رواية#عائلة سلطان
حلقه(3)
☆كاتبه:نجوى امبارگ☆
بعد مرور سته اشهر
في9صبح
جن نار مسك شنطه في زلزاله
الماس:جن نار انا معتمده عليك ره
جن نار :ماتخفيش حاندير للي وصيتني عليه خلال سته شهور فاتت
الماس عطتها اوراق:هذى اوراق وقعته كلها باسمك امشي للمصرف اسحبي مبلغ اللي لزمك بيش تنفذي خطه
جن نار خذت اوراق:تم تهني اي شئ يصير حانحكيلك ع تلفون..مسكة شنطه هاي سلام ماشيه
الماس:جن ناار
جن نار بحتت وراها :نعم
الماس:لو ءء لو عائله كشفوك انسحبي واهربي طوول
جن نار ابتسمت:ماتخفيش
ضابط:هيا يا جن
جن نار:بهي يا هم
جن نار طلعت من حبس بعد خذيت حكمها سته شهور حاست روحه مش زي اي مرة تطلع فيه متشرده وتعرفيش وين تمشي لكن مرة هذي انسانه تانيه عنده هدف حاتحققها و املاك الماس كلها بين يديها مقابل انتقام من عائلة سلطان
_____________________________
بعد اسبوع
في 5مساء
في شركه غيت
غيث:يوقع في اوراق شغل
موظف: يا سيدي في مشترك جديد يبي يشترك مع شاركه
غيث:من هو وقدم تقرير
موظفه :اي قدام تقرير قالت انها جايه من امريكا تبي تفتح مشروع عمل هنا بعد تسافر للي امريكا
غيت:وشن اسمها؟؟
موظفه:ءءء اسمها كان اهاا تذكرت اسمه كثلوم
غيث:امم بهي سيبت رقم
موظف مدت ورقه:اي اهو رقم
_______________________
جن نار قعده في سيارة جديده مدرس قدام شريكه غيث تستنى في اتصاله
نرن نرن نرن تلفون
جن نار:هالوووو
غيث:مرحبا معيه انسه كثلوم
جن نار ابتسمت:اهاا معك كثلوم هانم
غيث:انا صاحب شريكه اسمي غيت
جن نار عرفتك غير افتح موضوع: اهاا اهلا بيك غيث
غيث :تمام قدمتي تقريرك بمشركه نبي نقابلك بيش نشوف نوفق انك تشاركي معنا ولا
جن نار حاتوفقك خصبن عنك:اهاا اوكي في ساعه كم و دقيقه و يوم وحتي ثانيه هههعهه انا شخصيه دقيقه في موعدها فهمت عليه
غيث مسك اعصبه:بكرا ع ساعه 4ونص ..سكر خط
جن نار؛وو..الو الو...اووووف سكر تلفون في وجهي هههه مفيش مشكله ليش نستني لين بكرا وبعد شويه نتلقوا يا حبي هههه
اتصلت باوحد:الو
شخص؛نعم
جن نار:زي ماتفقنا بهي
شخص:ماعندك مشكله
__________________________
غيث بعد ما كمل الشغل تم اموره طالع من شريكه وصل لسيارته فجاة جاءت سيارة تجرى ضربته وسيارة هربت
نرن نرن تلفون جن نار
شخص:تم امور
جن نار:انشالله ضربته ضربه خفيفه .المهم وصلك فلوسك
شخص:اي وصلي
جن نار:هي مع سلامه...سكرت خط
ناس كلها ملتمه بيش يساعدو غيث وكلموا اسعاف رفعوا لسيارة وجن نار خشيت بينهم وركبت ع سيارة إسعاف اللي فيها غيث وصلوا للمستشفي خشوا غرفة عملية وجن نار قعدت برا تستنى
جن نار:انشالله دخول بلا طلوع يارب
طلع دكتور:انتي زوجة مريض
جن نار(ناريت):لا نشتغل معه انشالله بخير يادكتور ...ديرت روحه خايفه...طمني يا دكتور
دكتور:لا طمني اموره تمام غير كسر في يده وجروح سطحيه
جن نار:قصدك ما ماتش
دكتور استغراب:نعم؟
حن نار ديره روحه متوتره:اءءلا قصدي ينوض بسلمه المهم ماصارلها شئ
دكتور:اي اكيد حصل خير ..اتصلي ع عائلته وعطيهم علم
جن نار:به انشالله نقدر نشوفه
دكتور: حاليآ لا.
جن نار ؛نشوفه بس وراس امك خليني نشوفه
دكتور:به خمس دقيق
جن نار :تمام....خشت للغرفة غيث راقد
قعمزت ع كراسي اللي احذاء سرير قعدة تبحت فيه
جن نار:هذي جزاء اللي دايرت في الماس و ماكنش عندي طريقه الا هذي بيش نتقرب منك
غيث:اءللمءاس
جن نار:حي سمعني زعماء
غيث؛الماس اءءلماس ماتسيبنش
جن نار:هضا قعد يخرف ووتفووو عليك انت اللي سيبته وعزقتها في حبس يافالح
غيث يفتح في عيونه :اءء وين انا انتي من؟؟؟
جن نار:ما تتحركش ضرابك سيارة وجابتك للمستشفي
غيث:ومن انتى؟؟
جن نار:انا جن نءءء قصدي اسمي كثلوم هانم
غيث:كثلوم اهاا انتي اللي تبي شاركتي ف شركه
جن نار:اهاا تشرفت بمعرفتك
غيث:اسف تعبتك معيه
جن نار ؛لاا عادي...(مزال ع كلام هضا مزال)
غيث :وين نقال
جن نار ؛شكلها اتكسر ولا طاحت منك
غيث:بهي معليش ياكثلوم نقالك انرن ع خوي
جن نار:اهاا اكيد تفضل ...مدتله فون
غيت خذها رن ع جمال
جمال:الوو من معي
غيث:جمال وين قاعد
جن نار ..جمال يقعد ولد عمته كذاب قالي خويه قالي تفووو
جمال:قعد في حوش خير شن صاير
غيث:ديرت حادث وتوا راقد في مستشفي
جمال:ااااااا فيءء اي مستشفي انت قاعد وصارلك حاجه
غيث:لا انا بخير غير تعال ماتقولش لحد
جمال:به دقيقتين نكون عندك
غيث:تم.....سكر خط مد فون للي جن نار
جن نار:خوك جاي
غيث:اي وشكرا ع مساعدك ليا حانردلك في يوم
جن نار ابتسمت:تقدار ترده ليا توا
غيث تفأجأ؛ءء اي تفضلي
جن نار:توفق انكون شاريتك في شركه
غيث:ههه اي اكيد
جن نار:هي انا ماشيه تبي اي شئ كلمني
غيت:ههههه ماقصرتي
جن نار طلعت من غرفه:خطه اوله تمت بنجاح توا الخطه التانيه ....انصدمت بي واحد
جن نار:اووو شوف قدمك
جمال مستعجل يجرى:اسف اسف
جن نار:تي عليك حالة يارا
طلعت من مستشفي ركبت ع سياره واتصلت با الماس
في مركز شرطي
شرطيه فتحت زلزله:الماس
الماس :نعم
شرطيه؛تعالي عندك اتصال
الماس؛به
___________________________
في قصر
احلام :يا سلوى كولي ولو شوي توا معقوله تمنعي روحك وكال وشرب بلاش من طروح تررا
سلوى:مانبش مانبش ياامي نبي نموت فديد من عايشه هذي فديد
احلام:تي اسكتي بلاش دلع زياد متعك هضا انتي حا تتزوجو احسن واحد في بلاد كله حا تعيشي عيشة اميرات ماتبيش
سلوى تبكي:مانبيش نبي بابا نبي نقعد معه باتي مانبيش نقعد معكم عيله جهنم
احلام اسكتي اسكتي راك يسمعوك يلزونا من حوش اسكتى باله عليك
سلوى تبكي
كوثر:شن عياط هضااا خيرك ياسلوى
احلام:لا شئ خير خير
_____________________________
ع فون
الماس:كككككيف ضربته بسياره؟؟؟
جن نار:اي ماكانش عندي طريقه الا هذى بيش تقدار نتقرب منه من غير مايفتشني ويكشفني
الماس:انشالله ما ماتش
جن نار؛تي لا قطوس سبع اروح هو بخير..لكن لما كان فقد وعي كان يسمى في اسمك
الماس:اسمي؟؟؟انسي المهم يعني تشتغلي معه
جن نار:اهااا اخيرا
الماس؛اوكى بعد ماتخشي للمكتب متع غيث فاتشي في خزنه ع ارواق ملكية شركه كان قدارتي تسرقي اوراق وترفعي عليهم قاضيه لانه شركتهم عليه ديون مش مدفوعه
جن نار:متاكده ؟؟
الماس:اي
*تذكر في ماضي قبل ماتخش حبس
الماس؛غيث هذينا اوراق شني
غيث:االا سيبهم في خزنه
الماس؛مكتوبه فيه ذيون غير مدفوعه وحييي ومبلغ كبير غيث فهمني هذينا كيف
غيث خذه منه بعصبيه :معش اتجي شورها فهمتي
الماس؛بهي به*
جن نار :لكن في مشكله
الماس؛شن هيا
جن نار:مانفهمش في شفل شريكات و قالت اني جايه من اميريكا ومصيبه اني منعرفش ندوي انجليزي هههههه
الماس:ماتخافيش حانعلمك خاليك ع اتصال واي شي يصير قوليلي بهي
جن نار:تمام توا شاااوو....سكرت خط
________________________________
في مستشفى
جمال:تي بهي من ضربك بي سيارة
غيث يلبس في قميصه؛مش عارف شكله هرب
خش دكتور؛وين ماشي مزالت تبيلك راحه هك تمرض
غيث:لا انا بخير طمن...هيا جمال...طلع
دكتور:لكن انت مزال
جمال؛ماتخفيش عليه هو بخير...طلع وراه غيث
ركبوا سيارة وروحو لي فيلا
غيث؛نزل عدى خش جمال واره للمربوعه اللي كانت منفصله عن فيلا كان بوه سلطان قعد ف مربوعه مقعمز ع كرسي رفع راسه مسك عكوز
غيث:شن حالك يا باتي
سلطان:خليك مني وشن حالك انت
غيث بحت في جمال 'مش قاتلك ماتقولها لحد
جمال :امم ماقاتلش
سلطان:غيث
غيث:نعم
سلطان:معش تخبي عليه حاجه اللي يصيرلك قولي طول فاهم
غيث:مش مهم حادث بسيطه....طلع من مربوعه
سلطان:ولد عاق
جمال:سامحه ياعمي انت تعرف طباعه
سلطان ناض :ماشي للمكتبه حاجين صفقات
جمال:انجي معك؟
سلطان:به هي
__________________________
سلوى في داري عيوني تنفخت من بكاء مش عارفه شن نداير نهرب؟؟لالا لو هربت حايقتلوني اكيده شن اندير معقوله ناخذ واحد اكبر من باتي ع خاطر فلوس لالالا ياربي شن ندير
ددق دق باب
سلوى:امي باله علليك سيبني فيي حاااالي
دين صلاحين:هذي انا
سلوى:خشي
دين خشت جاءت قعمزت جانبه ع سرير:كنك تبكى
سلوى:عليك وسوال عبيط يعني برائك ليش
دين:اهدى إهدى عرفه لكن شن اديري ماينفعكش بكاء وجو هضا
سلوى:به شن اندير نشتف شعري ونمشي نتحر اه
دين:لا ماتقوليش هكي
سلوى:به تمام توا اطلعي برا وخليني نبكى ع حالي
دين:سلوى اسمعي عندك خيارين
سلوى:شن هنا؟
دين:خيار لاول تتزوج او تقنعي عمي سلطان انه يغير رأيه
سلوى:خههههههههه تي عمك سلطان مش حا يطيح كلمته ومستحيل نقدار نحكي معه ابدآ
دين:خلاص انتي قدامك خيارين حاولي ع اقل
سلوى قعدة تفكر:لكن كيف نقدار نشوفه ؟؟؟؟؟
دين:امشيله بكرا في صبح لما يقعد بروحه
سلوى:به لكن والله خايفه...
________________________________
غرفة غيث مقعمز ع كرسي يفكر في الماس يحاول انه ينسها لكن مايقدارش في شئ ناقص
دق دق دق
غيث :تفضل
منصور:سلام كيف حالك
غيث:تمام
منصور:سمعت ديرة حادث
غيث:لا حادث بسيط
منصور:امم حمدالله ع سلامه
غيث:يسلمك ياعمي
منصور:لقيت شريك جديد
غيث:اي
منصور:من هو وشن يشتغل؟
غيث:بنت اسمها كثلوم جايه من امريكا تبي تفتح مشروع هنا
منصور:قصدك هيا بروحه
غيث:اي قعده فتره موقته
منصور ابتسمه خبيثه:بروحه اخرا ؟اكيده عندها ارزق حلال مشالله.....هي تصبح ع خير
غيث:وانت من اهله
_______________________________
فندق
جن نار تعشيت ولبست دبش نوم جديده وحريره راقدت ع سرير
جن نار :الله هكي حياة يا بلاش مااكثر خيرك الماس ما اكثر..المهم شن قالنا نفتش ع اوراق ونرفع قضيه هههههه الماس معليش لكن عندي خطه احسن
____________________________
تعليق♡♥بليز
شاركوا في رواية
ولايك ♡
معليش كثرتها عليكم ههههه
أنت تقرأ
رواية#عائلة سلطان
Lãng mạnروايه بلهجه الليبيه رواية☆عائلة سلطان☆ تدور الأحداث عن فتاة إسمها (ألماس) يتيمه كانت تعيش مع عائلة سلطان توفي بوها وهي صغيره و كانت تعرف ان بوها شخص اعمال وغاني لكن فجأة توفي قالوا إن سبب وفاته هو انتحر بسبب ذيون لا بل مات مقتول تكلفت عائله سلطان...
