نور في الظلام( كامله)

الحلقه السادسه

نور في الظلام
الحلقه السادسه

👑 سبحانك اللهم وبحمدك أشهد أن لا إله إلا الله وحده لا شريك له له الملك وله الحمد وهو على كل شيء قدير 👑

وصل سمير الي منزل أخيه السعدي وهو غاضب من ما حدث في ابنته

السعدي : تعال يا ابو بسمه ، نورت يا خوي
سمير  بغضب : لساتك فاكر اني خوك ، بعد اللي ولدك عمله في بتي مفيش بينا كلام

عمار : ومسالتش بتك عملت ايه ، بتك قلت ادبها عليا

سمير : عشان قالت الحقيقه ، كنت عايزها تسكت اياك عن الغلط اللي بيحصل قدمها

السعدي : قبل ما تيجي تزعق أكده ،أقعد الاول وافهم في ايه ، بتك غلطت كتير ، و قفت قدام جوزها    كمان اتهمته  بالباطل واتهمت مرت اخوه بالباطل   ،حتي لو هي متعرفش أخلاق نور ، هي عارفه  اخلاق جوزها أنه مصلي وبيتقي  الله  وانت خابر كلامي زين  وعارف مين هو عمار السعدي

  سمير   : حتي لو بتي غلطت  ، يقوم عمار يمد يده عليها لا وكمان يرمي عليها يمين الطلاق

عمار : تعبت يا عمي منها اتكلمت معاها باللين مفيش فايده ،  واتكلمت بالشده برضو مفيش فايده ،  جربت كل الطرق ولسانها متبري منها

سمير : تقوم تطلقها وناسي أن ليك اطفال وناسي أنها بت عمك  ، طيب اعمل خاطر ليا يا ولدي وتعال قولي عملت ايه وانا كنت كسرت رأسها

عمار: انا مش صغير يا عمي عشان اجي اشكي من مرتي  ،  هي لو متعدلتش ورجعت بعقلها يبق خلاص يا عمي هي في طريق وانا في طريق

سمير : شوفت ولدك يا خوي بيتكلم معاي ازاي

السعدي في محاوله لتهدا الموقف  : صل علي النبي  انت وهو وقعد هنتكلم بالعقل

.......

في الاعلي

كانت نور تبكي .  وبدر يجلس ورأسه تكاد تنفجر من التفكير. لينطق بغضب: نووور

نور: نعم
بدر : هاتي مصحف وتعالى اقعدي جنبي
اندهشت نور من كلام بدر ولكنها فعلت ما طلبه منها

نور : المصحف

وضعت يد بدر عليه الذي امسك يدها ووضعها علي المصحف :   احلفي أن مفيش حاجه بينك وبين عمار

لم تتوقف دموعها عن النزول ونظرت له بصدمه : حتي انت يا بدر بتتهمني في شرفي

بدر : انتي خابره ظروفي زين يا نور وانا  عايز اقتل الشك اللي جوه قلبي   ، قولي الحقيقه وصدقيني اي كانت الحقيقه انا مش هلومك

حلفت بصدق  : اقسم بالله العظيم مافي حاجه بيني وبين عمار  ، انا بحترمه زي حسان اخويا الكبير وهو كتير كان بيساعدني  من وقت اما جت أهنأ البيت ، وأما بسمه شافتنا انا كنت واقفه في الجنينه بدور عليك وعلي الولاد  وكنا بنتكلم عادي