طبعا اشكر كل وحدة قرت قصتي وانطتني نصيحة ووگفت وياي وما قصرت وانطت رأيها والله العظيم يعجز اللسان عن وصفكم انتوا فعلا خوات وأكثر ❤️
أسأل الله أن يسعد كل وحدة بيچن وما يشوفها ضيم وجور بحق محمد وال محمد 🌺
مثل متعرفون قصتي وعلاقتي بالشاب الگلتلكم عليه (حسام) اني من يوم الكتبت القصة ولليوم ما حچيت وياه ولا راسلته گلت خلي احاول انساه واخذ بنصيحتكم وهم ارضي ربي (سبحانه وتعالى)وهم ما اضر اهلي وسمعتهم 🤚لأن هاي السالفة معروفة انو لا سامح الله اذا احد عرف بعلاقتي وية حسام اكيد الذبح🔪حلها.وبعد ما اني اموت اهلي راح تصير سمعتهم وية التراب واني مااريدها توصل هيج مواصيل لاسامح الله.اني مهما انضلمت ومهما جارو علية من ضيم.فعلا كلامكم ما جان لازم اتجه لهيج طريق بس بعد اني مثل منگول الشيطان وزني لعنة الله عليه 😔.بس هسة يالة عرفت غلطتي من اتجهت الكم ونصحتوني.واقسمت بعد ما ارجع واراسله ابد وقررت انهي علاقتي بيه واتجه لربي وادعي يهدي زوجي علية نشاللة ويبعدني عن الطريق الغلط.وهسة اني ماريد منكم غير الدعاء 🥺 الله عليكم ادعولي بصلاتكم ماريد بس يهدي زوجي علية واعيش مرتاحة نشاللة.قررت من اليوم والله العلي العظيم بعد ما اراسل حسام ولا أسوي شي يغضب ربي واتجه بس للخالق سبحان وتعالى 🥺
وارجع واشكر كل (ام) و(اخت)وصديقة طيبة الاخلاق.الي ساعدتني وقدمتلي نصيحة ربي يحفظكم جميعا ويجزيكم الخير نشاللة بحق الحسين الشهيد 🌺
وهاي الرسالة الي دزيتها لحسام اليوم وسويتلة حضر وهاهية بعد الله يصبرني على فراگة ويطلعه من گلبي وينسينياه💔😔 الحمدلله والشكر على كل حال.
👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
