🖊عزة عرفات
كنت قاعدة ماسكة الفون وفجأة جالي مسدج
- الصورة اللي انتي منزلاها تتمسح حالا يا فتون
=ده عبيط أكيد والله عبيط أنا شوفت رسايل OTHER كتير وقليل بس زيه مشوفتش
(ده شخص تنح بقاله فتره طويلة اكتر من سنه تقريبا بيبعتلي رسايل يطمن عليا والغريب انه بيبقي عارف كل حاجة بعملها في يومي أحيانا يبعتلي يقولي شكلك كان حلو النهارده ألاقيه مره يخانقني عشان نزلت بروج او يخانقني عشان اتعاملت مع شخص بقيت حاسة اني متراقبة منه بس أنا مش برد كنت بحس انه حد من المكان اللي بشتغل فيه بس مين من المكان ده ممكن يبصلي أو حتي يفكر يتابعني قولت ممكن حد بيشوفني وانا نازله من جيراني ويكون بيستخف دمه )
-الصورة لو متشالتش حالا هتبقي ليلتك سوده
=أنا خوفت بس عمري ما اروح اقول"لقيتني برد وبقوله وانت مالك بقي ان شاء الله كنت من بقيت أهلي " ما انا خلاص اتخنقت بقاله كتيييير بيبعتلي كل يوم مسدج بتفاصيل يومي ويديني أوامر متلبسيش ده ومتكلميش ده بس كده أوفر
-الصورة تتشال الاول وبعدين نتكلم وبعدين من امتي وانتي بتنزلي صوره ليكي علي النت
=أنا تنحت مهو أكيد عبيط ..ولا انت اهبل يالا ولا إيه ولا تكونش مفكر نفسك أبو آدم
_أولا انا مش أهبل احترمي نفسك ثانيا أنا مش هسمي آدم هنسمي يزن إن شاء الله
=أنا مش هسمي ابني يزن ..إيه الهبل اللي بكتبه ده بعتله وقولتله انت عاوز ايه وتعرفني منين
_أنا أعرفك اكتر من نفسك انتي قدري يا فتون
=لا لا لا ده شكله مجنون أنا أحسن حاجة اعمله بلوك زي كل مره سيبت الفون ما انا مش ناقصة هم كفاية الهم اللي عندي أما ادخل ألبس قبل ما فتحي يرجع البيت حقيقي مستنية اللحظة اللي اقدر أسيب البيت ده واخلص)
"نسيت أقولكم انا فتون عندي 22 سنه في اخر سنه ليا في كلية التجارة بشتغل للاسف office girl في شركة هندسة"
لبست أوت فيت عملي شوية وعملت شعري ديل حصان وجيت أخرج لقيت باب الشقة بيتفح ودخل سيد (زوج أمها)
- احم ايه يا حلوة رايحة فين كده وفين الست امك
رديت بقرف =عرفت من صوته انه شارب زي عادته ...انا رايحة الشغل وماما في المصنع لسه في الشغل عن اذنك
مسك ايدي – بتكلميني من تحت ضرسك كده ليه يا أختي شغل ايه بقي يا ست الحسن قوليلي معاكي فلوس ايه يا حلوة
=سيب إيدي يا عم فتحي انا متأخرة ولو ماروحتش هترفد ومش هعرف اجيبلك فلوس وبعدين ما انت مخلص اللي معايا أول بأول هو انت راحم
-بت انا مش عاوز رغي كتير انتي هتبوظيلي الدماغ اللي عاملها بقولك هاتي فلوس
