الضابط والصغيرونه

بارت3_4

#الضابط_والصغيرونه

البارتات3____4

ﻧﺮﺟﻊ ﻟﻠﺤﺎﺿﺮ :
.
.
.
ﻏﺰﻝ ﺧﺎﺋﻔﻪ ﺧﺎﻑ ﺍﺧﻮﻫﺎ ﻳﺴﻮﻱ ﺍﻟﻠﻲ ﺍﺑﺎﻟﻪ ﻭﻳﺰﻭﺟﻬﺎ ﻋﺠﻮﺯ ﺍﻟﻨﺎﺭ ﺍﻻﺣﻮﻝ 😐 ﻏﻴﺮ ﺗﺘﺨﺒﻞ ﺍﺫﺍ ﺗﺰﻭﺟﺘﻪ ﺍﺻﻼ ﻣﺠﺮﺩ ﺍﻟﺘﻔﻜﻴﺮ ﺑﺎﻟﻤﻮﺿﻮﻉ ﺗﺘﻘﺰﺯ
ﺍﺣﻤﺪ ﺍﺟﻪ ﻟﻠﺒﻴﺖ ﺍﻟﺴﺎﻋﻪ 12 ﺑﺎﻟﻠﻴﻞ ﻭﻫﻮ ﺷﺎﺭﺏ ﻣﻦ ﻣﺎﺕ ﺃﺑﻮﻩ ﻭﻫﻮ ﻳﻜﺜﺮ ﺑﺎﻟﺸﺮﺏ ﺟﺎﻥ ﺻﺢ ﻳﺸﺮﺏ ﺑﺲ ﻣﺎﻳﻜﺜﺮ ﺣﺘﻰ ﺃﺑﻮﻩ ﻣﺎﻳﻄﺮﺩﻩ ﻣﻦ ﺍﻟﺒﻴﺖ ﺑﺲ ﻫﺴﻪ ﻣﻨﻮ ﻳﻜﺪﺭ ﻳﻤﻨﻌﻪ
ﺣﺎﻭﻝ ﻳﻔﺘﺢ ﺍﻟﺒﺎﺏ ﻣﺎﻛﺪﺭ ﻋﺮﻑ ﻏﺰﻝ ﻗﺎﻓﻠﺘﻪ ﺩﻙ ﺍﻟﺒﺎﺏ ﺑﻘﻮﻩ ﻭﺻﺎﺡ ﻭﻟﺠﺠﺞ ﻏﺰﺯﺯﻝ ﺻﺨﺎﻡ ﻓﺘﺤﻲ ﺍﻟﺒﺎﺍﺍﺏ
ﻫﻴﻪ ﻓﺰﺕ ﻭﻋﺮﻓﺘﻪ ﺍﺟﻪ ﺭﺍﺣﺖ ﺗﺮﻛﺾ ﺑﺨﻮﻑ ﻓﺘﺤﺖ ﺍﻟﺒﺎﺏ
_ ﻟﻴﺶ ﻗﺎﻓﻠﻪ ﺍﻟﺒﺎﺏ ﻭﻟﺞ ﻫﺎﺍﺍ ﻭﺿﺮﺑﻪ ﻋﻠﻰ ﺭﺃﺳﻬﺎ
_ ﻟﺰﻣﺖ ﻣﻜﺎﻥ ﺍﻟﻀﺮﺑﻪ ﻭﻫﻲ ﺗﻔﺮﻛﻪ ﺑﻴﺪﻫﺎ
_ ﺍﻱ ﻣﻮ ﺍﺧﺎﻑ ﻭﺣﺪﻱ
_ ﺗﺨﺎﻑ ﺗﻬﻲ ﺑﻬﻲ ﺷﻮ ﻭﻟﻲ ﻣﻦ ﻭﺟﻬﻲ ﻻ ﻳﺠﻴﺞ ﻃﺮﺍﻙ ﺛﺎﻧﻲ
ﺩﻓﻌﻬﺎ ﻭﻓﺎﺕ ﺍﻱ ﺭﺩﺕ ﻗﻔﻠﺖ ﺍﻟﺒﺎﺏ
_ ﺻﺎﺡ ﻭﻫﻮ ﻳﻤﺸﻲ ﺍﻛﻮ ﺳﻢ ﺍﺗﺴﻤﻢ
ﻛﺎﻟﺖ ﺑﻬﻤﺲ ﻻ ﻣﺎﻛﻮ ﺳﻢ
ﻫﻮ ﺑﺎﻭﻋﻠﻬﺎ ﻭﻟﺞ ﺷﻜﻠﺘﻲ
_ ﻫﺎ ﺍﺀﺀ ﻛﻠﺖ ﻣﺎﻛﻮ ﺍﻛﻞ ﻫﻮ ﺍﻧﺖ ﻭﻳﻦ ﻣﺘﺴﻮﻙ . ﺻﺎﺭﻟﻚ ﺍﺳﺒﻮﻉ ﻣﻦ ﺗﺴﻮﻛﺖ . ﻭﻧﺰﻟﺖ ﺭﺍﺳﻬﺎ ﺑﻘﻬﺮ
ﻛﺎﻡ ﻳﺼﻴﺢ ﻭﻳﺸﻤﻞ ﺑﺎﻳﺪﻳﻪ ﺍﻱ ﻃﺒﻌﺎ ﺣﺎﻃﻠﻲ ﺛﻮﺭ ﺑﺎﻟﺒﻴﺖ ﻳﺎﻛﻞ ﺍﻻﺧﻀﺮ ﻭﺍﻟﻴﺎﺑﺲ ﻫﻮ ﺍﻧﺖ ﺗﺨﻠﻴﻦ ﺷﻲ ﻣﺎﺗﺎﻛﻠﻴﻪ ﺍﻟﻪ ﺍﺯﻭﺟﺞ ﻭﺍﺧﻠﺺ ﻣﻨﺞ
ﻏﺰﻝ ﺑﺤﻘﺪ ﻭﻳﻦ ﻣﺎﻛﻠﻪ ﻫﻮ ﺟﺒﺖ ﻛﻴﻠﻮﻳﺒﻦ ﺑﺘﻴﺘﻪ ﻭﺧﻴﺎﺭ ﻭﻃﻤﺎﻃﻪ ﻭﺧﺒﺰ ﻃﺒﻌﺎ ﻣﺎﻳﻀﻞ ﺍﺳﺒﻮﻉ ﺷﻨﻮ ﺗﺮﻳﺪﻧﻲ ﺍﻣﻮﺕ ﻣﻦ ﺍﻟﺠﻮﻉ
_ ﻋﺴﺎﺝ ﺑﺎﻟﻤﻮﺕ ﺷﻮ ﻭﻟﻲ ﻣﻦ ﻳﻤﻲ
ﺩﺧﻞ ﺑﻐﺮﻓﺘﻪ ﻭﻃﺒﻚ ﺍﻟﺒﺎﺏ ﺑﻘﻮﻩ
ﻫﻲ ﻧﺰﺕ ﻣﻦ ﺍﻟﺼﻮﺕ ﻭﻧﺰﻟﺖ ﺩﻣﻌﺘﻪ ﻭﺗﺬﻛﺮﺕ ﺍﺑﻮﻫﺎ ﺷﻮﻥ ﺟﺎﻥ ﻣﺪﻟﻠﻬﺎ ﻭﻛﻠﺸﻲ ﺍﻃﻠﺒﻪ ﻳﺠﻴﺒﻠﻬﺎ ﻭﻣﺎﻳﺨﻠﻲ ﺷﻲ ﺑﻨﻔﺴﻬﺎ
ﺍﻭﻑ ﻳﺄﺑﻪ ﻟﻮ ﻣﺎﺧﺬﻧﻲ ﻭﻳﺎﻙ ﺍﻟﻤﻦ ﻋﻔﺘﻨﻲ ﺑﻌﺪﻳﻦ ﺍﺳﺘﻐﻔﺮﺕ ﺭﺑﻬﺎ ﻭﺩﺧﻠﺖ ﻟﻐﺮﻓﺘﻬﺎ ﻭﺷﺎﻓﺖ ﻛﺘﺒﻬﺎ ﺗﺬﻛﺮﺕ ﻣﺪﺭﺳﺘﻬﺎ ﺻﺎﺭﻟﻬﺎ ﺃﻛﺜﺮ ﻣﻦ ﺷﻬﺮ ﻣﺎﻣﺪﺍﻭﻣﻪ ﺟﺎﻧﺖ ﻋﺎﻻﻗﻞ ﺗﻄﻠﻊ ﻟﻠﻤﺪﺭﺳﻪ ﻫﺴﻪ ﻣﺤﺒﻮﺳﻪ ﺑﺎﻟﺒﻴﺖ ﺍﻟﻨﻬﺎﺭ ﻛﻠﻪ ﻭﺗﺨﺎﻑ ﺗﻄﻠﻊ
.
.
.
.
.
ﺛﺎﻧﻲ ﻳﻮﻡ
ﺍﻭﻝ ﻣﺎﻃﻠﻊ ﺍﺣﻤﺪ ﻣﻦ ﺍﻟﺒﺎﺏ ﻟﻜﻪ ﺍﺑﻮ ﺣﺴﻦ ﺑﻮﺟﻪ ﻫﻮ ﻓﺰ ﻭﺭﺟﻊ ﻟﻴﻮﺭﻩ ﻭﻛﺎﻝ ﺍﻋﻮﺫ ﺑﺎﻟﻠﻪ ﻣﻦ ﺍﻟﺸﻴﻄﺎﻥ ﺍﻟﺮﺟﻴﻢ
_ ﺷﺒﻴﻚ ﺷﻔﺖ ﺟﻨﻲ
ﺍﺣﻤﺪ ﺑﻬﻤﺲ ﻣﺴﻤﻮﻉ _ ﻻ ﻭﺍﻟﻠﻪ ﻣﻮ ﺟﻨﻲ ﺷﻴﻄﺎﻥ
ﺍﺑﻮ ﺣﺴﻦ ﻭﻫﻮ ﻳﻘﺮﺏ ﻭﺟﻪ ﻻﺣﻤﺪ ﺑﻄﺮﻳﻘﻪ ﻣﻘﺰﺯﻩ ﻫﻮ ﻭﻋﻜﺎﻟﻪ ﻭﺩﺷﺪﺍﺷﺘﻪ ﺍﻟﻮﺻﺨﻪ
_ ﻫﺎﺍ ﻫﺎﺍ ﻣﺎﺳﻤﻌﻚ ﺷﻜﻠﺖ
ﺍﺣﻤﺪ ﻛﺎﻟﻪ ﻻ ﺳﻼﻣﺘﻚ ﻣﺎﻛﻮ ﺷﻲ ﺧﻴﺮ ﺭﺍﻳﺪ ﺷﻲ
_ ﺍﻱ ﻋﻠﻤﻮﺩ ﺍﻟﻤﺤﺮﻭﺳﻪ ﻳﻤﺘﻪ ﻧﺠﻲ ﻧﻘﺮﻩ ﻓﺎﺗﺤﺘﻨﻪ ﺃﻥ ﺷﺎﺀ ﺍﻟﻠﻪ . ﻻﺩﻛﻮﻝ ﻏﻴﺮﺕ ﺭﺃﻳﻚ ﺍﻧﺖ ﻭﻋﺪﺗﻨﻲ ﻭﺍﻧﻲ ﻫﺴﻪ ﺟﺎﻱ ﺍﺟﻤﻊ ﺑﻔﻠﻮﺱ ﺍﻟﻤﻬﺮ ﺍﻟﻄﻠﺒﺘﻬﻦ ﻣﻨﻲ ﺍﻧﻄﻴﻚ ﻳﺎﻫﻦ ﻛﻠﻬﻦ ﺑﺲ ﻻﺗﻐﻴﺮ ﺭﺍﻳﻚ
_ ﺍﺣﻤﺪ ﻣﺴﺢ ﻋﻠﻰ ﻟﺤﻴﺘﻪ ﻭﻛﺎﻝ ﺍﻱ ﺟﻤﻊ ﺍﻟﻤﻬﺮ ﻛﺎﻣﻞ ﻭﺗﺪﻟﻞ ﻫﻼ ﺑﻴﻚ . ﻳﻼ ﺍﻧﻲ ﺭﺍﻳﺢ ﺑﺎﻱ
ﺍﺑﻮ ﺣﺴﻦ ﺣﻂ ﺃﻳﺪﻩ ﻭﺭﻩ ﺿﻬﺮﻩ ﺍﻟﻤﺤﻨﻲ ﻭﻛﺎﻟﻪ ﺍﻱ ﺧﻮﺵ
ﺑﻌﺪ ﻣﺮﻭﺭ ﻛﻢ ﻳﻮﻡ ﻛﺎﻥ ﻳﻮﻡ ﺟﻤﻌﻪ
ﺳﺮﻣﺪ : ﻧﻬﺾ ﻣﻦ ﺍﻟﻔﺮﺍﺵ ﺑﺘﻤﻠﻞ ﻭﺳﺒﺢ ﻭﻧﺰﻝ ﺃﺗﻮﺟﻪ ﻟﻠﻤﻄﺒﺦ ﻻﻥ ﻳﺪﺭﻱ ﺍﻣﻪ ﻫﻴﺞ ﻭﻛﺖ ﺑﺎﻟﻤﻄﺒﺦ
ﺻﺒﺢ ﻋﻠﻴﻬﺎ .. ﺻﺒﺎﺡ ﺍﻟﺨﻴﺮ ﻳﻤﻪ ﺷﺎﻑ ﻗﺘﻴﺒﻪ ﻛﺎﻋﺪ ﻋﻠﻰ ﺍﻟﻜﺮﺳﻲ ﻭﻛﺪﺍﻣﻪ ﺍﻟﺮﻳﻮﻙ ﻭﺑﻴﺒﻴﺘﻪ ﻳﻤﻪ ﺷﺎﻟﻪ ﻭﺣﻄﻪ ﺑﺤﻀﻨﻪ ﻭﺑﺎﺳﻪ
ﺟﺎﻭﺑﺘﻪ ﺃﻣﻪ ﻳﺎﻣﺤﻼ ﻫﺎﻟﺼﺒﺎﺡ ﺻﺒﺎﺡ ﺍﻟﺨﻴﺮ ﻭﻟﻴﺪﻱ ﻟﻴﺶ ﻛﺎﻋﺪ ﻣﻦ ﻭﻛﺖ ﻭﺍﻟﻴﻮﻡ ﻋﻄﻠﺘﻚ ﺟﺎﻥ ﺿﻠﻴﺖ ﻧﺎﻳﻢ
_ ﻻ ﻳﻤﻪ ﻣﺘﻌﻮﺩ ﺍﻛﻌﺪ ﻣﻦ ﻭﻛﺖ
ﻭﺣﺎﺟﻪ ﺍﺑﻨﻪ
_ ﺷﻮﻧﻚ ﺑﺎﺑﺎﺗﻲ
_ ﺩﻳﻦ ﺑﺎﺑﻪ
_ ﺍﺑﺘﺴﻢ ﻭﺑﺎﺳﻪ ﻣﻦ ﺧﺪﻩ ﺣﻴﻞ ﻻﻥ ﺍﺑﻨﻪ ﻋﺎﻟﺮﻏﻢ ﻣﻦ ﻋﻤﺮﻩ ٥ ﺳﻨﻮﺍﺕ ﺑﺲ ﻟﺴﻪ ﻳﺮﺗﻞ ﺑﺎﻟﻜﻠﻤﺎﺕ ﻟﺴﺎﻧﻪ ﺛﻜﻴﻞ
ﺳﺄﻟﻪ ﻟﻌﺪ ﺍﺧﻮﺍﺗﻚ ﻭﻳﻦ
_ ﻣﻴﻢ ﻭﺩﻳﻨﺐ ﻧﺎﻳﻤﺎﺩ ‏( ﻣﺮﻳﻢ ﻭﺯﻳﻨﺐ ﻧﺎﻳﻤﺎﺕ ‏)
_ ﺍﻟﺤﺠﻴﻪ : ﺍﻱ ﺧﻄﻴﻪ ﺧﻠﻴﻬﻦ ﻧﺎﻳﻤﺎﺕ ﺍﻟﻴﻮﻡ ﺟﻤﻌﻪ ﻭﻣﺎﻋﺪﻫﻢ ﺩﻭﺍﻡ ﺧﻠﻴﻬﻦ ﻳﺮﺗﺎﺣﻦ
_ ﻫﺰ ﺭﺍﺳﻪ ﻭﺑﺪﻩ ﻳﺘﺮﻳﻚ
ﻭﺭﻩ ﺷﻮﻳﻪ ﺍﺟﺖ ﻣﺮﻩ ﺍﺧﻮﻩ ﺳﻌﺪ ﻭﻫﻴﻪ ﺗﺪﻟﻊ ﺑﻤﺸﻴﺘﻬﺎ ﻋﺒﺎﻟﻚ ﺛﻮﺭ ﻻﻥ ﺿﺨﻤﻪ ﻭﺍﺑﺪ ﻣﻼﻳﻜﻠﻬﻪ ﻭﺻﺒﺤﺖ ﻋﻠﻴﻬﻢ ﻭﻫﻴﻪ ﺗﻤﻂ ﺑﺎﻟﻜﻠﻤﻪ ﻣﻂ
_ ﺻﺒﺎﺡ ﺍﻟﺨﻴﺮ ﺷﻠﻮﻧﻚ ﻋﻴﻨﻴﻴﻲ ﺍﺑﻮ ﻗﺘﻴﺒﻪ
ﺳﺮﻣﺪ ﺑﺪﻭﻥ ﻣﺎﻳﺒﺎﻭﻉ ﻋﻠﻴﻬﺎ ﺯﻳﻦ ﺍﻟﺤﻤﺪ ﻟﻠﻪ ﻭﺳﻜﺖ
ﺑﻬﺎﻻﺛﻨﺎﺀ ﺍﺟﻪ ﺳﻌﺪ ﻭﻛﻌﺪ ﻣﻘﺎﺑﻴﻞ ﺳﺮﻣﺪ ﻋﺎﻟﻄﺎﻭﻟﻪ ﺑﻌﺪ ﻣﺎﺻﺒﺢ ﻋﻠﻴﻬﻢ
ﻭﺻﺎﺍﺍﺡ ﻫﻨﺎﺀ ﺳﻮﻳﻠﻲ ﺭﻳﻮﻙ ﺑﺴﺮﻋﻪ ﻋﻨﺪﻱ ﺷﻐﻠﻪ ﺍﺭﻳﺪ ﺍﻃﻠﻊ
_ ﻫﻨﺎﺀ ﺑﺪﻟﻊ ﻣﺎﺻﺦ ﺍﻱ ﺣﺒﻴﺒﻲ ﺩﻗﺎﻳﻖ ﺗﺪﻟﻞ ﺍﺑﻮ ﺑﻴﺘﻲ
ﺍﻟﺤﺠﻴﻪ ﺑﺲ ﺗﻬﺰ ﺑﻴﺪﻫﺎ ﻣﺎﻋﺎﺟﺒﻬﺎ ﺍﻟﻮﺿﻊ
ﻭﺭﻩ ﻣﺎﻛﻤﻠﻮﺍ ﺭﻳﻮﻙ ﻭﻛﻞ ﻭﺍﺣﺪ ﺭﺍﺡ ﻟﻤﻜﺎﻥ ﺑﻘﺖ ﺑﺲ ﺳﺮﻣﺪ ﻭﺃﻣﻪ ﺷﺎﻓﺖ ﺳﺮﻣﺪ ﺿﺎﻳﺞ ﺳﺄﻟﺘﻪ
_ ﺧﻴﺮﻙ ﻭﻟﻴﺪﻱ ﺍﺷﻮﻓﻨﻚ ﺿﺎﻳﺞ
ﺍﺗﻨﻬﺪ ﻭﻛﺎﻝ ﺗﺬﻛﺮﻳﻦ ﻣﻦ ﻛﺘﻠﺞ ﻋﻠﻰ ﺍﺑﻮ ﺍﺣﻤﺪ ﻭﻭﺻﻴﺘﻪ
ﺍﻱ ﻭﻟﻴﺪﻱ ﻛﺘﻠﻲ ﺑﺲ ﺷﻨﻮ ﺍﻟﻤﻀﻮﺟﻚ ﻟﻌﺪ
ﺍﻧﻲ ﻣﺎﻛﺘﻠﺞ ﻛﻞ ﻭﺻﻴﺘﻪ
ﺑﺎﻭﻋﺘﻠﻪ ﺑﻬﺘﻤﺎﻡ ﺗﺤﺜﻪ ﻳﻜﻤﻞ ﻛﻼﻣﻪ ﻛﻤﻞ ... ﻫﻮ ﻛﺎﻟﻲ ﺗﺰﻭﺝ ﺑﻨﺘﻲ ﻭﻻﺗﺨﻠﻴﻬﺎ ﻋﺪ ﺍﺧﻮﻫﺎ
_ ﺍﻟﺤﺠﻴﻪ ﺑﻔﺮﺡ ﺍﻱ ﻳﻮﻡ ﺍﻟﻤﻨﻰ ﻭﺍﺷﻮﻓﻚ ﻣﺘﺰﻭﺝ ﻭﻟﻴﺶ ﻣﮕﺪﺭ ﺭﻭﺣﻚ ﻟﻌﺪ ﺍﻛﻴﺪ ﺑﻨﺘﻪ ﺗﺮﺑﻴﺖ ﺍﺑﻮ ﺍﺣﻤﺪ ﻭﺧﻮﺵ ﺗﺮﺑﻴﻪ
_ ﻭﺍﻟﻨﻌﻢ ﻳﻤﻪ ﺍﺩﺭﻱ ﺗﻌﻠﻤﻴﻨﻲ ﺑﻴﻪ ﺑﺲ ﺍﻧﻲ ﻓﻜﺮﺕ ﺍﻟﺰﻭﺍﺝ ﻻﻏﻴﻬﺎ ﻧﻬﺎﺋﻲ ﻣﻦ ﺑﺎﻟﻲ
_ ﺍﻟﺤﺠﻴﻪ : ﻳﺎﺍﺍﻉ ﻋﻮﺩ ﺻﺪﻙ ﺗﺤﺠﻲ ﻭﻟﻴﺶ ﻣﺎﺗﺰﻭﺝ ﻧﺎﻗﺼﻚ ﺷﻲ . ﺷﻮ ﻛﺎﻣﻞ ﻭﺍﻟﻜﻤﺎﻝ ﻟﻠﻪ
ﺳﺮﻣﺪ ﺑﻐﻀﺐ ﻭﻫﻮ ﻳﺬﻛﺮ ﺯﻭﺍﺟﻪ ﺍﻟﺴﺎﺑﻖ : ﻻ ﻳﻤﻪ ﻣﻮ ﻫﻴﺞ ﺍﻧﻲ ﻣﺎﺭﻳﺪ ﺷﻮﻥ ﻳﻌﻨﻲ ﻭﺑﻌﺪﻳﻦ ﻟﻴﺶ ﺍﻇﻠﻢ ﺑﻨﺖ ﺍﻟﻨﺎﺱ ﻭﻳﺎﻱ ﻭﻫﻴﻪ ﺻﻐﻴﺮﻩ ﺑﻌﻤﺮ ﺯﻳﻨﺐ ﺑﻨﺘﻲ ﺣﺘﻰ ﺍﻟﻠﻪ ﻣﺎﻳﺮﺿﺎﻫﻪ
_ ﺍﻟﺤﺠﻴﻪ ﻳﺎﺍ ﻟﻌﺪ ﺯﻧﻴﺐ ﺻﻐﻴﺮﻩ ﻭﺍﻟﻠﻪ ﻣﺮﻩ ﻋﻤﺮﻫﺎ 15 ﻟﻌﺪ ﺍﻧﻲ ﻋﻤﺮﻱ 16 ﺗﺰﻭﺟﺖ ﺍﺑﻮﻙ ﺍﻟﻠﻪ ﻳﺮﺣﻤﻪ
_ ﺍﻟﻠﻪ ﻳﺮﺣﻤﻪ .. ﻳﻤﻪ ﺭﺣﻤﻪ ﻻﺑﻮﺝ ﺗﻘﺎﺭﻧﻴﻦ ﺯﻣﺎﻧﻜﻢ ﺑﺰﻣﻨﻪ ﻫﺴﻪ ﺍﻟﻮﺿﻊ ﺗﻐﻴﺮ ﻣﻮ ﻣﺜﻞ ﻗﺒﻞ
_ ﺍﻟﺤﺠﻴﻪ ... ﻭﻫﺴﻪ ﺷﻨﺎﻭﻱ ﺗﺴﻮﻱ ﻟﻌﺪ ﻣﺎﺗﻤﺸﻲ ﺑﻮﺻﻴﻪ ﺍﺑﻮ ﺍﺣﻤﺪ ﺻﺎﺣﺒﻚ ﻭﺻﺎﺣﺐ ﺍﺑﻮﻙ ﺳﻮﺩﻩ ﻋﻠﻴﻪ
ﻻ ﻳﻤﻪ . ﺇﻥ ﺷﺎﺀﺍﻟﻠﻪ ﺍﺣﻠﻬﺎ ﻻﺗﺨﺎﻓﻴﻦ
_ ﺁﻣﻴﻦ
ﺭﺟﻊ ﺍﺣﻤﺪ ﻛﺎﻟﻌﺎﺩﻩ ﻣﺘﺄﺧﺮ ﺑﺲ ﻫﺎﻟﻤﺮﻩ ﻣﺎﺷﺎﺭﺏ ﻻﻥ ﻳﺮﻳﺪ ﻳﻘﻨﻊ ﺍﺧﺘﻪ ﺑﺎﻟﺰﻭﺍﺝ ﻻﻥ ﺍﺑﻮ ﺍﺣﺴﻦ ﺩﻳﻠﺢ ﻋﻠﻴﻪ ﻭﻫﻮ ﻳﺮﻳﺪ ﻳﺨﻠﺺ ﻣﻦ ﻣﺴﺆﻭﻟﻴﺘﻬﺎ ﻭﺑﻨﻔﺲ ﺍﻟﻮﻗﺖ ﻳﺤﺼﻠﻪ ﺟﻢ ﻓﻠﺲ ﻣﻦ ﺍﻟﻌﺠﻴﺰ