توا عندهم 5 سوايع في الحجامة كل ما الوقت
يقرب غغران تحس قلبها شياقف مالخوف لبست
روبتها شعرها محلول مكياجها اكثر مالsimple
اما ديمة محلاها زينها رباني مزالت نص ساعة و ايجيو اهزوها قالت لفادية ماشيا لتوالات دخلت
متوترة تخمم كفاه شتهرب هزت راسها لفوق
قات شباك لاهو واسع لاهو صغير تنجم تتعدى منو
و زيد الروبة هابطة مع بدنها مش ستيل باربي
طلعت فوق التوالات تتشعبط حتى لين وصلت
للشباك رمات ساكها و طالونها و نقزت في
جرتهم و عطات على ساقاها تجري مش عارفة
وين ماشية تبكي على سعدها لحرف من جيهة ومن
جيهة اخرى ساقاها توجع خاترها تجري حفيانة.....
كان يسوق فالكرهبة ماشي للبار كي العادة و
فالليل يختمها ببنية كي العادة هو سارح تطلع قدامو
طفلة بروبة بيضة مش عارف حتى كفاه شد فران
في الدقيقة هاكي غفران كانت مسلمة مغمضة فيبالها عينيها في بالها ماتت فاقت كان على صوتو لخشين
الا فيه نوع مالحنية:
_مادموازال سافا
.....
_مادموارال نحكي معاك
كانت سارحة في زينو و في بدنو تربثت مباعد
جاوبتو بصوت يرعش فيه الخوف
_خويا بربي بعدني من هوني عيشك راهو كان
شدوني يقتلوني
_اختي فاش تحكي ياخي دنيا مسيبة هي و اصلا علاه
يقتلو فيكك؟؟
_امان هزني من هوني تو نحكيلك كل شي
أنت تقرأ
احلى غلطة ♡♡
Romantikهااي بنات اني غفران اول مرة شنهبط فالواتباد كرونيك بعنوان احلى غلطة♡♡ فيها برشة حب و برشا انحراف من تو شريفة بنت الفاضل فحج و تعدى نتمنى تعجبكم #غفا
