى بخفف من الطاقة يلي شعلت جواتو … كان عم يعاقب حالو على فعلته وبقي يركض اكتر من ساعة وبعدها رجع ع البيت بكل هدوء

*****

من بعدما تركها مراد بقيت قاعدة مكانها ماعم تتحرك بس عم تفكر من ربع ساعة حست عليه رجع
فاجآها اتصال من جمال
فتحت المكامة وهي بتهمس: الو

جمال: خلال عشر دقايق بدي شوفك ببيتك انا هلق رايح مابدي استنى

سكرت الخط وطلعت برا الغرفة

التفت مراد وهو بقلها: لوين رايحة خلص بوعدك ماعاد تتكرر

اتلبكت وهي بتقلو: بس بدي شوف جمال وجيب كام غرض من بيتي

مراد: بس اتأخر الوقت

نرجس: لسا الساعة 8

مراد: انا بوصلك