حبيبي مجهول(قصة رومانسية)

بارت14❤

تاح:(بهلع)شغف...شغف..سمعني هوما مزيانين.. غير..
شغف:مالك سكتي اا مالك شنو دوي شواقع ليهوم هدر
تاج:(قبل مايجاوب نعم تيلي كيصوني)الو
سيف:فيراكوم واش مغتجيش
تاج:انا جاي
سيف:جيب معاك شغف شوف واش تلحقو لا دريي ولا لا
تاج:(بتوتر مبغاش يبين ل شغف)احم نشاء الله
شغف:(شدات فيه)تاج الدين شواقع ليهوم
تاج:يا الله نديك تشوفيهوم و فطريق نفهمك
مشاو ركبو فلوطو.....
⚜امام مستشفى..
شغف هبطات كاطير باغي غير تشوف وليديها قدام عنيهاوتشم ريحتهوم عينيها كي لغيام غضبان محبسوش من دموع...تبعها تاج مشاو لريسيبشن..سولو...
....:واحد دقيقة اسيدي..شغف مسكينا معلم بيها غير آلله دقيق كدوز عليها بحال العام معرفاش اش كيتسناها دايخة شحال صعيبة تكون تالف معارف شكيتسناك واش زوين ولا خايب واش خير ولا الشر كيف كيقولو ناس ومان لي مكتوب على الجبين لازم تشوفو العين
...:مدام مليكة ف طابق تالت غىفة51...اما سي عبد الله فالانعاش....شغف غاسمعات انعاش حسات بدنية دارت بيها رجليها فشلو مبقاوش قادين يهزوها كون حصدها تاج كون طاحت على طولتها
تاج:(بخوف)شغف اجي كلسي...جرها لواحد كورسي تما كلسات مشا جاب ليها لما واحد كينة ورجع عندها عطاهاليها شرباتها
تاج:(بجدية)شغف سمعيني كوني قوية ونتي قوية ماشي نتي لتهزك دنيا
شغف:(كتشوف فيه محطمة)تاج واش عارف اش كتقول..هء هء..ماما وبابا لداخل معارفاهومش واش حيين ولا ميتين اتاج الدين محاسش بياهء والله ماحاس
تاج:(بنضرة فشكل)شغف ويفي وقفي اشغف با عبد الله مرباكش باش تكوني ضعيفة رباك باش تكوني قويةتوقفي جنبو وتسنديه وقفي...شغف...شوفي فييا(شافت فيه ونضرة كلها عزم وقوة)انا معاك
شغف:(مسحات دموعها)لصح عندك حق...مشات سولات واحد فام دميناج فين جا انعاش ومشاو وتاج موراها كيهدر فتيلي ...وصلات وياريتها ماوصلات كتشوف سيف كيضرب فلحيط و اطباء كيتجاراو عند عبد الله محساتش تالقات راسها شانقة على سيف وكتمخض فيه....مالهوم...كيتجاراو...واااهضااار الباااشاااار مااالهوووم
سيف:(بأسى)تزاد عليه لحال....خرج كريم وشاف فيهوم...طارت عليه شغف
شغف:بااباا ماالو
كريم:شغانقوليكوم ليفجهدنا درناه والكمال على الله من هنا ساعة لامستقراتش حالتو خصو ابليجي يدير ابغاصيون على راسو.....شغف عينيها بداو يتغمضو بكترت صدمة شدها كريم طاحت عليه تاج غاشفها طايحة داخ منين زاد شافها علامن زاد كتر وكتر مشا لعندها هزها ومشا نيشان لسانسور كلاها معا الحيط وبرك على اطلج 4طلعو ليطاج حطها فواحد ناموسية تم ومشا لواحد بلاكاغ هز دكشي لي غايحتاج ومشى عندها عبر ليها لاطونسيون لقاه طايح دربلها واحد لبرا وغطاها وهبط لعند سيف
سيف:فيراها شغف
تاج:فبيتي...كيبقا
سيف:كنتسناو ولكين راه مكينش امل شفتي تقرير طبي ديالو
تاج:العهد 10دقائق حس ب لفيبرور فجيبو جبدولقا ميساج من كاميرا ليداير فبيتو كتستشعر تحرك بنادم شاف لقاها فاقت وكدابز معا لباب يتحل...مشا لعندها حل لباب وطاحت عليه
شغف:تاج بابا ماما
تاج:ماماك مزيان يا الله تشوفيها...مشاو شافتها وطمنات عليها نوعا ما محيت مزال مافاقت كيديروليها منوم فسيروم باش يخفف عليها لحريق وكيجيب نعاس...مشاو عند باها لقاوه حال عينو شغف حسات بالفرحة رغم داكشي لي عي فيه دخل تاج وجر شغف مشاو لبسو بدل طبية لي كتحمي من جراتيم ودخلو تبعهم سيف مشات شغف شدات يد باها لقاتها بااردة شافت فيه وحطات يديها تانية كتسخنهالو وتصوط فيها وكتشوف فيه
شغف:بابا...حبيبي..عقلتي فاش كنتي كديني لمدرسة ويدي كيكونو باردين وكتسخنهوملي هاكا..هء عقلتي....هو غاكيرمش مقدرش يهدر...هء...ويالغالي...نوض وقف....ويالغالي..متخلينيش بوحدي....حسات زير على يديها وضارت تشوف فتاج وسيف...زيرلي على يدي هههه والله صارت شافت فيه لقات دمعة هابطة من عينيه ناضت مسحاتها ليه وباستو فراسو...سمعات صوت ديال دقات دلقلب كيسينيو...تيت.تيت.تييييت.تيييييت جا تاج يشوف شواقع لقاه دا مول الامنة امنتو غمضلو عينو وشغف كتشوف...
شغف:مالك سديتيلو عينو
تاج:ا..اشغف
شغف:بابا حبيبي لغالي نوض متخلعنيش كتقيصلو يديه جاك لبرد انا نسخليك يديه نوض وكتحركلو يديه باش يسخنو هي هي بابا ..هء لحبيب... نوض ....نوض....دخلات فهستيريا دلبكا...واااانووووض...نوووووض ابااااابااااا لا الا متخلييينييييش ابااابااا ياااضهري متهرسووووش ابااابااا وااا متخلينيش تاج مقدرش يشوفها هكاك كيحس بقلبو ضارو من جيهتها هزها مسج,ليلة فيها وهي حالفة مطلق منو شاداه بيديها سيف تصدم معرف متيدير بقا غاكيشوف
تاج:حبيبي... شلش انا صاافي...مبغاتش تسكت غاكتغوت وترطا ليه...تاغوت شاااغاااف رصاااي
شحال صعيبة تفقد شي حد عزيز عليك مااباالك ب باك سندك ليكاتلقاه فضهرك منين كتحتاجو كتلقاه منين كيمشي شيواحد من واليديك كتحس براسك ضايع معارف مادير اه كنتعصبو كنغوتو كنبكيو ولاكين ديك الحرقة لي فيك من جيهتهوم مكتبردش كولنا مرا مرا كنغوتو بعد مرات عليهوم ولاكين وخا هكاك منقدروش على بعادهوم الله يسمحلينا من الوالدين وصافي
مبغاتش تسكتلو شدها وخشاها فيه معنقها بكل قوتو فحال لاكيقوليها انا كاين غنحميك بقات كضربلو فصدرو وهو مزير عليها تابدات ترخا بقا كيتسمع غير صوت شهقاتها صغيورين دازت شي 10دقائق وهو باقي معنقها ماملش كيدوز يدو على شعرها ويد تانية محاوطة خصرها وكيهمس ليها فودنيها
تاج:ششش انا معاك وعمري نخليك ديرها فبالك جامي نبعد وجامي نمل....حسات بالامان والاطمئنان وهي فحضنو هو كيسمع غير شهقاتها بعدات عليه وشافت فيه شوفة انكسار شوفة دالم شوفة دهزيمة ونطقات
شغف:مشا اتاج ياك مغنهاودش نسمع سميتي من فمو مغاديش نسمع بنتي مغانعاودش نسمع الله يرضي عليك من عندو مغانعاودش نشوفو يااك
تاجحس بحال لاخنجر تحشا فقلبو من هضرتها جرها لعندو وضمها ليه خاشيها فصدو بعدات عليه ومشات عند باها كتشوف فيه
شغف:ااااااه يا عبد الله وشدرتي فيا ااااااااخ وكغندير بلابيك قلبي مقطع محروق من جيهتك ابابا......
__________________________________
يتبع
آرائكم فليكومونطير حبيباااتي❤