بارت خاص لوحده من متابعيني رادت بااارت صغيروني😅❤️
يدللو tabark Ali😍
حسان: اجتمعوا اريد اكلكم شي
الكل: تفضل
حسان: عمكم ان شاءالله باجر يصل
حسن: ياعم بويه؟
حسان: اخوي الي ابوي طرده من زمان
حسام: ليش طرده؟
حسان: لانه تزوج وحده ماهي منه
لمسه: يعني شون ماهي منه
حليمه وهي جايه: جاب ع راسنا سنيه يايمه
حسن: سنيه؟ وذا؟
حليمه: ليش ناوي تاخذ سنيه؟؟!
حسن: لا مو قصه ناوي بس مابيها شي لو ردت سنيه
حليمه: شلون مابيها اطباعهم حياتهم كله تختلف
حسن: كلنا ربنا واحد وكتابنا واحد يمه عيب هالحجوات هاي
حسان: عيب هالكلام يا حليمة مايصير
حسام: زين بويه وهو مرته وولده حيجيبهم هنا
حسان: شوف بويه هو عنده بنتين بس ومرته توفت واجه يسكن يمنا وحجيبه هنا
حليمه: شنو ؟هنا! انت تحجي صدك
حسان: شايفتني اشاقه
حليمه: وشعدهم ببيتي
حسان: باعي حليمه هذا اخوي ومستحيل اخلي يطب لغير بيتي وماعنده احد هو وبنواته الاثنين
لمسه: الله نفر جديد للبيت
خزرتها حليمه بعيونها وسكتت
حسن: خوش بويه اني طالع انام تأمرني ع شي
حسان: سلامتك بويه روح ارتاح
.
.
.
شام: طبيت للبيت بي حديقه جبيره دكيت الباب طلعتلي مره جبيره بالعمر
زهره: انتي منو؟
شام: اني بنت علي
زهره: انتي بنت ريام السنيه؟!
شام: اي
زهره ( وهي تعوج بوزها ) : اييه فوتي فوتي ويننو ابوج
شام ( هاي شبيها كالبه وجها عليه): ااا هسة يلحكنا
زهره : فوتي فوك يلا
طبت شام للبيت ويه ريم الي مجلبه بيدها وتباوع للبيت بأستغراب
ريم: شام شراح انسوي
شام: والله مااعرف امشي نصعد فوك امرنا لالله
التفتوا وشافوا مرة متوسطه بالعمر
ايمان: منو انتوا؟
شام: حنضل هيج كل شويه.... ااا احنا بنات علي
ايمان: هااا هله بيج يمه تعاي احبنج اني عمتج اخته لعلي
شام( واخيرا. احد حباب هنا): هله بيج عمه
ايمان: نورتونا صعدوا فوك اخذن راحتجن
شام: تمام عمه تسلمين
صعدت شام هي وريم بدلوا وناموا كبل من التعب كعدت شام وهي ميته جوع نزلت جوه وهي تشوفهم كاعدين بالصاله بيبتها وعمتها وابوها ورجال جبير وبصفه الولد.. اي هو نفسه الولد ابو التكسي الي وصلها شجابه هنا؟
شام: اا السلام عليكم
الكل: وعليكم السلام
علي : هله بنتي تعاي تعرفي على عمج وابنه
شام( من هدا يصيحلي بت عمي طلع ابن عميي ): ااا هلو بيك عمو
حسان: هله بنيتي هله نورتونا.... يلا يعلي لا تردني ياخوي كوم جيب بناتك وتعال
علي: ماريد اكلفكم خليني هنا
حسان: لا كلفه ولا شي الليت فارغ ومابي احد يلا
علي: تسلم ماتقصر.. يلا شام بابا صيحي اختج وجيبي غراضكم نروح لبيت عمج
شام: ان شاء الله
صعدت كعدت ريم وطلعوا كلهم ووصلوا لبيت حسان
حسان: بابا حسن اخذ ريم وشام فوتهم للبيت وانه رايح اجيب اكل واخذ عمك هم
حسن : تأمر بويه... يلا نزلوا
نزلوا وباوع حسن على شام وهو معاجبه: منا ورايح غيري لبسج
شام( برفعه حاجب): نعم؟🤨
حسن: الي كلته
شام: مااغير... ومشت قبله..
طبت ترجف وهي عايشه كل حياتها ببغداد وهناك كلهم سُنه وجتي فجأة ويه كل الشيعه وبكربلاء وويه عاداتهم
شام: السلام عليكم
حليمة:اهلا تفضلي منو انتي؟
شام: اني شام وهاي اختي الصغيره ريم اني بنت علي
حليمه: انتي انتي بنتها لريام
شام: اي اني
كامت حليمه بسرعه وجرتها من شعرها...
شام: اااااا ااا عوفيني عوفينيييييي
حليمه: هجامه البيوت امج من زمان مردناها وهسة جابتج عاله ووللت
شام:امي اشرف منكم تمام
حسن: بسسسسس... وطب وهو يجر شام من ايد حليمه
حسن: يوم عووفيها عووفيها
حليمه: عوفني يول يحسن خليني اموتها لهالبت
حسن: ميصير مالها دخل يوم عوفيها بسس ... وجر شام وراه
حليمه: اني عفتج بس الا اندمج يبت ريام
التفت حسن على شام : بيج شي؟
شام(وهي تنفض ايدها): عوف ايدي عوفها يلا
حسن: لا تصيحين لا وحق الحسين ادفنج بكاعج هسة
شام:مالك دخل مالك علاقه متأمرني انت
حسن: اكسر راسج هم وحطي على راسج شي اكو زلم متروسه بالديوان
شام:اني ممحجبه مالك دخل انت
حسن: لج سمعي لج تره سكتتلج هواية اني لتخليني اشوفج شي عمررج مشفتي
شام: دروح روح يالشيعي
حسن( تخبل وتهستر من طريقه كلامها لزم ايدها وجرها عليه): لججج تاج راسجج اني تسودنتي انتي تحجين هيج هنا
شام( وهي تباوعله بتحدي): ماالك علاقه
حسن( وهو يتقربلها بتحدي اكبر ويباوع بعينها بحده): انه حأدبج يالسنيه
شام: اعلى ما بخيلك اركبه... وعافته وركضت بسرعه وهي ترتطم بواحد
حسام ( وهو يلزمها بسرعه قبل لا توكعع): ها ها ها صابج شي؟
شام: ااا لا اسفه مقصدي
حسام وهو صافن بمعالم وجهه : ااا صا صار خير خيتي منو انتي؟
شام: اني بنت ريام
ريم جتي تركض وهي تبجي: شااام
شام: لتخافين مابيه شي
حسام: ها انتوا بنات عمو علي
شام: اي انت منو حضرتك
حسام: اعرفج اني حسام ابن عمج
شام: تشرفت اسفه جيت ركض ماانتبهت
حسام: مصار شي... لمممسسسة هممسسسه
نزلوا همسه ولمسه ركض: هاا حسام
حسام: تعالوا اخدوا بنات عماكم يمكم فوك
لمسه: هلاو اني لمسه
همسه: واني همسه
شام: واني شام وهاي ريم تشرفت بيكم .. انتوا توم ؟
همسه: هههه يي بيني وبينها خمسه دقايق بس
لمسه: وذالتني بيها
همسه: انطمي من يحجون الكبار تسكتين انتي
لمسه: ها شفتوا😑
شام: ههههههه
همسه: تعالوا فوك نعرفكم على غرفتكم تفضلوا
صعدوا فوك وهم يسولفون تعرفوا ع بعضهم وكلش حبيتهم شام جانوا لطيفات وياها
دك دك...
لمسه: منووو؟
حسن: نزلن عالعشه
همسه: اي جينا خويه
نزلوا كلهم دتنزل شام لزم ايدها حسن: لبسي شي ع راسج
شام: مالبس هد ايدي
حسن: وانه اكلج وحق الحسين تلبسين
شام: يابه والله ماالبس وشتريد تسوي سوي
حسن: يعني تتحديني؟؟
شام وهي تقرب وجهه وتباوع بعيونه بتحدي: اتحداك
وفجأة...
ستووب
أنت تقرأ
صدفة♥️
Romantikيقول الجميع... الصدف عندما تتعدى الثلاث مرات تصبح ليست صدفه... بل معجزه... اليوم... سنعرف ان كانت الصدف موجوده فعلاً او لا.... فابطالنا حياتهم ستصبح كلها عباره عن...( صدفه♥️) شيعي وسنية♥️
