صدفة♥️

بارت 8

شام...
صعدت فوك واني اباوع من الشباك على حسن جان كاعد بأنتظام وعاگد حواجبه بقوه ويشرب بفنجان الگهوة تنفست بقوه وسديت البرده ومددت عالقريوله ولزمت تلفوني واني اگلب بالانستا فچأة طلعلي من المقترحات حسابه فتت عليه واني اشوف بصوره واكلب بيها ... اووي ع شنو ادور بصوره اني لفيت راسي ونمت..

حسن...
كعدت ساعه 10:00 بليل
اووف شكد نمت اني ... نزلت لكيتهم كاعدين كلهم
زهره: ياهله ليش كعدت يمه بعد وكت
حسن: جده والله مدري شرن نمت حتى محسيت ماعرف شون حنام وباجر دوام
حليمه: نوم الهنا يبعد عيني تعال يمه اكعد يمي .. شوكت تزوج واكحل عيني بشوفتك فريخاتك
حسن( وهو يكعد): ها يمه رجعنا لهالسالفه
حليمه: اووف راسك يابس من انت صغير.. همسه كومي سوي اكل لاخوج
همسه: من عيوني
كامت همسه باوعت لشمس وهي تگلب بالتلفون وماهامها شي طب حسام للبيت
حسام: سلامووون عليكوووم
الكل: وعليكم السلام
حسام: شونكم يابه
شمس: تمام نسأل عنك
حسام: هله باليسأل عليه ... شونج شموسه
شمس( بأبتسامه): تمام الحمدلله
حسن: هيييي حسام
حسام: عيني
حسن: اكلك اريد بشغله بالمكتب الحكني
حسام( وهو يهمس لشمس): بلشت رحمه الله
شمس: ههههههه
حسن: اسمعك تبسبس؟!
حسام: لا مو عليك يابه
.
.
حسن: فوت وسد الباب
حسام( وهو يكعد): شصاير قلقتني
حسن: اكلك صايره سالفه بين قطعه ارض وماريد ابويه يعرف
حسام: شلون يعني
حسن: يريدون الكاع مال جدي
حسام: شلووون حسن تدري ابويه كلش متعلق بهالكاع
حسن: ا؏ـــرف ا؏ـــرف بس المشكله حيسوولي مشاكل
حسام: ليش ومنو ذوله
حسن: عمام ابوك
حسام: صدك تحجي؟!
حسن : والله يريدون الورث وكتلهم ليوصلون لابويه شي حالياً سويت كعده لباجر وتحاول نحلها بيناتنا حتى لو نشتريها منهم
حسام: ماشي
.
.
.
ثاني يوم...
كعدت راسي حيموتني من الوجع باوعت الساعه 7:35 عززززه ماظلي وقت عالدوام... كمت طيرررة للحمام سبحت عالسريع وطلعت لبست بنطرون بيج وياه جاكيت طويل جينزل وشيله بيج.. خليت ايلاينر ومسكاره وحمره خفيفه وطلعت اركض... نزلت لكيت بابا توه ديطلع
شام: صباح الخير حبيبي
علي: صباح النور على احلى بنوته
شام: توصلني بطريقك عفيه تأخرت
علي: اي بابا يلا امشي
.......................
كاعد بمكتبي وطبت السكرتيرة بسرعه..
سميه: عفواً دكتور حسن اكو مريض حالته حرجه كلش وهو مريض دكتوره شام بس هي لحد الان ماكو
حسن: دكتوره شام ماجتي؟
سميه : لا بعد
حسن( هي متطول هيج عبالي طالعه شعجب؟!) : يلا اوك جاي
طلعت بسرعه واشوف رجال ينزف خشمه بقوه
حسن: سمميه گطن ومعقم عالسريع وانقلي لغرفه الطوارئ اني جاي
سميه: فوراً دكتور
رحت بسرعه ادور على اوراقه بس ماعندي مااعرف شنو انطي وشنو ماانطي ماعرف حالته بهالاثناء طبت شام
شام: شصاير؟
حسن: همزين شرفتي دكتوره عيني ليش متأخرة
شام: اخذتني نومه والله كلش اعتذر
حسن: لحكي على مريضج بسرعه طك خشمه دم
شام: يامريض؟!
حسن: ياابو فاضل على هاليوم الي مناوي يخلص رووووحي وشوووفييييي مو وكت صفناتج
شام( بأرتباك): ا ا ااي اي شبيك تصيح رحت
راحت واني مشيت وياه طبت وكبل عرفته
شام: عبدالله ؟! هاي شصاير وياك
عبدلله: عفيه دكتوره مادري فجاة راسي وجعني وطگ خشمي دم
شام: عالسسسريع ابره ***** بسررعه
سميه: حاضر دكتوره
نيمته واشوفها تدلك براسه حطتله المغذي 5 دقايق انگطع الدم ونام المريض
طلعنا بره الغرفه
حسن: وين جنتي؟
شام( وهي تمشي): كتلك والله اخذتني نومه
حسن: شام ميصير نتأخر باعي هسه المريض محد يعرفه غيرج جان صار بي شي .. لازم اكو غيرج يعرف عنه مو بس انتي
شام: تمام متتكرر ان شاءالله
حسن: طيب .. متريكه؟
شام( وهي تنفي براسها): تؤ
حسن: تعاي ناكل يلا
نزلوا للكفتريا
ايوب: اوووه صباح الخير
حسن ( بهمس): استغفرالله
شام: صباح النور اهلاً دكتور
ايوب: شونج شام
حسن: دكتوره... دكتوره شام
ايوب( وهو يرفعله حاجبه)
حسن: شنو؟
شام: من رخصتكم.. ومشت وعافتهم
....
هاي شبيهم يربي يتناكرون كل ميتلاگون
استغفرالله ناقصني عاااد ... اووف راسي حينفجر شبيه اليوم... اندك الباب
شام ( وهي كاعده تفرك براسها): تفضل
ايوب: موجوده؟
شام: تفضل دكتور اكو شي؟
ايوب( وهو يتقربلها): شام باعي اريد اكلج شي
شام( وهي ترجع): شكو دكتور شدسوي
ايوب( وهو يلزم ايدها): باعي شام....
شام: شدسوووووويييي وخرررر عنيييييي
وفجأه انفتح الباب بسرعه
ايوووووووووووووووووب
....................
راحت شام واني رجعت لغرفتي بدون ماحاجي ماعرف هالبشر شنو
طلعت الجدول اشوف المرضى مال يوم ...
اليوممم حمزه و امجد ومنال .... هممم تمام...
اخذت  السجل مالتهم وكمت واني دامشي من يم غرفه شام واسمع صوتها تصيح عرفته ماكو غيره رحت ركض واني افتح الباب واصيح بكل قوتي
ايوووووووووووووب
شام: حسن اوكف حسسسن
كبل نمت فوكاه واني اطلع حركه كلبي بي التموا عليه يوخروني عنه
حسن: لك اذا ماشربت من دمك اليوم شدتحاول تسوووي انت لك شدتسووي
شام: حسننن اهدى
حسن( رفعت راسي عليها واني عيوني دممم وخرت منه وشمرته بره طلعتهم وطلعت بسرعه وقفلت الباب عليها...
شام: حسنننن افتح الباب افتححح  لك اني تسوووي بيه هيج حسن.. والله لاندممممممممك افتح الباااابب
اوووووووووف ياااااا افتحححح
التفتت عليه ......
حسن: والله العظيم اذا شفتك متقرب هنا بعد متلوم الا نفسك
ايوب: هههههه تخوفني والله
حسن: لككككك ايوووب لتنرفزني
ايوب( وهو يمشي): نشوف حسن
حسن: خررررب
اسامه: حسن اهدى شويه
حسن: اسامه مدتشوف شديسوي
اسامه: هو ديتقصد يستفزز بيك اهدى شويه
حسن: لا اله الا الله ماشي
فتحت الباب وهجمت عليه فجأة.....
شام( وهي تضربه على صدره) : لككك حسن شلون هيج تسوي بيه شلووون
حسن( وهو يلزم ايدها بقوه): لج انتي الي شلون تسوين هيج شلون تبقين وياه بغرفه وحدكم ناويه تموووتيييينيييييي انتيييييي
شام: انت خبل انت هو الي اجه وراد يحاجيني
حسن: شسوالج هالنذل احجيييي
شام: كل عقلللككك شتقصددددد عبالك رخيصه اني لهالدرجهههه اطللع بره
حسن: لعد مو سمعت صياحج بأذني لو مسامع جان الله ليعلم شصا... وقبل ليكمل ضربته راشدي بقوه... بقى هو مصدوم وهي تتنفس بقوه نزلت لاول مره دموعها كدامه
شام: مااسمحلك تسمعني. مااسمحلك حتى تفكر بهالشي طول عمري محافظه على نفسي ماانتطرك تجي وتنقذني
حسن: تضربيني!!؟ شلون تتجرئيييييييين
شام: لعد شلون تتجرء انت هيج تحجي
حسن( وهو يلزم فجها بقوه): والله ثم والله فلا اعديها الج سمعتي
شام(وهي تحاول تفلت منه): هدددني هدني داكلك
حسن: يصير خيييير والعباس الا اندمجج
شام: الي بيدك لتقصر بي يالشيعييييييي
حسن: اشوفج شحسوي يج يالسنييييه
طلع  وسد الباب بقوه وراه

..........
شلون يتجرء شلووون!! والله لاعلمك يحسن والله لاشوفك شنو شام اني هيج تسوي بيه؟ الا اخليك تبجي كدامي دمم والله
طلعت وكملت اليوم عادي ورحعت للبيت واني ببالي شغله وحده ولازم اسويها....
شام( وهي تطب للبيت): السلام عليكم
علي: هله بابا شونج
شام: هلو بيك الحمدلله بابا
علي: نعم
شام: اني قررت اريد ارجع لبغداد
:::::::::::::::
حسن: تفضل
سميه: دكتور واحد بره يريدك
حسن: منو؟
سميه: والله ماعرف
حسن: افففف فوتي
سميه تمام
...: السلام عليكم
حسن: وعليكم السلام تفضل منو ؟
.....: اني متعرفني والافضل متعرف اسمي جاي اكلك شي واحد واروح
حسن: تفضل؟!
....: انت بنت عمك اسمها شام علي دكتوره جراحه هنا صح؟
حسن: نعم ؟ وانت منين تعرفها
.....: بنت عمك عدها علاقه ويه اخويه وتركته بعدين وتوسل بيها وحاول يتقدملها ورفضت وفجأة اختفت من بغداد واخويه مرض كلش واليوم عرفت انتقلوا هنا ومن سئلت عنها كالوا طلعت وماكو غيرك يدلني عليها
حسن: انت شدتحجييييي ولك. مستحيل شام تسوي هيج شيي!!!!

......
ستوووووب🧡
هاي بارت لعيونكم واعذروني عالتقصير بس والله دامر بظروف
احبكم هوايه❤️❤️
وكولولي شتتوقعون يصير
صدك الي كالوا ع شام؟
وياترى شام حترجع لبغداد لو لا؟
انتظر تعليقاتكم الحلوه🌸🦋