مسابقة الشهر 💜

هلااو اونياتي🍯 معجوناتي🍧 سكغاتي 🍭🍬ان شاء الله تكونو كامل بخير😍 .. ليوم جيت وجبتلكم معايا مسابقة  ناار🔥💥 رح تكون للكرونيكات اللي باللهجة الجزائرية فقط 👑 خلوني نشرحلكم شوية على المسابقة📍📎

احم باسم الله😁

كيما قتلكم المسابقة هاذي رح تكون للكرونيكات الجزائرية فقط👄 و الكرونيك لي تربح رح تلقب بافضل كرونيك لهذا الشهر😍 و كاتبتها رح تلقب بافضل كاتبة لهذا الشهر 💗

💠كيفاش راح تكون المسابقة ؟

المرحلة الاولى "الاشتراك": رح نخليلكم مدة زمنية تشتركو فيها اي وحدة حبت تشارك تقدر تشارك وفي البارت لجاي نحطلكم شروط الاشتراك 💦🙏

المرحلة الثانية"التصنيف": هاذي المرحلة مانعرف اذا رح تكون يعني على حساب عدد المشتركات اذا كان عدد كبير نصفوكم يعني نديرو فئات مثلا (فئة كوميدية فئة رومانسية اكشن ......) و اذا كان عدد قليل مانصفوكمش💮❕ 

المرحلة الثالثة "القراءة و التنقيط": رح نكونو ثلاثة ولا اربعة حكام (انا و وحدوخرين مبعد نخيرهم لي حبت تكون حكم البارت لي جاي نديرلكم شروط الحكام✅ ).. لمهم رح نتقاسمو الكرونيكات يعني كل وحدة تقرا 2 ولا 3 على حساب عدد المشتركات و في نفس الوقت ينقطو و يديرو ملاحظات منبعد نقولكم كيفاش يكون التنقيط☑💡

المرحلة الرابعة "التصفية": يعني نجمعو نقاط تع كل وحدة و نرتبوهم مالمرتبة الاولى للاخيرة و اذا كانو كاينين زوج عندهم نفس النقطة رح نديرو تصويت ⭐✴

المرحلة الخامسة و الاخيرة "توزيع الجوائز": يعني رح يكونو 3 فائزين المرتبة الاولى و الثانية و الثالثة✨✨

💠كيفاش يكون التنقيط؟

التنقيط رح يكون على هذا الاساس😊👇

الغلاف اذا كان شباب و مناسب للكرونيك: 5 نقاط

العنوان اذا كان شباب و مناسب للكرونيك: 3 نقاط

الكرونيك (اذا كانت الفكرة مليحة و كيفية ربط و تسلسل الاحداث و كيفية سرد القصة  و هذو الصوالح ):10 نقاط

العبرة منها:  2 نقاط

و المجموع 20

💠وشنو هوما الجوائز؟

جوائز بسيطة 😍

المرتبة الاولى : لقب افضل كرونيك و افضل كاتبة لهذا الشهر💎 + غلاف + شهادة تهنئة🎉

المرتبة الثانية : غلاف + شهادة تهنئة🎉

المرتبة الثالثة :غلاف + شهادة تهنئة 🎉

واش حبيتو مالا 😔😂😂

لمهم ان شاء الله تكون عجبتكم الفكرة😁 و تكونو فهمتو 😊لي عندها سؤال تكتبو في كومونتاغ و نجاوب عليها🙋

انتظرونا في البارت القادم رح يكوم فيه الشروط ✌☝