للكاتبه سارة و ليد ** wwrr18ssz**
عشق كتبه القدر . .
# باعوك
صفنه خشب واحد يريدك جسر..
واحد يريدك درج وثنيهن تنداس..
#طفولية
🌸🎬
واعــدتنــي وگتـــلي اعــود
وڪلشــي رد
خــوفـي ...حـــسرتي ...الحـــيرة... الظـــنون .....العــــذاب
ڪــلها ردت
الا انـــت
شمــا اصـــد لدربـــك
الگـــه الصـــورة تتحـــول ضبــــاب
لـــ سارة وليد ....🖇💚
_____________________
مرات تحس وعبالك الدنيا سجن وانت طير مسجون بقفص تتحسر للسما وللهوا وللنسمه ....
وكل ما تمر الايام يضيق القفص وتحزن اكثر واكثر ....
وانت تشوف الطيور كدامك بالسما وتتحسسر عليهن ...
هذا اصعب شعور ....
مرت الايام وشهد وجبل على وضعهم بالعكس جبل بدا يقسى اكثر واكثر على شهد وشهد بدت تضوج منه بكد مايوجعها بتصرفاته وتعامله وبكلامه.
اما زينه فجانت شايله هم لحيدر الي يهدد بيها ... والفترة الانطاهيا خلصت ... حايرة متعرف شلون تختم الموضوع ويطلكون ....
جانت شهد بالمطبخ ودتطبخ بالعشى قمر واكفه من بعيد وتباعلها صافنه بيها ومقهورة على حالها تعرف ش هد بريئه وتعرف منو الظالمها ..... بس متكدر تحجي بسبب خوفها من زينه ..... ...
قمر :شهد خلي اساعدج حياتي تعبتي انتي
شهد : تريد تساعديني شوفي ملاك من اجت من خولها واني بعيده منها تعرفين جبل ميقبل احجي وياها وزينه الفاهيه متهتم بيها روحي ابقي يمها البعي وياها لان ضايجه ....
قمر : الله يساعد كلبج شيتحمل ليتحمل بعد انتي شلون كادرة تتحملين كل هالعذاب وساكته
شهد : عوفج مني اني ماعلي شي بس. روحي شوفي الطفله
قمر : ماشي رايحه
راحت رجعت عليها وشبكتها
شهد : قمر بيج شي
قمر : شهد لاتزعلين من جبل ترى والله يحبج
بقت شهد ساكته ....
قمر : صدكي بس يعرف انتي شنو راح يتندم بكد شعر راسه بس انطي شويه مجال ....
شهد : قمر اني مرايده شي منه بس اريد اخابر امي لان هسه اكيد بالها يمي صار هواي ممخابرته هسه تلكيها متخبله
قمر،: هذا تلفوني اتصلي بيها اذا حافظه الرقم
شهد : لا قمر خاف تصيرلج مشكله ماريد
أنت تقرأ
عشق كتبه القدر ( جبل والجريئه )
Mystery / Thrillerشيخ عصبي وبنيه جريئه شلون راح تكون احداث قصتنه هل تبداء حرب بينهم ام حب تابعو القصه ليصلكم كل جديد
