شيطانه الرعد

البارت العاشر

كان ينظر اليها مندهشا من جمالها الخلاب..!
حقا انها كانت تشبه الحوريات. وهي بالمقابل كانت تنظر اليه ببتسامه خجوله
حينها تحدث هاشم والد اسر :
سما دي بنتي....لو فاكر اني هسيبك تزعلها او تضايقها تبقى بتحلم لو نزل من عيونها دمعه واحده بس ليلتك هتبقى سوده....هي الي فضلالي من ابوها الله يرحمه ودي امانه متفكرش تزعلها خليك دايما جمبها كون ليها الزوج الصالح
فاق اسر من شروده بتلك الجميله وقال:
دي في عيني يا بابا مش محتاج توصيني

اخذ اسر ايد سما وتوجهو الى منصه الزواج وكان اسر وهاشم شاهدين على الزواج

من ثم قال المأزون جملته الشهيره
"بارك الله لكما وبارك عليكما وجمع بينكم في الخير"
وكانت المفاجأه ان احتضن اسر سما بقوه امام الكل.!

ثم ابتعد عنها
واتت لهم جميله:مبرووك يا سماسيمو اخيراا اتجوزتي
ولكن المسكينه كانت تحت تأثير الصدمه ولم تنطق بحرف واحد
جميله:سمااااا فوقي
سما:اي في اي هو اي الي حصل؟!
ضحكت جميله بشده على غباء صديقتها:
اتجوزتي يا قمر خلاص ثم اكملت كلامها موجه الحديث لأسر اطلع على القريه السياحيه هخليك تقضي شهر العسل هناك قبل ما تتفتح بأسبوع عد الجمايل بقا.
اتى اليهم عمر :
مبروك يا اسر مكنتش اتخيل في يوم انك تتجوز ولا تقع الوقعه دي!
اسر:عقبالك يا صاحبي وتقع زيي.
عمر:ربنا يقدم الي فيه الخير يلا اسيبك مع عروستك
وجاء دور رقصه السلو
ورقصت سما مع اسر
وانتهى الفرح وذهبوا لقضاء شهر العسل
وزهب الجميع الى بيوتهم لكن جميله وعمر كانو يوصولون اسر وسما الى المطار
وصعدت الطائره بعد وداع كبيير..
كانت جميله ستركب سيارتها لكن توقفت على صوت عمر:جميله استني
جميله:مفيش بيني وبينك كلام يا عمر.
عمر:احنا لازم نتفق لان المشاكل الي بتحصل ما بينا بضايق اهلنا ومظنش انك هتكوني مبسوطه لما يكونو مضايقين
اطلقت جميله تنهيده طويله:
يعني عايزني اعمل ايه؟
عمر:تيجي اعزمك على قهوه؟
فكرت جميله لبعض الوقت وقالت:
تمام
عمر:عظيم جداا انا عارف كافيه على النيل تعالي نروح هناك.
جميله:تمم يلا
هنركب عربيتك ولا عربيتي؟
عمر:خليها عربيتي
جميله:تمام يلا
عمر:تحبي اشغل اغنيه
جميله:ياريت وتكون لأم كلثوم
عمر:بتحبي الاغاني القديمه؟
جميله:جداا فوق ما تتخيل
عمر:واي سبب حبك للأغاني القديمه؟
تحدثت جميله بحزن:
عمو محمد الله يرحمه كان بيعشق اي شئ قديم وحببني فيه.
عمر:عمو محمد ابو روان؟!
جميله:اه
عمر:ربنا يرحمه هو في مكان احسن دلوقتي
وصلنا
خرج عمر اولا من السياره ثم فتح لها الباب لتخرج من السياره
جميله بشبح ابتسامه:
شكرا لزوقك
ثم اتجهو للداخل
وجلسو بمكان قريب من البحر
عمر:قهوتك ايه؟
جميله:مظبوطه
نادى عمر على الجرسون:
اتنين قهوه مظبوطه لو سمحت.
ثم خيم الصمت
كانت جميله تنظر الى البحر بشرود
قاطع شرودها عمر وهو يقول:
بتفكري في ايه
جميله:ولا حاجه
عمر:عايز اسئلك سؤال
جميله:اتفضل
عمر:انتي ليه دايما حزينه كدا وليه واتحولتي من جميله الي مبتعرفش تأذي حيوان لجميله تاانيه خاالص اي سبب القسوه والحزن دا كله؟!
جميله:حجات خارجه عن ارادتي انا مكنتش كدا ولا اتخيلت في يوم من الايام اني اكون كدا بس الظروف بتحكم
واسفه اني مكنتش بتعامل معاك كويس الفتره الي فاتت وزوتها حبتين
عمر:انا الي اسف انا كنت بستفزك برضو
اي رأيك نبقا صحاب ونبعد عن المشاكل؟
جميله ببتسامه خفيفه:
موافقه...!
ابتسم عمر وقال:
القهوه نزلت اشربيها قبل ما تبرد
جميله:تمام
بعد وقت ليس بكبير من الصمت
قالت جميله بطفوليه:
هطلب منك طلب طفولي شويه
عمر :اؤمري
جميله:عايزه اكل اندومي
ابتسم عمر وقال:
يااه لسا بتحبي تاكلي اندومي
جميله:من ساعه ما سافرت وانا مكلتوش
عمر:بس كدا عيوني خلصي قهوتك بس واحنا مروحين هجبلك اندومي وشيبسي وشوكولاته كمان
جميله بفرحه طفله لم يتعدى عمرها ال5 اعوام:
بجد.....طب انا خلصت القهوه يلا
عمر: اصبري بس قبل ما نمشي ، صحاب
جميله ببتسامه: صحاب

يتبع..