زواج شفقة

الحلقة الأولى

فى منزل متوسط بالقاهرة... توجه الشمس خيوطها الذهبية بأتجاه النافذة الزجاجية لغرفة بطلتنا سارة... تنعكس الخيوط الذهبية من زجاج النافذة على عينيها... ببطء فتحت عينيها، رمشت عدة مرات قبل أن تعتاد على الضوء...
سارة بضيق: مين فتح الستاير؟ أنا عايزة أناااام....
الأم بغضب: أنا اللى فتحتهم و يلا قومى بلاش كسل... النهاردة أول يوم ليكى فى الكلية...
سارة بتثاؤب: يعنى لازم أروح؟ أول يوم مفهوش حاجة مهمة...
الأم بغضب: يعنى ايه أول يوم مش مهم؟! لازم تروحى علشان يبقى معاكى صحاب...
سارة بحزن: ومين هيوافق يبقى صاحبى أصلا؟ مفيش حد هيحبنى علشان تخينة... كلهم زى بعض بيهتموا بالشكل بس...
الأم بحنيه: متزعليش يا سارة يا بنتى أنتِ زى القمر وأكيد هتلاقى حد يحبك زى ما أنتِ...
الأم وهى تمسح دموع سارة اللتى بدأت تظهر على خدودها...: خلاص بقى متزعليش مش عايزة أشوف دموعك دى تانى لأنهم غالين عليا جدا...
سارة وهى تبتسم: تفتكرى دموعى دى تتباع بكام بما إنها غالية اوى كدا؟
الأم بغضب: صبرنى يارب... حتى وأنت زعلانة بتهزرى و لا أنت بتعملى الشويتين دول علشان أحضنك وأدلعك... يلا يا بت قومى إجهزى بسرعة ولا اقومك زى كل يوم... أنتِ وأخوكى اللى مفيش معاه غير اللعب...
سارة: لا لا خلاص... أنا هقوم أجهز بسرعة و على إيه اتضرب بالشبشب على الصبح... ده أنا أول مره فى حياتى الشمس تصبح عليا... ده يوم عالمى المفروض يتكتب فى التاريخ... ( بالظبط😂😂)
الأم بضحك: إجهزى وأنا هصحى اخوكى طارق علشان يجهز نفسه للمدرسة....

ستووووووووووووووب

سارة الهاشم هى فتاة فى التاسعة عشر من عمرها، شديدة البياض، شعرها البنى الطويل خصلاته مُموجه، تمتلك عيون بنيه كحبة القهوة، أنف صغير مُدبب وشفاه وردية ممتلئة، تعيش بالقاهرة و تلتحق بكلية أداب قسم اللغة الإنجليزية.. سارة الهاشم فتاه مرحة وخفيفة الظل ولكن لم يكن لديها أصدقاء.. فهى ليست إجتماعية بما فيه الكفاية لتكون صدقات..

بااااك

سارة بعدما جهزت نفسها للكلية، فارتدت فستان طويل و واسع باللون الكشميرى و يُزينه حزام أسود رفيع يُعطى لمسة رائعة للفستان و حِذاء رياضى أسود.... وفردت شعرها الطويل لتظهر غاية فى الجمال بالرغم من زيادة وزنها...

دلفت سارة للسفرة الكبيرة حيث تجلس والدتها...

لتردف سارة من خلفها: ماما أنتى بتعملى اية؟
الأم بخضه: بسم الله الرحمن الرحيم... انتى مش هتبطلى تصرفات الأطفال دى يا بنتى؟ ده أخوكى طارق مبيعملش اللى أنتى بتعمليه دا...
سارة بمرح : خلاص خلاص متزعليش...
الأم: يعنى شيفانى بعمل السندوتشات وبتسألى برضوا... بقولك ايه أنا مش عايزة غباء وإلا صدقينى هسيب ليكم البيت ومش هتعرفوا ليا طريق...
(كلمات الأم المصرية الشهيرة😂😂 )
سارة بمرح: كده برضوا... ده أنا مقدرش على فراقك يا ست الكل... أنا مش قصدى أزعلك... كنت بقولك بس علشان متعمليش حسابى فى سندوتشات
علشان فى مطعم فى الكليه ومحدش بيجيب معاه سندوتشات خلاص دى موضة قديمة....
الأم بغضب: نعم يَختى!!.. طب و أنا أيه يضمنلى أن الأكل اللى فى المطعم ده صحى ونضيف؟!
سارة بتنهد: ماما أنتِ أكتر واحدة عارفة إنى بأكل ومفيش حاجة بتأثر فيا...
الأم بغضب: اييييه نعم يا روح أمك... يلا يا بت أسمعى الكلام وخدى معاكى السندوتشات و روحى شوفى أخوكى طارق جهز ولا لسه....
سارة بمرح: لثة ولا لسان....
لتمسك الأم بالشبشب وترميه بإتجاه سارة ليصيب الشبشب هدفه مباشرة....
سارة بصراخ: عااااا ليه كده يا ماما كنت بهزر معاكى...