ؤواية#عائلة سلطان
حلقه(7)
الكاتبه@نجوى امبارگ
احلام لفت فتحت باب طلعت مضيقه وتحكي مع روحه :شن ديرت في عمرى اناا حتى يصيرلى هضا كله من جها الماضى اللي نحاول ديما ننسى ومن جها تهديدات سلطانه ومن جها انتي ياسلوى ...دموعه قريب ينزلن حاسه بحمل ثقيل في قلبه
نزلت صاله لقيت كوثر مقعمزه خطه كرع ع كرع تبربش بنقاله
كوثر عيونه ف فون:معليش احلام لما توتي فطور ماتخطيليش دحي عندي حساسيه
احلام :اي ...خشيت مطبخ نسرين توتى فطور ودين صلاحين تساعد فيه
احلام :صبح خير
نسرين تقطع في سلاط:صبح نور
دين اتخط ف صحون:صبح نور ياعمتي
احلام:متخطيش دحي للى كوثر ماتبيهاش
جن نار:good moorng(صباح خير)
احلام:صبح نور..شن جوگ اليوم
جن نار خذيت خيار متكيه ع ثلجه تاكل فيها
جن نار:امم جوى ميه ميه غير هذيك عزوز اللي تقولها شيطانه احم قصدى سلطانه
احلام ضحكت:هههههههه اي حاتتعودى عليه هيا كويسه لو تعرفتي عليه
دين صلاحين:اي تعرفي عليه شوى شوى تصيرو صحبات صدقيني
جن نار تاكل في خيار:شن صار في شبابي نتعرف ع عزايز
دين:حرم عليك ههههه مزالت مش عزوز وااجد
جن نار:تي عزوز بعكوزها اخر شكله مدها وجه من ايام عباسيه يا خوفي تطلع مسيح دجال هههههه
دين:هههههههه استغفرالله
احلام ضحكت من قلبه من تصرفاته:هههههههه ربي يهديك يابنتي....بحتت في عيون جن نار وهي تتكلم مع دين تأمل فيه حاسة ان عيون جن نار يذكرها بحاجه من ماضي لين قطعت عليه جن نار بضحكه صوت عالى
جن نار:هههههههههههههعهههه وووو مانقدرش نتنفس هههههه
دين:اه وطى صوتك ههههه
احلام:دوم ضحك لكن خيركن
دين:لا غير لقب سلطانه حقيقي عزوز سعى
احلام:اه؟؟
نسرين:هيا فطور واتي
جن نار:اوو واخيرا جعانه بكلل
احلام:معناها تحصلى احلا بريك من تحت يدي
جن نار:يااااا يسلمك
احلام و دين طلعوا من مطبخ قعدت نسرين اتخط في صحون
جن نار :نسرين امم نبي نسألك حاجه
نسرين:تفضلي كثلوم
جن نار: في عندكم مناسبه ايامات هذينا
نسرين:اي فرح سلوى بدايه شهر الجاي كان مفروض الخميس هضا لكن اجلوها
جن نار:ليش
نسرين:لانه مزال مش جاهزين
جن نار:اوووكي بهي من هضومه اللى خطبينا
نسرين :عيلة احمد مهندس وصاحب نفوض في بلد وصديق سيد سلطان
جن نار:صديق؟؟؟ومالا كم عمره بيش يكون صديق للسيد سلطان
نسرين:مش عارفه لكن للى نعرفه كبير في سن
جن نار:دل ولا علاقه
نسرين:اءء صرحها منعرفيش
جن نار :اممم به شكرا ....طلعت خشيت صاله قعمزت ع كراسي ع طاولة فطور وكان فيها العيله كله وصاله لخرا فيه الشباب
جن نار:هلاااا ياعيله
كوثر:اهلين
جن نار قعمزت ع كرسي تاكل:امم فعلا ياعمتي احلام بريك متعك حاجه خيااال
احلام:هههه يسلمك ديرتها خصوصا ليك
جن نار:ووو ميقاد ثنكيو ...هك عرب تعرف اتسوى ولا بلاش هههههه(مقصوده)
كوثر بضيق:احم احم
سلطانه تاكل ومش معبرتها بكلل تحكى مع نفسه:غير استني يوم للى يصير املاك ليا نعرف كيف نلزك من بيت غير استني
احلام:تهدرز مع جن نار منجازمه
جن لحضات ان سلوى مش قعده ع طاوله
في صاله جها اخر
محمود مقعمز ع طاوله يفطر ومركز ع جن نار
جمال:غيث قولى هذي هي كثلوم
غيث ياكل :اي
جمال:شايفها من قبل لكن
تذكر اليوم اللى غيث دار فيه حادث انصدم بها في مستشفي
جمال:اهااا ذكرت شافتها في....قبل مايكمل قطعه سلطان
سلطان:تقدار تاكل وانت ساكت والا
جمال:اسف ياعمي
______________________في مساء
سلوى اتلم في حويجها في شنطه كبيره:والله منيش عايشه في عيشه حجيم هضا ضرورى نطلع منه
لمت حويجها سكرت شنطه لبست عبايه وخمار وشاح اسود طلعت من غرفتها بشويه خشيت غرفت امها صكرت باب فتحت دولب طلعت خزانه طلعت منه رابطة فلوس خطتها في شنطه ردت خزنه في مكانها خالت دولب مفتوح طلعت وصكرت الباب تمشي بشويه ع روس اصابع بيش ماحد ينتبه نزلت خشيت للمطبخ تبي تطلع من باب جنانه ......
جن نار:شافت سلوى لبسه عبايه معها شنطه كبيره عرفت انها تبي داير حاجه قعدة ورها من غير ماتشوفني
طلعت من باب مطبخ للي يفتح ع جنانه و جن نار طلعت وراها
نسرين تناظف بي مكنسه كهربائيه لحظة انه خزنه في غرفة احلام مفتوح عدتت نادت احلام جاءت
احلام :خيرك نسرين
نسرين:خزنتك لقيته مفتوحه ودلبك مفتش ومش عارفه من دارها
احلام شافت خزنه لقتها فاضي :حي فلوس وينهم
نسرين:اقسم بالله حق ربي مش عارفه
احلام شكت بسلوى عدتت لغرفتها مالقتهاش شافت وراقه ع سرير مكتوب فيه
((ماشيه من غير رجعها))
احلام:اللا لاللا مش معقوله سلوى رد بالك اديرهاا لاااا
______________________________
محمود خش غرفة جن نار بهدو صكر باب لقاه مش قعده
محمود:وين عدتت ؟؟كثلوم
فون جن نار يرن قعد ع طاوله خذي يبي يرد لكن صكر خط
جاءت رساله((جن نار الامور تمام غير ردي علي بس))
محمود:استغرب :جن نار؟وكلثوم ؟لحظه! لحظه
اهاا ذكرت جن ناار...خط يده ع راسه وغمض عيونه وبدي يذكر
قبل سنتين
محمود:شن سمك ياحلوه
جن نار:جن نار
محمود:جن ؟؟اسم غريب لكن حلو
جن نار:هههه انت احلى
محمود:حانسميك جنو♥
جن نار:ياعيون جنو ههه
محمود:نتلاقوا ليله
جن نار:امم اكيد
فتح عيونه ل:انا متاكد من بدايه انى شفتها..لكن كيف صار اللى نعرفه جن نار وحده صايعه واما توا كلثوم بنت صاحب شريكات؟؟ولو مش غلطان كلثوم وجن نار شخص واحد هههه لعبو عليك يا غيث
اذا هي؟جن نار نفسه كثلوم من وين ليها فلوس هذينا كله؟؟
وشن تبي من غيث؟!
رد فون في مكانه وطلع من غرفه
____________________________
سلوى عدتت راكبت تاكسي
صاحب تاكسي:وين ياخيتي
سلوي:للمحطه للي يوصل للمدينه***
صاحب تاكسي:حاضر يبحت فيه من مرايا كيف متوتره وخايفه
جن نار راكبت سيارتي وعدتت رواها
صاحب تاكسي:خيره سياره هذي تتبع
سلوى خافت تحسبها واحد من عائله :زيد سرعه اجرى بسرعه الله يربحك قبل مايشدونى
تاكسي فاهم انها هربه:به شدي روحي...زاد سرعه
جن نار خيره يجري هك...حتي هيا زادة سرعه
تاكسي باعد وخش في لفه:انتي من وين يا حلوى
سلوى ساكته
تاكسي ابتسم بخبث
_______________________________
للكاتبه ☆نجوي امبارگ♥
أنت تقرأ
رواية#عائلة سلطان
Romanceروايه بلهجه الليبيه رواية☆عائلة سلطان☆ تدور الأحداث عن فتاة إسمها (ألماس) يتيمه كانت تعيش مع عائلة سلطان توفي بوها وهي صغيره و كانت تعرف ان بوها شخص اعمال وغاني لكن فجأة توفي قالوا إن سبب وفاته هو انتحر بسبب ذيون لا بل مات مقتول تكلفت عائله سلطان...
