تغير القدر

الفصل الخامس

وقفنا الفصل اللى فات على..

مشيت زينه و صوره دكتور معاذ مش رايحه من دماغها و مش عارفه اى الحكايه..
عند دكتور معاذ متلغبط و مش عارف يشتغل و مخنوق مش عارفه ليه و صورة زينه برضو مش رايحه من باله اخيرا اليوم خلص و روح و مامته قابلته لما فتح الباب
مامته زينات بقلق:اتاخرت ليه! انا مستنياك من ساعتين
معاذ بضيق:مفيش حاجه كان عندى ضغط شغل
مامته زينات: مالك بس متضايق ليه احكيلى مش مش انا برضو زوزو حبيبتك اللى بتحكيلها كل حاجه! قولى بقى فى اى
معاذ ابتسم لذكر اسم زوزو اللى سمع زهراء و زينه بينادو بيه بعض و الصدفه أن هو كمان  بينادى بيه مامته
زينات : مين بقى سر الابتسامه المنورة وشك دى
معاذ ضحك بخفه: مفيش حاجه يا زوزو والله عادى مخنوق شويه مش اكتر.
زينات: طب اى رايك تغير الروتين بتاعك ده و نشقلبه راسا على عقب😂
معاذ بضحك : ازاى بقى يا ست الكل قولى سر الخلطه
زينات بتحاول تغير صوتها زى صوت الاساطير و كده : كلمه السر هى كلمه من خمس حروف اول حرف هو ت
معاذ: و تانى حرف
زينات: ت تانى
معاذ عارف مامته بتلمح على اى بس هو مخنوق و فى نفس الوقت مش عايز يزعلها
معاذ:و اللى بعده ج كده صح!
زينات  :صح يا حبيب أمك كلمة السر هى تتجوز ترااااا
معاذ بهزار :مش عايز ترااا
زينات كشرت بإصتناع و ربعت اديها و عملت تعبير مفموصه بوشها :انت حر خليك بقى زهقان و مخنوق
معاذ بابتسامه و احترام:كل حاجه بوقتها و كل شئ قسمه و نصيب صح! أما الاقى بنت الحلال هتجوزها اتفقنا!
زينات بضحكه خفيفه :اشطاا 😂😉
معاذ ضحك جامد على مامته:اشطا اشطا المهم عايزه حاجه يا زوزو! هخش انام
زينات:لا يا حبيبى تسلم تصبح على خير
معاذ :وانتى من اهل الخير ياست الكل
دخل معاذ استحمى و غير و راح فى سابع نومه من التعب صحى على الساعه 7 الصبح غير و لبس ترينج الرياضه و نزل يجرى كالعاده روح الساعه 9 مامته كانت صحيت (ملحوظه معاذ ابوه متوفى و هو صغير  و هو الابن الوحيد و اللى بيصرف على مامته) و حضرت الفطار
زينات :تعالى أفطر يا حبيبى
معاذ ابتسم وراح فطر و غير و نزل على شغله
______________________________

فى البيت عند زينه هى بتحب القراءه جدا و عندها كتب قريتها كذا مره و طبعا و هى مكسوره بعد ما بتخلص مذاكرتها بتبقى عايزه تتسلى باى حاجه و معندها اى نوع من أنواع التواصل الاجتماعى لا فيس و لا غيره ف بتقرا
''
قاعده على السرير ضمه رجليها و ماسكه كتاب فى اديها و بتقرءه بشرود فجأه فتحى دخل عليها مسك الكتاب قطعه نصين و بصوت عالى : قومى يلا عشان نغك الزفت اللى على رجلك ده بدل ما اننى قاعده كده ولا شغله ولا مشغله و شدها من شعرها و قعها على الارض و طلع و سابها تعيط و تشهق مامتها جت على صوتهم جرى :فى اى!! و خدت بنتها فى حضنها و قعدت تعيط معاها لما حكتلها اللى حصل..
بعد شويه قامت لبست هى و مامتها و اختها و فتحى و راحو المستشفى
--------------------------

قاعد سرحان بعد ما لف على مرضاه فجأه صوت حد عارفه كويس جه من وراه
فتحى: اهلا بالدكتور
دكتور معاذ لف و شافه و شاف وراه زينه و قلبه دق بعنف
دكتور معاذ:اهلا يا معلم فتحى ازى حضرتك
فتحى :بخير
دكتور معاذ : يارب دايما.. اتفضلوا فى الاوضه دى لو جايين تفكو الجبس
فتحى :اه شكرا
ميشو ناحيه الاوضه اللى قالهم عليها و عينيه متعلقة بزينه لحد ما دخلوا
فكو الجبس و فتحى سبق يدفع مصارف المستشفى و زينه يادوب لسه بتمشى براحه و فجأه من غير مقدمات اتكعبلت و قبل ما مامتها تلحقها كان دكتور معاذ أسرع و شالها بسرعه.. لحظات من الصمت حلت على المكان و توتر و دكتور معاذ نزلها بسرعه و أعتذر
دكتور معاذ :اااناا ااسف أسف جدا
جيهان مامت زينه : حصل خير و خدت بنتها و مشيت و زينه فى حاله خير الحاله ليه فاكره اللحظات اللى شالها و ضمها فيهم برفانه احساسها بالامان و احساس تانى غريب مش عارفه تفسره
-------------
دكتور معاذ مش قادر ينسى اللحظه اللى ضمها فيها اتمنى انها متخلصهش اتمنى تكون مراته و رجع يقول مراتى كلمه غريبه عليه و إشمعنى دى اه عنيها حلوه بس فى احلى منها مليون مره بس دى احساس مختلف مش عارف ي فسروا
-----------------------------------------------
روحوا و زينه دخلت اوضتها غيرت و قعدت سرحانه بس فاقت من سرحانها ده و قامت تذاكر و تشوف اللى وراها هى ما صدقت بقت فى أولى طب عايزه تجيب امتياز عشان تتعين معيده قامت غيرت بس شمت الطرحه طلع ريحتها برفان دكتور معاذ خبتها فى دولابها متعرفش ليه عملت كده بس مكنتش عايزه الريحه تروح
''قاعدت تذاكر و اندمجت فى المذاكره بعد حوالى 5 ساعات دخلت عليها اختها زهراء بتعيط جامد
زينه بخضه:مالك فى اى
زهراء :ماما مش هنا
زينه :عادى تلاقيها راحت تجيب حاجه و جايه
زهراء :بس احنا بليل اوى
زينه بصت للساعه و تفاجئت أن الساعه 2بليل
و قامت تجرى تشوف مامتها و فعلا ملاقتهاش و لا هى و لا باباها جريت جابت الموبايل و اتصلت عليها بس تلفونها مغلق..
-------------------------------------

يا ترى مامت زينه راحت فين؟
يا ترى فتحى عمل فيها حاجه ولا ملهوش علاقه؟

هنعرف ده مع الأحداث تابعوونى❤

يلا ادعموونى اللى يقرأ يصوت بليييز

بقلمى( هاجر عصام)❤