campus flirt. pjs

. . . ⇢ 36 ˎˊ˗

nagmamadaling nagpunta sa dance department class-1 si joy para makausap si jay. hindi rin nagtagal ay nakarating siya at nakita sina jake at ni-ki pero wala si jay.

napabuntong hininga na lang si joy at walang nagawa kundi tawagan si jeno na alam niyang makakatulong sa kanya para mahanap si jay.

"jeno? 'yung plano kahapon.. oo, then dalhin mo siya classroom na walang tao.. yeah, salamat!" matapos non ay agad siyang tumakbo.

-♡️-

jeno
@kmjno

jeno
joy?

jeno
nakita na namin si jay

joy
nasaan niyo siya nahanap?

jeno
nasa rooftop

jeno
tinakpan namin ang mata niya at tinali gaya ng sabi mo

joy
sinaktan niyo ba siya?

joy
JENO PAG TALAGA GRR!

joy
AKO MAKAKALABAN MO 😤

jeno
chill, di namin siya sinaktan

jeno
kaso nagsisigaw kasi siya kanina kaya napilitan akong patulugin siya hehe

joy
so sinaktan niyo nga siya?

joy
🔪🔪🔪🔪🔪🔪🔪🔪🔪

jeno
kailangan lang!

jeno
sorna

joy
oo na, papunta na ko diyan

joy
nagising na ba siya?

jeno
natutulog pa rin

joy
saan mo siya sinaktan?

joy
sa mukha ba?

jeno
nope, sa tiyan lang

joy
berigud ayokong may galos yon sa mukha

joy
kapag meron kakainin kita ng buhay!

jeno
okay, handa akong magpakain ;)

joy
GAGO!

joy
sige malapit na ko

jeno
okay

-♡️-

gaya ng inutos niya, nagpunta si joy sa isang classroom na hindi na pinapasukan ng mga estudyante at pagkarating niya ay nakita niya si jeno kasama ang mga tropa nito.

sa unahan naman ay nakita niya si jay nakaupo sa silya, naka-suot ng blindfold at nakatali ang mga kamay sa likod. kung titingnan mo talaga ang sitwasyon ni jay ngayon ay para siyang na-kidnap.

well, talagang pinaka-kidnap siya ni joy dahil ito lang ang paraan na naiisip niya para kausapin siya ni jay. nakakailang chat na kasi siya kay jay pero hindi siya nito sinasagot so heto na nga ang naisip niya.

"jay? jay, wake up." joy said softly while caressing jay's cheek.

gumalaw si jay senyales na gising na siya at agad na nagpanik dahil nga nakatakip ang mga mata niya plus nakatali pa ang mga kamay niya sa likod. pero wala namang takip ang bibig niya kaya malaya siyang nakakapagsalita.

"a-ano 'to? bakit ganito? na-kidnap ako? ransom money ba ang kailangan niyo? nasa locker ko 'yung black-" hindi na niya naituloy ang sasabihin niya nang tanggalin ni joy ang suot niyang blindfold.

natigilan si jay at unti-unting napakunot ang noo matapos makita si joy sa harapan niya. "j-joy? pinakidnap mo 'ko?" hindi niya makapaniwalang usal.

"obvious ba?" pagsusungit ni joy. "nagawa ko lang 'to kasi ayaw mo 'kong kausapin! pasalamat ka talaga at mahal din kitang malandi ka kasi kung hindi, hindi ako mage-effort na kidnapin ka!"

jay blinked, nagl-loading ang utak niya sa kanyang mga narinig at napanganga. "m-mahal mo din ako?"

"paulit-ulit? parang sirang plaka lang? oo nga, mahal nga kita, nyemas. bigla lang naman ako umalis kahapon kasi naiihi na 'ko at hindi ko na mapigilan pa! alangan namang umihi ako sa harap ng maraming tao di'ba?" paliwanag niya.

"eh?" react ni jay kaya nahampas siya ni joy. "a-akala ko ni-reject mo 'ko."

napailing-iling na lang si joy sa ka-ewan-an ni jay at sinenyasan si jeno na kalagan si jay na agad namang ginawa. nang makalagan si jay ay agad niyang sinugod ng yakap ni joy.

"huhu, akala ko hindi mutual ang feelings. akala ko hindi na magiging tayo. akala ko mawawala na ang kulay ng mundo ko. akala ko-" muling natigil si jay nang bigla siyang halikan ni joy sa labi.

napangisi si joy pero ganun pa man hindi maitago ang hiya sa kanya. si jay naman ay natulala. si jeno and his friends naman ay biglang nakaramdam ng awkward at napa-ubo.

"uhm, nakakahiya naman manood ng live. sige, lalabas muna kami." pagkatapos non ay lumabas na sila kaya naiwan naman sina jay at joy sa loob.

napatitig si jay kay joy at unti-unting napangiti. "akala ko talaga habang buhay kang magiging manhid."

"excuse me?" napataas ang kilay ni joy. "alam mo tangina ka with respect and love. potangina mo mahal kita gago kahit malandi kang kingina kang haeop ka. mahal na mahal kita tandaan mo 'yan, mamatay ka man, tarantado ka! love you!"

natawa si jay, "sa'yo lang ako malandi and love you too! hehe."

"tse!" napairap na lang si joy.

"bakit kasi ang manhid mo? umabot pa tuloy sa chapter 36 'yung kwento." muling sambit ni jay.

"manhid man ako sa iyong paningin," napangisi si joy. "at least malandi ka pa rin, sa akin."

mas lalong napangiti si jay at muling niyakap si joy, "i know at sa'yo lang ako lalandi kahit gumuho pa ang mundo."

E N D