ناعسة فبلبيت ضرباتها لفيقة كاتشوف راسها فين كاينة عاد تفكرات فين راها خرجات من لبيت بانليها كالس فوق لكرسي وشاد لبيسي قدامو مركز فيه...شداتها دوخة تزدحات معا لباب دلبيت...هز عينو دغيا يشوف شنو لي تزدح لقاها هي ناض كيجري عندها...
تاج:(تحنا عندها وشد فيها ونطق بخوف)شغف...شغف كتسمعيني...
حركات راسها باه محلاتش عينيها بكترة دوخة لي شداها...هزها وردها لبيت فين كانت
تاج:(هز لميكرو من فوق لكوافوز)اسماء اجي عندي...وحطو بلاصتو..مكملاتش دقيقة جات...
اسماء:(باحترام)نعام اسي تاج الدين
تاج:جيبيلي معاك jus d'orange وكاس دلماء
اسماء:حاضر سي تاج الدين شي اوامر اخرا...ومالها براسو زعما لا نساحبات بلطف...
تاج:شغف حبيبتي دابا مزيان كتحسي براسك شوية
شغف:امم شوية فيراه جاد...
تاج:مع المضيفة كالس معاها
شغف:وعلاش ميجيش يجلس معايا
تاج:كان باغي انا مخليتوش باش يخليك نتعسي فخاطرك هو اصلن مولفها...
شغف:(بانزعاج)اممم مولفها
تاج:هههه متقوليش ليا غرتي
{بلاتي بلاتي عرفتكوم مفهمتو والو اجيو معايا نديرو فلاش باك}
🔙قبل ساعة ونصف...
تسالمو مع عائلة وركبو فلوطو فتجاهوم لمطار دخلو لقاو لمطار مطوق بلي كارد...مشاو نيشان لجيهت طيارات الخاصة ركبو فطيارة مكتوبة عليها ببنط العريض(اااه لاقيت الطبطبة احم رجوع الله اسليمة😂) مكتوبة عليها بخط كبير *تاج الدين* بلون الاسود غامق... كانت من لداخل بحال دار فيها بيت نعاس وواحد ميني بار حداه تلاجة صغيرة قولو بحال كوزينة صغيورة وربعة دلكراسة خلاص بلاصة لبيلوط بوحدها...جلسات شغف حدا تاج وزيرات على يدو...حس بيها متوترة محيت اول مرة غاتركب فطيارة
تاج:عادي احبيبي دابا تفولفي...بقات متكية على كتفو تاداها نعاس...
🔚الخاضر...
جات المضيفة..وهازة فيديها بلاطو صغير فيه فيه ديكشي لي طلب ومشات...
تاج:(مشا لبلاكار لي تم جبد واحد دوا ديال دوخةحبيبيهاكي شربي هادا وعاد شربي العاصير باش تمشيلك دوخة
شغف: شربات داك دوا وعاد شربات عاصير...
تاج:دبامزيان
شغف:(ببتسامة)شوية الحمد لله...
تاج:(طبع قبلة فشفايفها بحنية)بوحاطية ديالي ههه..
شغف:تاج فوقاش غانوصلو...شاف فساعتو ونطق
تاج:واحد ربع ساعة...
🔱عند مليكة…
تاهي راكبة فطيارة مع ياقوت فتجاهوم لحج ومعاهوم لي كارد لي تاج الدين موصيهم مايفرقوهمش
مليكة:(والفرحة باينة على وجها)الحمد لله ربي كتبلي نشوف داك لمقام الحمد لله
ياقوت:الحمد لله مبقا والو ونوصلو والحاجة مليكة
مليكة:ههه اوا الله يوصلنا على خير الحاجة ياقوت...بقا كيضحكو...
💮فقصر الاسماعيلي…
يوسف:مشاو
رتاج:(بحزن)اه مشاو
يوسف:مالك
رتاج:غانتوحش شغف وجاد
يوسف:(وهو ساهي)تا انا غانتوحشها
رتاج:يوسف صبحان الله راك وليتي كتهتر
يوسف:علاش شنو كلت
رتاج:شوف نتا راك مبقيتيش عاجبني لابقيتي هكا غاتجيبها غافراسك....خرجات وخلاتو
💠تحطات طيارة فمطار دوموديدوفو الدولي فعاصمة روسيا موسكو كولشي كيترعد هبط من طيارة وهاز ولدو لي نعس وشاد بليد لخرا فشغف تلاقاو ليهوم ليكارد كولهوم دايرين داك ليكيت مول ودنيهم نص فيهوم من افريقيا وطموبيل ديالو فلكحل ماط من نوع Mach-E Gt آخر مخرج...
حط جاد فلور ودارليه صمطة وحل لباب لشغف لقدام خدا ساروت من عند ناصر وركب خلا موراه غالعجاج لي كارد كولهوم تحركو من موراه...
شغف:دنيا خاوية هنا واش دايمن
تاج:لا منين كانكون دايز من شي بلاصة كيديرو حضر التجول
شغف:(باستغراب)وعلاش زعما
تاج:هكاك وصافي...خرج على لمدينة وصل لواحد فيلا بعيدة على لمدينة وصل حدا لباب لي كان واقفين حداه ربعة ديال رجال صحاح وعايزين فيديهم سلاح شافوه وهما يحلوليه لباب ودخل لداخل فيلا كانت دايرا بحالفيرما جردة ديالها فيها مساحة كبيرة بزااف فيها انواع ديال لورود لي عمرها شافتهوم بقات كتشوف الوان لي فيهم واعرين برااف...
تاج هز جاد ودخلو لفيلا كانت كبيرة فيها اتات عصري وديكور رائع بمعنى الكلمة ماينينتلاتة دصالونات كبار وجليسةكقابلة مع جردة فيها شوميني ديال لخشب...
تاج:حبيبي طلعي رتاحي لفوق راه كولشي كاين تم طلعي ل اطاج تالت لبيت تالي فاكولواغ
شغف:واخا عطيني جاد نطلعو معايا
تاج:غير سيري انا غانديه لبيتو....
طلعات شغف لبيت لي قاليه تاج حلاتو لقات بيت رجولي بامتياز كيعبر على شخصبت ملاه الغموض لحيوطا مسبغين بالاسود وفيه ديكورات باسود و الرمادي فيه جيهت دريسينغ على ليصر وباب دلبالكون اوفاص مع لباب ديال لبيت حمام على جيهت ليمن...
يتبع..
هانتوما طولت فلبارت متنساوش فوط وكمنطير فيه الراي ديالكوم🥰
أنت تقرأ
حبيبي مجهول(قصة رومانسية)
Humorسلام عليكم ورحمة الله وبركاته 👋 القصة كتحمل فطياتها بزاف دالمشاعر منهوم #الحب #الهوس #الغيرة_تفرشيخ و شوية دسفالة 😂وبطبيعة الحال الحقد لي دايمان كنصادفوه مع الأسف😔 هاد القصة كتحكي على البطلة ديالنا من حي شعبي مستواها المعيشي هي وعائلتها على قد ا...
