الضابط والصغيرونه

بارت7_8

#الضابط_وصغيرته

البارتات 7_____8

ﺑﻌﺪ ﺍﺟﺮﺁﺕ ﺍﻟﺨﺮﻭﺝ ﻣﻦ ﺍﻟﻤﺴﺘﺸﻔﻰ
ﺭﺟﻌﻮﺍ ﻟﻠﺒﻴﺖ ﻭﺭﻩ ﺍﻟﻀﻬﺮ ﺑﺲ ﻏﺰﻝ ﺧﺎﻳﻔﻪ ﻣﻦ ﺍﻟﻤﺠﻬﻮﻝ
ﻫﺴﻪ ﻟﻮ ﻋﺪﻫﺎ ﺃﻫﻞ ﻋﻤﺎﻡ ﺧﻮﺍﻝ ﺍﻧﻲ ﺍﺫﻛﺮ ﻋﺪﻱ ﻋﻢ ﻭﺍﺣﺪ ﺑﺲ ﻋﺎﻳﺶ ﺑﺎﻟﺨﺎﺭﺝ ﻭﺟﺎﻥ ﺍﺑﻮﻱ ﻗﻠﻴﻞ ﻳﺘﻮﺍﺻﻞ ﻭﻳﺎﻩ ﻭﻛﺮﺍﻳﺒﻨﻪ ﻛﻠﻬﻢ ﻣﺎﻋﺮﻓﻬﻢ ﺍﺻﻼ ﻭﺭﻩ ﻭﻓﺎﻩ ﺍﺑﻮﻱ ﻣﺤﺪ ﺳﺄﻝ ﻋﻨﻪ ﺍﻭﻭﻑ ﺍﻟﻠﻪ ﻳﺴﻬﻞ
ﻭﺩﺧﻠﺖ ﺍﻟﺒﻴﺖ ﻭﺭﻩ ﺍﻟﺤﺠﻴﻪ ﻭﺳﺮﻣﺪ ﺑﺲ ﺷﻨﻮ ﺗﻌﺠﺒﺖ ﻣﻦ ﺍﻟﺒﻴﺖ ﺑﻴﺖ ﺿﺨﻢ ﻃﺎﺑﻘﻴﻦ ﻭﺑﻴﻪ ﺣﺪﻳﻘﻬﻪ ﺷﻜﺒﺮﻫﺎ ﻭﻣﺰﻭﻋﻪ ﺛﻴﻠﻪ ﻭﺷﺠﺮ ﻭﺍﻧﻮﺍﻉ ﺍﻟﻮﺭﺩ ﺗﺠﻨﻦ ﻭﺍﻛﻮ ﻛﺮﺍﺝ ﻟﻠﺴﻴﺎﺭﻩ ﻣﺴﻘﻒ ﻭﺍﻛﻮ ﺣﺎﺭﺱ ﻭﺍﻛﻒ ﺑﺎﻟﺒﺎﺏ
ﻫﻮ ﺩﺧﻞ ﺍﻟﺴﻴﺎﺭﻩ ﻭﻋﺒﺮ ﺍﻟﺤﺪﻳﻘﻪ ﻣﻤﺮ ﻳﻮﺩﻱ ﻟﻠﺒﻴﺖ ﻭﻛﻒ ﺍﻟﺴﻴﺎﺭﻩ ﺑﺎﻟﻜﺮﺍﺝ ﻭﻛﺎﻝ
ﺳﺮﻣﺪ : ﺑﻌﺪ ﻣﺎﺑﺎﻭﻋﻠﻬﻪ ﺑﺎﻟﻤﺮﺍﻳﻪ ﻭﺷﺎﻓﻬﻪ ﺗﺒﺎﻭﻉ ﻟﻠﺒﻴﺖ ﺑﺨﻮﻑ
. ﻳﺎﻟﻠﻪ ﻳﻠﻪ ﺍﻧﺰﻟﻮﺍ
ﺍﻟﺤﺠﻴﻪ : ﺍﻧﺰﻟﻲ ﺑﻨﻴﺘﻲ ﻻﺗﺨﺎﻓﻴﻦ
ﻏﺰﻝ : ﻫﺰﺕ ﺭﺍﺳﻬﺎ ﻭﻧﺰﻟﺖ ﺑﻬﺪﻭﺀ ﻟﺴﻪ ﺗﺤﺲ ﺟﺴﻤﻬﺎ ﻣﺎﻳﻌﻴﻨﻬﺎ ﺑﺴﺒﺐ ﺍﻟﻌﺒﻄﻪ
ﺩﻛﻮﺍ ﺟﺮﺱ ﺍﻟﺒﺎﺏ
ﻓﺘﺤﺘﻪ ﻫﻨﺎﺀ ﻭﻫﻲ ﻛﺎﻟﻌﺎﺩﻩ ﺗﺘﻤﺎﻭﻉ ﺷﺎﻓﺖ ﻏﺰﻝ ﺗﻔﺎﺟﺎﺕ ﻻﻥ ﻏﺮﻳﺒﻪ ﻋﻠﻴﻬﺎ ﻭﻣﺎﺷﺎﻳﻔﺘﻬﺎ ﻣﻦ ﻗﺒﻞ
ﻛﺎﻟﺖ ﻫﻼ ﻫﻼ ﺗﻔﻀﻠﻮﺍ ﺑﻤﻴﺎﻋﻪ ﻭﺍﻟﻌﻠﺞ ﻳﻄﻚ ﺑﺤﻠﻜﻬﺎ
ﻫﻤﻪ ﺩﺧﻠﻮﺍ ﺳﺮﻣﺪ ﻛﺎﻝ ﻻﻣﻪ ﻳﻤﻪ ﺍﺧﺬﻱ ﻏﺰﻝ ﻳﻤﺞ ﺑﺎﻟﻐﺮﻓﻪ ﻋﻠﻤﺎ ﺍﺟﻬﺰ ﺍﻟﻐﺮﻓﻪ ﺍﻟﻤﺘﺮﻭﻛﻪ ﺍﻟﻬﺎ ﻭﺧﻠﻴﻬﺎ ﺗﺮﺗﺎﺡ ﺍﻧﻲ ﻃﺎﻟﻊ ﻟﻠﻤﻜﺘﺐ ﻋﻨﺪﻱ ﺷﻐﻞ
ﺍﻟﺤﺠﻴﻪ : ﺍﻱ ﻭﻟﻴﺪﻱ ﺭﻭﺡ ﻳﻤﻪ ﺑﺄﻣﺎﻥ ﺍﻟﻠﻪ ﻭﺑﺎﻭﻋﺖ ﺍﻟﻐﺰﻝ ﻳﻠﻪ ﻳﻤﻪ ﻏﺰﻝ ﺍﻣﺸﻲ ﻛﺪﺍﻣﻲ ﺣﺒﻴﺒﻪ ﺣﺘﻰ ﺗﺮﺗﺎﺣﻴﻦ
ﻫﻨﺎﺀ ﺗﺒﺎﻭﻉ ﺑﺎﻟﻮﺟﻮﻩ ﺑﻌﺪﻡ ﻓﻬﻢ ﻣﻨﻮ ﻫﺎﻱ ﺍﻟﺒﻨﻴﻪ
ﻭﺍﻟﺸﻴﻄﺎﻥ ﻛﺎﻡ ﻳﻠﻌﺐ ﺑﻤﺨﻬﺎ ﻟﺤﻜﺖ ﺍﻟﺤﺠﻴﻪ ﺗﺮﻳﺪ ﺗﻔﺘﻬﻢ ﻣﻨﻬﺎ
ﺍﻟﺤﺠﻴﻪ : ﻫﺎﺍ ﺧﻴﺮﺝ ﻫﻨﺎﺀ ﺷﻮ ﻻﺣﻜﺘﻨﻲ ﺍﺫﺍ ﺍﻟﻐﺪﻩ ﺟﺎﻫﺰ ﺻﺒﻴﻠﻨﻪ ﻻﻥ ﺟﻮﻋﺎﻧﻴﻦ ﻳﻠﻪ ﺑﺴﺮﻋﻪ
ﻫﻨﺎﺀ : ﺷﺒﻴﺞ ﺣﺠﻴﻪ ﺷﺴﻮﻳﺖ ﺍﻧﻲ ﻏﻴﺮ ﺍﺭﻳﺪ ﺍﺗﻌﺮﻑ ﻋﻠﻰ ﺿﻴﻔﺘﻨﻪ
ﺍﻟﺤﺠﻴﻪ : ﺑﻌﺪﻳﻦ ﺗﻌﺮﻓﻴﻦ ﻣﻨﻮ ﻣﺎﺗﺸﻮﻓﻴﻬﺎ ﺗﻌﺒﺎﻧﻪ ﻭﻭﺟﻬﺎ ﺍﺻﻔﺮ ﻳﻠﻪ ﺑﺴﺎﻉ ﺣﻀﺮﻳﻨﻪ ﺻﻴﻨﻴﻪ ﻭﺟﻴﺒﻴﻬﺎ ﻟﻠﻐﺮﻓﻪ
ﻫﻨﺎﺀ ﻣﺎﻋﺠﺒﻬﺎ ﺍﻟﻮﺿﻊ ﻭﻣﺸﺖ ﻭﻫﻲ ﺍﻃﻚ ﺑﻌﻠﺠﻬﺎ ﻭﺗﻔﺮ ﺑﺎﻳﺪﻫﺎ ﻭﺍﺩﻛﻮﻝ ﺑﺪﺍﺧﻠﻬﺎ ﻻ ﻫﺎﻫﻴﻪ ﺳﻮﻳﺘﻮﻧﻲ ﺧﺪﺍﻣﻪ ﺍﻟﻜﻢ
ﻭﺭﻩ ﻣﺎﺩﺧﻠﺖ ﻏﺰﻝ ﻟﻠﻐﺮﻓﻪ ﺷﺎﻓﺖ ﺍﻟﻐﺮﻓﻪ ﺟﺒﻴﺮﻩ ﻭﺣﻠﻮﻩ ﺑﺲ ﺍﺧﺸﺎﺑﻬﺎ ﺗﺼﻤﻴﻤﻪ ﻗﺪﻳﻢ ﺑﺲ ﻳﺨﺒﻞ ﻭﺷﺎﻓﺖ ﺻﻮﺭﻩ ﻟﺮﺟﺎﻝ ﻋﺎﻟﺤﺎﻳﻂ ﻣﺤﻄﻮﻃﻪ ﻳﺸﺒﻪ ﺳﺮﻣﺪ ﻓﻌﺮﻓﺖ ﻫﺬﺍ ﺃﺑﻮﻩ ﻭﻣﻴﺖ ﺍﻟﻠﻪ ﻳﺮﺣﻤﻪ ﺿﻠﺖ ﻭﺍﻛﻔﻪ ﺑﺘﻮﺗﺮ ﻭﺗﻔﺮﻙ ﺑﺎﻳﺪﻳﻬﺎ ﺑﺎﻭﻋﺘﻠﻬﺎ ﺍﻟﺤﺠﻴﻪ
ﺷﺒﻴﺞ ﻳﻤﻪ ﺍﻛﻌﺪﻱ ﺣﺒﻴﺒﻪ ﻭﻻﺗﺴﺘﺤﻴﻦ ﻣﻨﻲ ﺍﻋﺘﺒﺮﻳﻨﻲ ﺍﻣﺞ
ﻫﻨﺎ ﻏﺰﻝ ﻧﺰﻟﺖ ﺩﻣﻌﺘﻬﺎ ﺻﺎﻳﺮﻩ ﺑﺴﺎﻉ ﺗﺘﺤﺴﺲ ﻻﻥ ﺻﺎﺭﺕ ﺑﻼ ﺍﻫﻞ ﻭﻻﺳﻨﺪ ﻭﺩﻣﻌﺘﻬﺎ ﺭﺧﻴﺼﻪ ﻣﻦ ﺗﺬﻛﺮﻫﻢ
ﺍﻟﺤﺠﻴﻪ ﻣﻦ ﺷﺎﻓﺘﻬﺎ ﻫﻴﺞ ﺍﺗﻨﻬﺪﺕ ﻭﻛﻌﺪﺗﻬﺎ ﻋﺎﻟﺠﺮﺑﺎﻳﻪ ﻭﺿﻠﺖ ﺗﺤﺠﻲ ﻭﻳﺎﻫﺎ ﻭﺗﻬﺪﺃﻫﺎ ﻭﺍﻃﻤﻨﻬﺎ ﺃﻥ ﺍﺣﻨﻪ ﺍﻫﻠﺞ ﻭﺍﻧﻲ ﺍﻣﺞ ﻭﺳﺮﻣﺪ ﻣﺜﻞ ﻋﻤﺞ ﻻﺗﺨﺎﻓﻴﻦ ﻭﺍﻟﺒﻨﺎﺕ ﺍﺧﻮﺍﺗﺞ ﻻﺗﺤﺴﻴﻦ ﺭﻭﺣﺞ ﻭﺣﻴﺪﻩ ﺍﻧﺖ ﺑﻨﺖ ﺍﻟﻐﺎﻟﻲ ﻭﺍﺣﺒﺞ ﻟﻤﺤﺒﻪ ﺍﺑﻮﺝ ﺍﻟﻠﻪ ﻳﺸﻬﺪ ﻭﺣﻀﻨﺘﻬﺎ
ﻏﺰﻝ : ﻣﻦ ﺣﻀﻨﺘﻬﺎ ﺣﻄﺖ ﺭﺍﺳﻬﺎ ﻋﻠﻰ ﺻﺪﺭ ﺍﻟﺤﺠﻴﻪ ﺑﻬﺪﻭﺀ ﻭﻏﻤﺼﺖ ﻋﻴﻮﻧﻬﺎ ﺣﺴﺖ ﺑﺮﺍﺣﻪ ﻭﺍﻣﺎﻥ ﻣﻮ ﻃﺒﻴﻌﻲ ﻭﺍﻟﺤﺠﻴﻪ ﺗﻤﺴﺢ ﻋﻠﻰ ﺭﺃﺳﻬﺎ
ﺷﻮﻳﻪ ﻭﺩﺧﻠﺖ ﻫﻨﺎﺀ ﺑﺼﻴﻨﻴﻪ ﺍﻟﻐﺪﻩ
ﺍﺑﺘﻌﺪﺕ ﻏﺰﻝ ﻣﻦ ﺣﻀﻦ ﺍﻟﺤﺠﻴﻪ ﺑﺴﺎﻉ ﻭﺧﺠﻠﺖ
ﺍﻣﺎ ﻫﻨﺎﺀ ﻛﻠﺸﻲ ﻣﺎﻓﺎﻫﻤﻪ ﺣﻄﺖ ﺍﻟﺼﻴﻨﻴﻪ ﻭﻃﻠﻌﺖ
ﺍﻟﺤﺠﻴﻪ : ﻳﻠﻪ ﻳﻤﻪ ﻛﻮﻣﻲ ﺍﻛﻠﻲ ﻭﺍﺳﻨﺪﻱ ﺭﻭﺣﺞ
ﻏﺰﻝ : ﻻ ﺣﺠﻴﻪ ﻭﺍﻟﻠﻪ ﻣﺎﺷﺘﻬﻲ ﺍﺭﻳﺪ ﺍﻧﺎﻡ
ﺍﻟﺤﺠﻴﻪ : ﻣﻨﺎ ﻭﻫﻴﺞ ﺻﻴﺤﻴﻠﻲ ﻳﻤﻪ ﻣﺎﻣﺎ ﺑﻜﻴﻔﺞ ﻭﻫﺴﻪ ﻟﺨﺎﻃﺮﻱ ﺍﻛﻌﺪﻱ ﺍﻛﻠﻲ ﻳﻠﻪ ﺣﺒﻴﺒﻪ
ﻏﺰﻝ ﻫﺰﺕ ﺭﺍﺳﻬﺎ ﻭﻛﺎﻟﺖ ﺑﺼﻮﺕ ﻧﺎﺻﻲ ﺍﻭﻙ ﻣﺎﻣﺎ
ﺍﻟﺤﺠﻴﻪ ﺿﺤﻜﺖ : ﻓﺪﻭﻩ ﺍﺭﻭﺣﻦ ﻟﻠﻲ ﺍﺩﻛﻮﻝ ﻣﺎﻣﺎ ﻳﻠﻪ ﺣﺒﻴﺒﺘﻲ ﺍﻛﻠﻲ ﻋﻮﺍﻓﻲ
ﻭﻛﻌﺪﻥ ﻳﺎﻛﻠﻦ
ﻏﺰﻝ ﺍﻛﻠﺖ ﺷﻮﻳﻪ ﻭﻛﺎﻣﺖ ﻻﻥ ﺗﺤﺲ ﺭﻭﺣﻬﺎ ﺗﺮﻳﺪ ﺗﺴﺘﻔﺮﻍ ﻟﺴﻪ ﺗﺬﻛﺮ ﻣﻮﻗﻒ ﺍﺑﻮ ﺣﺴﻦ ﻭﻳﺎﻫﻪ ﻭﺗﺘﻘﺰﺯ ﺭﻭﺣﻬﺎ
ﺍﻟﺤﺠﻴﻪ ﻣﺎﺿﻐﻄﺖ ﻋﻠﻴﻬﺎ . ﺍﻛﻮ ﺑﺎﻟﻐﺮﻓﻪ ﺣﻤﺎﻡ ﺟﺎﻫﺰ ﻣﻦ ﻛﻠﺸﻲ ﻏﺴﻠﺖ ﺍﻳﺪﻳﻬﺎ ﻭﺭﺟﻌﺖ ﺗﻤﺪﺩﺕ ﻋﻠﻰ ﺍﻟﺠﺮﺑﺎﻳﻪ ﻭﻧﺎﻣﺖ ﺣﺴﺖ ﻭﺭﻩ ﻓﺘﺮﻩ ﺃﺣﺪ ﻳﻜﻌﺪﻫﺎ
ﻏﺰﻝ : ﺣﺴﻴﺖ ﺍﻟﺤﺠﻴﻪ ﺗﻜﻌﺪ ﺑﻴﻪ ﻓﺘﺤﺖ ﻋﻴﻮﻧﻲ ﺑﺘﻌﺐ
ﺍﻟﺤﺠﺒﻪ : ﻳﻠﻪ ﻳﻤﻪ ﻛﻮﻣﻲ ﻣﺎﻳﺼﻠﺢ ﺗﻨﺎﻣﻴﻦ ﺍﻟﻤﻐﺮﺏ
ﻏﺰﻝ : ﺻﻔﻨﺖ ﻳﻌﻨﻲ ﻫﺴﻪ ﺍﻧﻲ ﺑﻐﻴﺮ ﺑﻴﺖ ﻳﻢ ﻧﺎﺱ ﻣﺎﻋﺮﻓﻬﻢ ﺗﻤﻨﻴﺖ ﻫﺬﺍ ﺣﻠﻢ ﻭﻣﻦ ﺍﻛﻌﺪ ﺍﺭﺟﻊ ﻟﺒﻴﺘﻨﻪ ﻭﺑﺎﺑﺎ ﻣﻮﺟﻮﺩ ﻭﻳﺎﻱ
ﺗﺤﺴﺮﺕ ﻭﻓﺮﻛﺖ ﻋﻴﻮﻧﻬﺎ ﺑﺒﺮﺍﺋﻪ ﻭﺷﻌﺮﻫﺎ ﻣﻔﻠﻮﻝ ﻋﻠﻰ ﺿﻬﺮﻫﺎ ﻭﻭﺟﻬﺎ ﻻﻥ ﻣﺘﻌﻮﺩﻩ ﻣﻦ ﺗﻨﺎﻡ ﺍﻟﻪ ﺗﻔﺘﺤﻪ
ﺗﻌﺪﻟﺖ ﺑﻜﻌﺪﺗﻬﺎ ﻟﻤﺖ ﺷﻌﺮﻫﺎ ﻭﺳﻮﺗﻪ ﻛﺒﺎﻳﻪ
ﺍﻟﺤﺠﻴﻪ : ﻫﺎﺍ ﻳﻮﻡ ﺍﺩﻛﻮﻣﻴﻦ ﻭﻳﺎﻱ ﺍﻃﻠﻌﻴﻦ ﺣﺘﻰ ﺗﺘﻌﺮﻓﻴﻦ ﻋﺎﻟﺒﻨﺎﺕ ﻭﻫﻢ ﺗﻐﻴﺮﻳﻦ ﺟﻮ
ﻏﺰﻝ : ﻫﺰﺕ ﺑﺮﺍﺳﻬﺎ ﻭﺍﺧﺬﺕ ﻧﻔﺲ ﻗﻮﻱ ﻭﻃﻠﻌﺖ ﻭﺭﻩ ﺍﻟﺤﺠﻴﻪ ﻟﻠﻬﻮﻝ
ﻟﻜﺖ ﻫﻨﺎﺀ ﻛﺎﻋﺪﻩ ﻭﺗﻘﺮﻱ ﺑﺄﻣﻴﺮ ﺍﺑﻨﻬﺎ
ﻭﻣﺮﻳﻢ ﻭﻗﺘﻴﺒﻪ ﻳﻠﻌﺒﻮﻥ ﻭﻳﻀﺤﻜﻮﻥ ﻭﺍﺣﺪ ﻳﺮﻛﺾ ﻭﺭﻩ ﺍﻟﺜﺎﻧﻲ
ﻳﻄﻔﺮﻭﻥ ﻋﺎﻟﺘﺨﻢ ﻭﻫﻨﺎﺀ ﻛﻠﺴﺎﻉ ﺻﺎﻳﺤﻪ ﺑﻴﻬﻢ
ﻣﻦ ﻃﻠﻌﺖ ﺍﻟﺤﺠﻴﻪ ﻭﻏﺰﻝ ﻛﻞ ﺍﻻﻧﻀﺎﺭ ﺻﺎﺭﺕ ﻋﻠﻰ ﻏﺰﻝ
ﻫﻲ ﻧﺰﻟﺖ ﺭﺍﺳﻬﺎ ﻣﻦ ﺍﻟﺨﺠﻞ ﺍﺟﺖ ﻣﺮﻳﻢ ﺗﺮﻛﺾ ﺑﻴﺒﻲ ﺑﻴﺒﻲ ﻣﻨﻮ ﻫﺎﻱ ﺍﻟﺒﻨﻴﻪ
ﺍﻟﺤﺠﻴﻪ ﻛﻌﺪﺕ ﻋﺎﻟﺘﺨﻢ ﻣﻘﺎﺑﻴﻞ ﻫﻨﺎﺀ ﻭﻏﺰﻝ ﻟﺤﻜﺘﻬﺎ ﻣﺜﻞ ﺿﻠﻬﺎ ﻭﻣﺘﻮﺗﺮﻩ ﻣﻦ ﺍﻟﻮﺿﻊ ﻭﺍﻟﻨﺎﺱ ﺍﻟﺠﺪﺩ
ﺍﻟﺤﺠﻴﻪ : ﻫﺎﺍ ﺑﻴﺒﻲ ﻫﺎﻱ ﻏﺰﻝ ﻭﺭﺍﺡ ﺗﻌﻴﺶ ﻭﻳﺎﻧﻪ ﻣﻨﺎ ﻭﻫﻴﺞ
ﻣﺮﻳﻢ : ﻫﻴﻴﻲ ﻳﻌﻨﻲ ﺍﻟﻌﺐ ﻭﻳﺎﻫﻪ ﻻﻥ ﺯﻳﻨﺐ ﻣﺎﺗﻠﻌﺐ ﻭﻳﺎﻱ ﻛﻠﻪ ﺗﻘﺮﻩ ﻟﻮ ﺗﻠﻌﺐ ﺑﺎﻟﻤﻮﺑﺎﻳﻞ
ﻫﻨﺎﺀ ﺑﺘﺴﺎﺅﻝ : ﺣﺠﻴﻪ ﻣﺎﻛﺘﻴﻠﻨﻪ ﻣﻨﻮ ﻫﺎﻱ ﺍﻟﺒﻨﻴﻪ ﻭﺷﻮﻥ ﺗﻌﻴﺶ ﻳﻤﻨﻪ ﻭﺍﻟﻠﻪ ﻣﺎﻓﻬﻤﺖ
ﺍﻟﺤﺠﻴﻪ : ﻳﺠﻲ ﺳﺮﻣﺪ ﻭﻫﻮ ﻳﻔﻬﻤﻜﻢ
ﻫﻨﺎﺀ ﺑﻔﻀﻮﻝ : ﻭﺍﻧﻲ ﺍﻧﺘﻀﺮ ﺍﺑﻮ ﻗﺘﻴﺒﻪ ﺍﺣﺠﻴﻠﻨﻪ ﺍﻧﺘﻲ
ﺍﻟﺤﺠﻴﻪ : ﻳﻤﻪ ﺍﺻﺒﺮﻱ ﻭﻛﻠﺸﻲ ﺑﻮﻗﺘﻪ ﺣﻠﻮﻭ ﺍﻧﻲ ﻛﺎﻳﻤﻪ ﺍﺻﻠﻲ ﻭﺍﻧﺘﻲ ﺳﻮﻳﻨﻪ ﻋﺸﻪ ﺍﻟﻴﻮﻡ ﺳﺮﻣﺪ ﻳﺠﻲ ﻋﺎﻟﻌﺸﻪ ﻣﺎﻳﺘﺄﺧﺮ
ﻫﻨﺎﺀ : ﺍﻭﻑ ﻛﻠﻪ ﻋﻠﻴﻪ ﻳﻌﻨﻲ ﺳﻮﻳﺖ ﻏﺪﻩ ﻭﺷﻐﻞ ﺍﻟﺒﻴﺖ ﻭﻫﺴﻪ ﻋﻠﻴﻪ ﺍﻟﻌﺸﻪ ﺑﺲ ﺑﺼﻮﺕ ﻧﺎﺻﻲﺍﻟﺤﺠﻴﻪ : ﻫﺎﺍ ﻫﻨﻴﻮﻩ ﺷﻜﻠﺘﻲ ﻣﺎﺳﻤﻌﺘﺞ
ﻫﻨﺎﺀ ﺑﻀﺤﻜﻪ : ﻻ ﺣﺠﻴﻪ ﻛﻠﺖ ﺗﺪﻟﻠﻴﻦ ﻫﺴﻪ ﻛﺎﻳﻤﻪ ﻭﻫﻲ ﺗﻌﻮﺝ ﺑﺤﻠﻜﻬﺎ ﻣﺎﻋﺎﺟﺒﻬﺎ
ﺍﻟﺤﺠﻴﻪ : ﻋﺒﺎﻟﻲ .. ﻳﺎﻟﻠﻪ ﻭﻛﺎﻣﺖ
ﻟﺤﻜﺘﻬﺎ ﻏﺰﻝ ﺑﺎﻭﻋﺘﻠﻬﺎ ﺍﻟﺤﺠﻴﻪ ﻳﻤﻪ ﺿﻠﻲ ﻫﻨﺎ ﻻﺗﺴﺘﺤﻴﻦ ﻫﺴﻪ ﺍﺻﻠﻲ ﻭﺍﺟﻲ ﻻﺗﺘﻘﻴﺪﻳﻦ ﺑﻴﻪ
ﻏﺰﻝ : ﺑﺨﺠﻞ ﻻ ﻣﺎﻣﺎ ﺑﺲ ﺍﺭﻳﺪ ﺍﺻﻠﻲ
ﺍﻟﺤﺠﻴﻪ : ﻫﺰﺕ ﺭﺍﺳﻬﺎ ﺍﻟﻠﻪ ﻳﻜﻤﻠﺞ ﺑﻌﻘﻠﺞ ﻳﺎﻳﻤﻪ ﻭﻳﺤﻔﻈﺞ ﺗﻌﺎﻱ ﻟﻌﺪ
ﻫﻨﺎﺀ ﻫﺰﺕ ﺃﻳﺪﻫﺎ ﻣﻦ ﻏﺰﻝ ﻛﺎﻟﺖ ﻣﺎﻣﺎ ﻟﻠﺤﺠﻴﻪ : ﻣﻨﻴﻠﻬﺎ ﺍﻣﺞ ﺍﺳﺘﻐﻔﺮ ﺍﻟﻠﻪ ﺑﺲ ﺑﺼﻮﺕ ﻧﺎﺻﻲ
ﺗﻬﻲ ﺑﻬﻲ ﻭﺍﺗﻮﺟﻬﺖ ﻟﻠﻤﻄﺒﺦ
.
.
.
.
ﻣﺮﺕ ﻛﻢ ﻳﻮﻡ ﻫﺎﺩﺋﻴﻦ
ﻭﻏﺰﻝ ﺗﻘﺮﻳﺒﺎ ﺗﻌﻮﺩﺕ ﻋﻠﻴﻬﻢ ﻭﺭﺟﻌﺖ ﺩﺍﻭﻣﺖ ﺑﺲ ﺑﻤﺪﺭﺳﻪ ﺯﻳﻨﺐ ﺳﺮﻣﺪ ﻧﻘﻠﻬﺎ ﻃﺒﻌﺎ ﻫﻲ ﺍﻧﻔﺼﻠﺖ ﻻﻥ ﺿﻠﺖ ﻓﻮﻙ ﺍﻟﺸﻬﺮ ﻣﺎﻣﺪﺍﻭﻣﻪ ﺑﺲ ﺳﺮﻣﺪ ﻋﻨﺪﻩ ﻭﺍﺳﻄﺎﺕ ﺑﺎﻟﺘﺮﺑﻴﻪ ﻭﺭﺟﻌﻬﺎ
ﻟﻠﻤﺪﺭﺳﻪ ﻭﻫﻲ ﺑﻮﻗﺘﻬﺎ ﻃﺎﺭﺕ ﻣﻦ ﺍﻟﻔﺮﺡ ﺣﺘﻰ ﺳﺮﻣﺪ ﻓﺮﺡ ﻣﻦ ﺷﺎﻑ ﺿﺤﻜﺘﻬﺎ ﻭﻭﺻﻰ ﺃﻣﻪ ﺗﺄﺧﺬﻫﺎ ﺗﺠﻴﺒﻠﻬﻪ ﻣﻼﺑﺲ ﻟﻠﻤﺪﺭﺳﻪ ﻭﻃﺒﻌﺎ ﺍﻱ ﺍﺣﺪ ﻳﺴﺄﻝ ﻣﻨﻮ ﻫﺎﻱ ﺍﻟﺒﻨﻴﻪ ﻭﺷﺘﻘﺮﺑﻠﻜﻢ ﺍﻟﺤﺠﻴﻪ ﺗﺠﺎﻭﺏ ﻛﺮﺍﻳﺒﻨﻪ ﻣﻦ ﺑﻌﻴﺪ ﻭﻳﺘﻴﻤﻪ ﻭﺟﺒﻨﺎﻫﻪ ﻳﻤﻨﻪ ﻭﻣﺸﺖ ﻫﺎﻱ ﺍﻟﺴﺎﻟﻔﻪ ﻋﺪ ﺍﻟﻜﻞ
ﺳﺮﻣﺪ ﻗﺮﺭ ﻣﺎﻳﺘﺰﻭﺟﻬﺎ ﻻﻥ ﺷﺎﻑ ﺍﻟﻮﺿﻊ ﻋﺎﺩﻱ ﻭﻣﺎﺷﻲ ﻫﻮ ﻣﺎﻳﺤﺘﻚ ﺑﻴﻬﺎ ﺑﺲ ﻋﻠﻰ ﻛﺪ ﺍﻟﺴﻼﻡ ﻭﺍﺫﺍ ﻣﺤﺘﺎﺟﻪ ﺷﻲ ﺑﺲ ﻫﻮ ﻛﻠﺶ ﺍﻧﻌﺠﺐ ﺑﻬﺪﻭﺋﻬﺎ ﻭﻧﺰﺍﻛﺘﻬﺎ ﻭﺷﻐﻠﻬﺎ ﺑﺤﻴﺚ ﻧﻔﺴﻬﻪ ﻛﻠﺶ ﻃﻴﺒﻪ ﺑﺎﻻﻛﻞ ﻭﻣﻦ ﺗﺴﻮﻱ ﺍﻛﻞ ﻳﻌﺮﻑ ﻃﺒﺨﻬﺎ ﻻﻥ ﻳﺨﺘﻠﻒ ﻋﻦ ﺍﻟﺒﻘﻴﻪ ﺑﻴﻪ ﻧﻜﻬﻪ ﺧﺎﺻﻪ ﻭﺟﻬﺎﻝ ﻛﻠﺶ ﺣﺒﻮﻫﺎ ﻭﻳﻠﻌﺒﻮﻥ ﺳﻮﻳﻪ ﻭﺩﺍﺋﻤﺎ ﻗﺘﻴﺒﻪ ﻭﻣﺮﻳﻢ ﻣﻦ ﻳﺮﺟﻊ ﻣﻦ ﺍﻟﺸﻐﻞ ﻳﻀﻠﻮﻥ ﻳﺴﻮﻟﻔﻮﻥ ﺑﻴﻬﺎ ﻭﺷﺴﻮﻭﺍ ﻭﺷﻠﻌﺒﻮﺍ ﻭﺷﻄﺒﺨﺘﻠﻬﻢ ﺑﺤﻴﺚ ﺗﻌﻮﺩﺍ ﻋﻠﻴﻬﺎ ﻭﻫﻮ ﻛﻠﺶ ﺍﺭﺗﺎﺡ ﺑﻬﺎﻟﺸﻲ
ﺑﺲ ﻣﺎﻛﻮ ﺷﻲ ﻳﺪﻭﻡ
ﻭﺭﻩ ﻓﺘﺮﻩ ﺷﻬﺮ ﻫﻨﺎﺀ ﻛﺎﻡ ﺗﺒﺴﻤﺮ ﻭﺗﺤﺠﻲ ﻋﻠﻰ ﺷﻮﻥ ﻛﺎﻋﺪﻩ ﻭﻳﻪ ﻭﺍﺣﺪ ﻋﺰﺍﺑﻲ ﻭﻻﺯﻡ ﺗﺰﻭﺟﻬﺎ ﻭﻧﺨﻠﺺ ﻣﻨﻬﺎ ﻭﻋﻠﻰ ﺍﻧﻪ ﺍﻟﻨﺎﺱ ﻛﺎﻣﺖ ﺗﺤﺠﻲ ﺷﻮﻥ ﻋﺎﻳﺸﻪ ﻭﻳﺎﻧﻪ ﻭﻫﻲ ﺣﻠﻮﻩ ﻭﺗﺠﺬﺏ ﺍﻟﻨﻈﺮ
ﻫﻨﺎ ﺳﺮﻣﺪ ﺗﺨﺒﻞ ﺷﻮﻥ ﻳﺰﻭﺟﻬﺎ ﻭﻳﺄﻣﻦ ﻋﻠﻴﻬﺎ ﺗﺮﻭﺡ ﺗﺘﺄﺫﻩ ﻭﻫﻲ ﺻﻐﻴﺮﻩ ﻓﻤﺎﻛﻮ ﻏﻴﺮ ﺣﻞ ﻏﻴﺮ ﻳﺰﻭﺟﻬﺎ ﻭﻳﺴﻜﺖ ﺍﻟﻌﺎﻟﻢ
ﻓﺒﻴﻮﻡ ﻛﺎﻋﺪﻳﻦ ﻫﻮ ﻭﺃﻣﻪ ﻭﺣﺠﻰ ﻭﻳﺎﻫﻪ ﻋﺎﻟﻤﻮﺿﻮﻉ ﻭﻫﻲ ﻭﺍﻓﻘﺘﻪ ﻻﻥ ﻫﻲ ﻫﻢ ﻳﻮﺻﻠﻠﻬﺎ ﻛﻼﻡ ﺑﺲ ﻣﺎﺗﻮﺻﻠﻪ ﻟﺴﺮﻣﺪ ﻣﺎﺗﺮﻳﺪ ﺗﻀﻮﺟﻪ
ﺍﻟﺤﺠﻴﻪ ﺻﺎﺣﺖ ﻏﺰﻝ ﻭﺳﺮﻣﺪ ﻭﻛﻌﺪﻭﺍ ﺑﺎﻟﺼﺎﻟﻪ
ﻏﺰﻝ : ﻣﺴﺘﻐﺮﺑﻪ ﺷﻴﺮﻳﺪﻭﻥ ﻣﻨﻬﺎ ﻭﺷﻨﻮ ﺍﻟﻤﻮﺿﻮﻉ 🤔
ﺍﻟﺤﺠﻴﻪ : ﻳﻤﻪ ﻏﺰﻭﻟﻪ ﺍﺑﻮ ﻗﺘﻴﺒﻪ ﻭﺍﻧﻲ ﻋﺪﻧﻪ ﻣﻮﺿﻮﻉ ﻭﻳﺎﺝ ﻭﺍﺗﻤﻨﻰ ﺗﻔﻬﻤﻴﻦ ﺍﻟﻮﺿﻊ ﻭﺍﺭﻳﺪﺝ ﺗﺴﻤﻌﻴﻦ ﻟﻼﺧﻴﺮ ﻳﻠﻪ ﺗﺠﺎﻭﺑﻴﻦ
ﻏﺰﻝ ﺑﺘﻮﺗﺮ ﻷﻥ ﻧﻀﺮﺍﺕ ﺳﺮﻣﺪ ﻋﻠﻴﻬﺎ ﻛﺄﻥ ﺩﻳﻘﺮﺍﻫﺎ ﻭﻫﻲ ﻣﻨﺰﻟﻪ ﻋﻴﻮﻧﻬﺎ ﻫﺰﺕ ﺭﺍﺳﻬﺎ
ﺳﺮﻣﺪ ﺑﺪﺃ : ﺣﺠﺎﻟﻬﻪ ﻛﻠﺸﻲ ﻣﻦ ﻭﺻﻴﻪ ﺍﺑﻮﻫﺎ ﻟﻌﻤﻠﻪ ﺍﺣﻤﺪ ﺑﻴﻬﺎ ﻟﺤﺠﻲ ﺍﻟﻨﺎﺱ ﻭﺑﺎﻻﺧﻴﺮ ﻛﺎﻝ ﻻﺯﻡ ﺍﻋﻘﺪ ﻋﻠﻴﺞ ﻭﻧﺰﻭﺝ
ﻫﻨﺎ ﻏﺰﻝ ﺍﻧﺼﺪﻣﺖ ﻭﺗﺸﺨﻄﺖ ﻋﻴﻮﻧﻬﺎ ﻋﻠﻰ ﺳﺮﻣﺪ ﺯﻭﺍﺝ ﺷﻨﻮ ﻫﻲ ﻣﺎﻋﻮﻟﺖ ﺧﻠﺼﺖ ﻣﻦ ﻋﺠﻮﺯ ﺍﻟﻨﺎﺭ ﻭﻛﺮﻫﺖ ﺷﻲ ﺍﺳﻤﻪ ﺯﻭﺍﺝ ﺑﺴﺒﺒﻪ ﻫﻮ ﻣﺠﺮﺩ ﺫﻛﺮ ﺍﻟﺰﻭﺍﺝ ﻫﻲ ﺍﻧﻬﺎﺭﺕ ﺑﺎﻟﺼﻴﺎﺡ ﻭﺳﺮﻣﺪ ﺗﻔﺎﺟﺎﻩ ﻣﻦ ﺭﺩﻩ ﻓﻌﻠﻬﺎ

البارت 8

ﻏﺰﻝ : ﺑﺒﻜﺎﺀ ﻭﺭﺟﻔﻪ ﻻ ﺷﻨﻮﻭ ﺍﺯﻭﺝ ﻋﻤﻮﻭ ﻣﺎﺭﻳﺪ ﺍﺯﻭﺝ ﺍﻟﻠﻪ ﻳﺨﻠﻴﻚ ﻭﺩﻳﻨﻲ ﻭﻳﻦ ﻣﺎﺗﺮﻳﺪ ﺑﺲ ﻣﺎﺯﻭﺝ ﻓﺪﻭﻫﻪ ﻣﺎﻣﺎ ﺍﻟﻠﻪ ﻳﺨﻠﻴﺞ ﺣﺎﺟﻴﻪ ﻣﺎﺭﻳﺪ
ﺍﻟﺤﺠﻴﻪ ﺗﺤﺎﻭﻝ ﺗﻬﺪﺋﺘﻬﺎ : ﺑﻨﻴﺘﻲ ﻋﻠﻰ ﻛﻴﻔﺞ ﻣﺎﻣﺎ ﺍﻫﺪﻱ ﺣﺒﻴﺒﺘﻲ ﻫﺬﺍ ﺍﻟﺸﻲ ﺍﻟﻤﺼﻠﺤﺘﺞ ﻭﺍﻛﻴﺪ ﺍﺣﻨﻪ ﻣﺎﻧﺠﺒﺮﺝ ﺑﺲ ﺑﺎﻻﺧﻴﺮ ﺍﻧﺘﻲ ﺗﺰﻭﺟﻴﻦ ﻭﺗﺸﻮﻓﻴﻦ ﺣﻴﺎﺗﺞ ﻭﺍﻧﻲ ﺍﺭﻳﺪﺝ ﻳﻤﻲ ﺩﻭﻭﻡ ﻭﺍﻟﻠﻪ ﻳﺸﻬﺪ ﺣﺒﻴﺘﺞ ﺃﻛﺜﺮ ﻣﻦ ﺑﻨﺎﺗﻲ ﻭﺳﺮﻣﺪ ﺧﻮﺵ ﺳﺮﻣﺪ ﻣﻮ ﻻﻥ ﺍﺑﻨﻲ ﻻ ﻭﺍﻟﻠﻪ ﺑﺲ ﻫﻮ ﻳﺼﻮﻧﺞ ﻭﻳﺤﺎﻓﻆ ﻋﻠﻴﺞ
ﺯﻳﻦ ﺍﻧﻲ ﻋﻨﺪﻱ ﺍﻗﺘﺮﺍﺡ ﺗﻌﻘﺪﻭﻥ ﻋﻘﺪ ﺳﻴﺪ ﺣﺘﻰ ﺗﺴﻜﺖ ﺣﻠﻮﻙ ﺍﻟﻨﺎﺱ ﻭﺍﻧﺘﻲ ﻳﻤﺘﻪ ﻣﺎﺗﺸﻮﻓﻴﻦ ﻧﻔﺴﺞ ﺟﺎﻫﺰﻩ ﺗﻜﻤﻠﻮﻥ ﺯﻭﺍﺟﻜﻢ ﻭﺍﺫﺍ ﻻ ﻭﺍﻟﻠﻪ ﻣﺎﺗﻮﺍﻟﻤﺘﻮﺍ ﺫﺍﻙ ﺍﻟﻮﻛﺖ ﺍﻧﻲ ﺑﻴﺪﻱ ﺍﻃﻠﻜﺞ ﻭﺍﺯﻭﺟﺞ ﺍﻟﺘﺮﻳﺪﻳﻪ ﺑﺲ ﺍﻧﻲ ﻣﺘﺄﻛﺪﻩ ﺗﻜﻤﻠﻮﻥ ﺳﻮﻩ ﻫﺎﺍ ﺑﻨﻴﺘﻲ ﺷﻜﻠﺘﻲ
ﻃﺒﻌﺎ ﻏﺰﻝ ﺗﺴﻤﻊ ﻭﺗﻬﺰ ﺑﺮﺍﺳﻬﺎ ﺑﻼ ﻭﺗﺸﻬﻚ ﻭﺗﻤﺴﺢ ﺑﺪﻣﻮﻋﻬﺎ
ﻭﺳﺮﻣﺪ ﻳﺒﺎﻭﻋﻠﻬﺎ ﻣﺘﻔﺎﺟﺄﻩ ﻣﻦ ﺭﺩﻩ ﻓﻌﻠﻬﺎ ﻭﺿﺎﺝ ﻣﻨﻬﺎ ﺑﺲ ﻛﺎﻝ ﺑﻨﻔﺴﻪ ﺍﻧﻲ ﺍﻋﻠﻤﺞ ﻳﺎﻏﺰﻝ ﻟﻮ ﻣﺎﺍﺧﻠﻴﺞ ﺗﺮﻛﻀﻴﻦ ﻭﺭﺍﻱ ﻣﺎﻛﻮﻥ ﺳﺮﻣﺪ ﻫﻮ ﻭﻳﻬﺰ ﺑﺮﺟﻠﻪ ﻛﺄﻥ ﺑﺮﻓﻀﻬﺎ ﻣﺴﺖ ﻛﺮﺍﻣﺘﻪ ﻭﺭﺟﻮﻟﺘﻪ
ﻏﺰﻝ : ﻋﻔﻴﻪ ﺧﻠﻮﻧﻲ ﺍﻓﻜﺮ ﻭﺍﻟﻠﻪ ﻣﺎﻛﺪﺭ ﺃﻗﺮﺭ ﻫﺴﻪ
ﺍﻟﺤﺠﻴﻪ ﺑﺘﺄﻳﻴﺪ : ﺍﻛﻴﺪ ﻣﺎﻣﺎ ﺃﺧﺬﻱ ﺍﻟﻮﻗﺖ ﺍﻟﺘﺮﺩﻳﻪ ﻭﺍﻧﻲ ﻭﻳﺎﺝ ﺑﻘﺮﺍﺭﺝ ﺣﺒﻴﺒﺘﻲ
ﻏﺰﻝ : ﻧﻬﻀﺖ ﺑﺴﺮﻋﻪ ﻭﻃﻠﻌﺖ ﻣﻦ ﺍﻻﺳﺘﻘﺒﺎﻝ ﻭﺭﻛﻀﺖ ﻟﻐﺮﻓﺘﻬﺎ ﻓﻮﻙ ﻭﺭﻩ ﻣﺎﺳﺮﻣﺪ ﺟﻬﺰﻫﺎ ﺑﻜﻠﺸﻲ ﻭﺗﺼﻴﺮ ﻣﻘﺎﺑﻴﻞ ﻏﺮﻓﻪ ﺳﺮﻣﺪ ﺑﺲ ﻫﻲ ﺩﺍﺋﻤﺎ ﻛﺎﻋﺪﻩ ﻳﻢ ﺍﻟﺤﺠﻴﻪ ﻣﺎﺗﺤﺐ ﺗﻜﻌﺪ ﻭﺣﺪﻫﺎ
ﻗﻔﻠﺖ ﺍﻟﺒﺎﺏ ﻋﻠﻴﻬﺎ ﻭﺑﺪﺕ ﺗﺒﺠﻲ ﺑﻘﻮﻩ ﻭﺗﻌﺎﺗﺐ ﺍﺑﻮﻫﺎ ﻟﻴﺶ ﺗﺮﻛﻬﺎ ﻭﺭﺍﺡ ﻭﺷﻮﻥ ﺗﻘﺒﻞ ﺗﺰﻭﺝ ﻫﻲ ﺭﺍﻓﻀﻪ ﺍﻟﻤﻮﺿﻮﻉ ﻣﻦ ﺃﺻﻠﻪ ﺑﺲ ﻣﺎﻋﺪﻫﺎ ﻣﻜﺎﻥ ﺗﺮﻭﺣﻠﻪ ﻣﻀﻄﺮﻩ ﺗﻮﺍﻓﻖ
ﻭﺷﻮﻥ ﺗﺰﻭﺟﻪ ﻭﻫﻲ ﺗﻌﺘﺒﺮﻩ ﻣﺜﻞ ﻋﻤﻬﺎ ﻭﺍﺑﻮﻫﺎ ﻟﻮ ﻭﺍﺣﺪ ﺛﺎﻧﻲ ﻋﺎﺩﻱ ﺗﺘﻘﺒﻞ ﺍﻟﻤﻮﺿﻮﻉ ﺍﻭﻭﻑ ﺭﺑﻲ ﺳﺎﻋﺪﻧﻲ ﻭﻏﻔﺖ ﺑﻤﻜﺎﻧﻬﺎ ﻣﻦ ﺍﻟﺒﺠﻲ
ﺃﻣﺎ ﺳﺮﻣﺪ ﺿﻞ ﻛﺎﻋﺪ ﻭﻣﺨﻨﺰﺭ ﻭﺭﻓﻀﻬﺎ ﻣﺴﻪ ﻫﻮ ﻳﺪﺭﻱ ﺻﻌﺒﻪ ﻋﻠﻴﻬﺎ ﺑﺲ ﻛﻠﺶ ﺃﺗﺄﺛﺮ ﺑﺮﻓﻀﻬﺎ ﻫﻮ ﺍﻟﻨﺴﻮﺍﻥ ﺗﺘﻤﻨﻰ ﻧﻀﺮﻩ ﻣﻨﻪ ﻫﺎﻱ ﺍﻟﻄﻔﻠﻪ ﺗﺮﻓﻀﻪ . ﻫﻪ ﻃﻔﻠﻪ
ﺍﻟﺤﺠﻴﻪ : ﻳﻤﻪ ﺳﺮﻣﺪ ﻋﻠﻰ ﻛﻴﻔﻚ ﻭﻳﺎﻫﺎ ﺻﻌﺒﻪ ﻋﻠﻴﻬﺎ ﻭﺍﻛﻴﺪ ﺑﺎﻻﺧﻴﺮ ﺗﺘﻘﺒﻠﻚ
ﺳﺮﻣﺪ : ﻻ ﺣﺠﻴﻪ ﻋﺎﺩﻱ ﺍﺩﺭﻱ ﺑﻴﻬﺎ ﺻﻐﻴﺮﻩ ﺑﺲ ﺍﻧﻲ ﻋﻠﻤﻮﺩ ﻣﺼﻠﺤﺘﻬﺎ ﺍﻟﻨﺎﺱ ﺑﺪﺕ ﺗﺤﺠﻲ ﻭﺍﻟﺤﺠﻲ ﻳﻤﺴﻨﻲ ﻣﺒﺎﺷﺮﻩ
ﻭﺍﻧﻲ ﻣﺎﻗﺒﻞ ﺑﻬﺎﻟﺸﻲ ﺍﺫﺍ ﺭﻓﻀﺖ ﺍﻟﺰﻭﺍﺝ
ﻣﻀﻄﺮ ﺍﺯﻭﺟﻬﺎ ﺍﻭﻝ ﻭﺍﺣﺪ ﻳﺤﺠﻲ ﺑﻴﻬﺎ ﺍﻭ ﺍﻭﺩﻳﻬﺎ ﺍﻱ ﻣﻜﺎﻥ ﺛﺎﻧﻲ . ﻃﺒﻌﺎ ﻫﺎﻟﺤﺠﻲ ﻛﺪﺍﻡ ﺃﻣﻪ ﺑﺲ ﺑﺪﺍﺧﻠﻪ ﻳﺘﻮﻋﺪﻟﻬﺎ ﻋﻠﻰ ﺭﻓﻀﻬﺎ