احببتها منذ نعومه اظافري

الفصل الاول

فى حي من أحياء مصر الشعبيه والتى يتميز أهلها بالبساطة والطيبه والحب والدفء بينهم
نجد بطلتنا تستيقظ على صوت شجار عنيف فى الشارع
زمرده : اصطبحنا واصطبح الملك لله قومي يا بومه هانم والله وطلع ليكى نافعه يا عنيات بدل ما اجيب منبه بمبلغ غالى بتقومينى على صوتك أنا خلاص هنتحر حتى اعرف وقتها أنام براحتى واعيش فى قمه الهدوء وارتاح من عنيات مشاكل
يلهوي وبعرف اقلش كمان عسل يا فوزي

نتعرف بقا على بطلتنا... زمرده : دي فتاه مرحه بتحب الهزار جدا وتافهه مديه للدنيا طناش مش فى بالها حاجه غير أنها تكون مبسوطه هى والناس اللى بتحبهم طيبه جدا بتعتبر كل الناس عيلتها ومع انها عايشه لوحدها الا أنها مش بتعرف تتصرف لازم صحبتها اللى تساعدها أو جارها عمر بتشتغل فى مطعم ك طباخه عندها 24 سنه فى اخر سنه فى كليه اداب قسم علم نفس ودا طبعا كان حلمها

🌺🌺 نرجع بقا لهبل وجنون زمرده🌺🌺

قامت زمرده من عالسرير رايحه البلكونه فتحت زمرده البلكونه وطبعا شافت عنيات وهى بتضرب شاب فى حدود العشرينات زي طبعا كل يوم

عنيات" بقى أنا يا واطى يا لمامه بعد ما اتجوزتنى عاوز تطلقنى وترمينى بالعيال كل دا عشان بقلك عاوز اعمل ماسكات ب1000 جنيه وانت على قلبك قد كدا

الشاب وهو يجاريها لمعرفته بحالتها: اجبلك منين يعنى عاوزانى اسرق بعد العمر دا كله انتى اصلا قمر من غير اي حاجه قائلا بصوت هامس استغفر الله العظيم يارب على الكدب دا وليه بومه بصحيح كل دا منك يابا اي اللى خلانى اعيش هنا بس كل دا مقدر ومكتوب هو يارب كل حته اروحها لازم يطلعلى عفريت مش هسامحك يابا على المصيبه دي

عنيات بخجل مصطنع: بجد يا دكري ثم قالت بصوت عالى انت فاكر نفسك هتضحك عليا ولا ايه فوق يابا دا أنا حياه عارف يعنى حياه أنا بنت البشوات اللى نزلت من مستواها واتجوزتك

الشاب: خلاص احنا فيها نطلق وتروحى انتى بقا عند ابوكي وتتجوزي حد غني يقدر يسعدك ثم قال بدراما مصطنعه احنا مننفعش لبعض كل السكك مقفوله فى وشنا عشان أنا بحبك هطلقك وتعيشى مع اللى يسعدك وخلى العيال عندك وانا كل اسبوع هزورهم

عنيات بصدمه: بعد ما اخت منى اعز ما أملك عاوز ترمينى ...بابي كان عنده حق طلقنى يا معفن يا لمامه يا بتاع النسوان والله لفضحك يا شمام واقول على كل حاجه

الشاب بتساؤل مصطنع : اخت منك ايه ثم تغيرت نبرته من التسائل الى الارتباك وقال هتفضحينى وتقولى ايه مش فاهم

عنيات بردح" نعععععععععععععععععم يا عمر انت اخت منى 150 جنيه حيلتى اللى كانوا فى البنك بعد ما بابا قطع عني كل حاجه وبعد ما كنت فله بقيت قله وبعدين هقول على اللى حصل امبارح كله وطبعا دي اكبر فضيحه ليك بعد ما شوفتك وانت بتبوس القطه وهى بتقولك ابعد عنى للدرجادي وصلت بيك الحقاره انت عارف المشكله انك خنتنى مع قطه وانا اللى لبستلك ميكى ماوس عشان بوسه حتى طب حتى كنت ختها فى شقه تانيه