وعد

من التاسع للنهايه

: #وعد

البارت التاسع

تبدأ وعد تحمل الصور و قلبها بيخفق بشده تفتح اول صوره و تاخد نفس طويل تحس احساس مختلط بين الراحه و الاشمئزاز و الغضب

تقفل الداتا و تبدأ تكتب

السلام عليكم و رحمه الله و بركاته اولا :انا ماعرفش مين حضرتك ولا الصور دي  تبع مين بس هي مش صوري و الحمد لله

ثانيا:احب انصحك لوجه الله  البنت اللي انت مركب صورها و عامل بيها المناظر القذره اللي شوفتها ليها اهل بيخافو على بنتهم و ليها اب و اخ و عيله شرفهم و سمعتهم متعلقين بيها
انت بتلوث سمعتهم و بتضيع شرف بنت و اهلها عشان تتسلى و مش واخد بالك انك بتنتهك حرمات الله و مش واخد بالك برضو ان الله شديد العقاب
اتبعت هواك و شيطانك و قصفت المحصنات و محدش فينا يقدر بتحمل ذنب قصف المحصنات
تعرف اللى انت مفبركه للبنوته دي و عاوز تستبذها بيه عشان تنفذ طلباتك ربنا هيردهولك في بنتك بس وقتها هي مش هتكون مظلومه لا هي هتعمل كده فعلا
ساعتها هاجرب كسره النفس اللي هيشوفوها اهل البنات اللي بتعمل معاهم كده
يوم القيامه كل بنت فبركت صورها و انتهكت شرفها وعرضها سواء بقول او بعمل هتيجي يوم القيامه متعلقه ف رقبتك و بتطلب من ربنا انه يقتص منك ليها و مش هي بس دي هي و اهلها و قرايبها و صحابها وكل اللي نفسه اتكسرت بعد اللي عملته فيها
راجع نفسك وشوف انتهكت عرض كام بنت و هل انت فعلا عندك مقدره انك تحمل اوزار الناس دي كلها ولا لأ "
كملت وعد الرساله بعتتها و فتحت الداتا عشان الرساله توصل و تعمل بلوك
قبل ماتعمل بلوك لقيت منه رساله بتقول

انتي شوفتي اللي عملته بالصور و طلبي انك توافقي عليا لما اتقدملك لاني بحبك يا سلمى
تبدا وعد تكتب:مافيش ست توافق ترتبط باللي يعمل فيها كده اتقي الله
ارسلت وعد الرساله وعملت بلوك للرقم وحذفاته وهي حاسه براحه وسرحت بأفكراها ياترى احمد مسح الصور ولا هيجي يوم و يهددني بيه بيها
تنهدت بضيق و كتبت على الفيس
"فَآلُلُہ خـيَرآ خـآفَطُآ ۆ ہۆ آرحٍم آلُرآحٍميَنْ "
قفلت تليفونها و طلعت الصندوق وحكت لامها عن زيارتها لاهلها وانها اول مره تاخد بالها من اللي مكتوب  على ضهر الصوره بتاعتها
ترددت شويه وكتبت ....انا هسأل عنه لكن انا مش مستعده اعرف الحقيقه دلوقتي يا ماما
خلصت كتابه لامها و بعدها بدأت تكتب لزوجها تفاصيل اليوم و المحادثه اللي على الواتس مع مجنون سلمى ثم اعتزت ليه لانها اتكلمت مع حد غريب بس هي حست ان من واجبها تدافع على عرض صاحبه الصور "
خلصت كتابه لزوجها و بعدها طلعت مذكرات سيف بصت فيها وتنهدت بتعب قبل ماتكتب
"سيف مانكرش اني حبيتك ولسه بحبك لكن انا قررت اتركك مش هدعي بيك تاني و هستنى لما ربنا يجمعني بيك لو في نصيب لاني اكتشفت اني مع كل لحظه بفكر فيك فيها بخون زوجي المستقبلي فقررت اجاهد نفسي ....احببتك كما لم يحبك احد❤....اتمنى انك تكون ليا"
قفلت وعد الصندوق و قررت ان دي تكون آخر رساله منها لسيف