عشق كتبه القدر (جبل والجريئه )
للكاتبه **سارة وليد **
____________
جم محب حاول ينسة الحبيب
وانة من انساك اظل دايخ عليك
انت حبك يختلف فد شي غريب
حتى نسيانك حلو يذكرني بيك
مافكرت ابيعك بيش
خاطر تنحسب غالي
مواقف تارسك يراد تكبر
حته تنسالي
روح شما تريد تروح
تاليتك تجي بمرايتي تسولفلي عنك
والشوارع تدري
من غنيتلك …
الحجي ابيناتنة ؟
اشتاگيتلك تجرحني شكثر لكن عشكَتگ موت
بس بالك تفكّر تجرح إحساسي
حبّيتك نعم بس غلطة الشطار
طلعت مو ألف بس للرقم ناسي
ومابعتك ابد تعرف لان ليش
مدمن عالعشگ وانت الصرت كاسي
"البارت 9 "
شهد : انت شدتحجي اني مو لاحد وبعدين لاتنغر بروحك ترى انت بعدك ابن العالم القتلو ابوي ومستحيل اعتبرك رجلي افتهمت حتى لو بالقانون والشرع
جبل : هااا ؟؟
كمت ومخليه ايدي على ركبتي اذاني كلش
شهد بحده : ايي 😠
جبل : وجعي احجي عدل شبيج يولي انتي ماتفهمين
شهد : لا ما افهم مخبله وغشيمه وفطيرة وهاي نبرة صوتي تحجي عدل احجي عدل تحجي غلط احجي غلط
ماحس اله وهذا بدة وفتح بدكم الردان مال الدشداشه يكفها ويحجي
جبل : انتي يرادلج تاديب من اول وجديد
رجعت بخطواتي ليورى خايفه وهو يتقدم باتجاهي
شهد : وربك اعيط اذا لزمتني والم عليك العالم
جبل : بهذا البيت اعرفي شغله وحده بس من توكعين بين ادين جبل محد يكدر يفكج منه ومحد يدخل من الاساس فعيطي براحتج
كلامه زاد خوفي قاطات ... طخيت بالكنتور بلعت ريكي.... خله ايده على الكنتور قرب وجهه مني
جبل : اشو ترجفين مو على اساس متخافين مني
ماحس اله دموعي ينزلن وحده ورى الخ
شهد : لتسويلي شي عفيه 😢
جبل : انتو كلكم هيج.تهجمون مثل الذيابه ومن يصير الجد تصيرون دجاج شنو هاي ورث بالعائله.... لتخافين مراح اسوي شي ... مو لخاطرلج بس اني مزاجي فول اليوم فماريد اعكره .....
طب للحمام وكعت بالكاع رجليه مشالني من الخوف عزة بيعيني شنو هاي كلبي احسه راح يطلع من مكانه ...... شهد انتي مو كد هالرجال عوفي ترى يأذيج هذوله ناس ميخافون من الله ...
.
.
طلع من الحمام حفزت من مكاني دينشف بشعره ويباوع علي
جبل : تعشيتي
هزيت راسي بمعنى لاء ...
على كد مسمع جوابي طلع ....... ورى شويه دخل ويا صينيه بيها اكل خلاها ويباوع علي
أنت تقرأ
عشق كتبه القدر ( جبل والجريئه )
Misteri / Thrillerشيخ عصبي وبنيه جريئه شلون راح تكون احداث قصتنه هل تبداء حرب بينهم ام حب تابعو القصه ليصلكم كل جديد
