انا وزوجي

البارت السادس

محسن.... العفو وربنا  يكون في عونك
ايمي...... نعم ليه بقي انشاء الله يكونش هو اللي حامل
محسن.... لا طبعا حضرتك
ايمي.... يبقي نقولي انا الله يكون في عونك مش هو
آسر...... خلاص بقي يا ايمي الله يكون في عونك وعوني يلا بقي نمشي
ايمي... يلا
آسر.... الف شكر يا دكتور عن اذنك
محسن...... اتفضل
آسر وايمي خرجو من عند الدكتور وطول الطريق ولاول مرة ايمي تفضل ساكتة واول ما وصلو البيت
آسر.... ايمي يا حبيبتي انتي كويسة
ايمي..... الحمد لله
آسر.... اومال ساكتة طول الطريق ليه
ايمي..... اصلي محتارة
آسر... محتارة في ايه
ايمي....محتارة اسمي البت روان ولا ليليان
آسر.....يعني انتي خلاص اتأكدتي هتجيبي ولد ولا بنت
ايمي...طبعا انت بتشك في قدراتشي
آسر......لا طبعا هو انا اقدر
ايمي......مممم هو ليليان وروان كمان حلو ممممم يعني اسمي روان وتتجوز ادم وخلاص
آسر.....ادم مين دا
ايمي....ادم اللي خطف روان من اسلام
آسر بتصديق......ياساتر طب وايه اللي حصل
ايمي....عادي حبو بعض واسلام هينتقم منهم
آسر.......استني استني مين ادم اصلا
ايمي....اللي خطف روان
آسر....ومين روان
ايمي....خطيبة اسلام سابقا
آسر....يادي النيلة ومين اسلام
ايمي....يووووه اللي هيخطف ندي
آسر بتعب.....يعني في الاخر يطلعو مين انتي تعرفيهم
ايمي...طبعا هو في حد ميعرفهمش
آسر......مين بقي دول
ايمي...رواية عشقت مجنونة
آسر....يعني كل دا بتكلميني علي رواية
ايمي....ايوا
آسر.... تك هوا بقالك ساعة ببتكلمي في رواية وانا فكرتها حالة خطف حقيقي اقولك روحي يا ايمي نامي علشان انا عندي مرارة واحدة
ايمي بغباء.... وايه الجديد ما كلنا عندنا مرارة واحدة
آسر بغضب...... ااايييييميييي روحي ناااامي
ايمي.... حاضر حاضر متزوقش
آسر....الصبر ياارب (بدعيلك يابني من قلبي يصبرك ع البلوة دي 😂😂😂😂)
ودخلو ينامو
تاني اليوم الصبح صحيوا هما الاتنين ع رنة فونهم
وكانوا امهاتهم بيباركولهم علي البيبي
بعد المكالمة آسر لايمي
آسر........دي ماما بتباركلي علي حملك وبتقول هتيجي النهاردة
ايمي......وماما كمان كانت كانت بتباركلي  وقالت هتيجي النهاردة
آسر......صحيح هما عرفو منين احنا لسه عارفين امبارح
ايمي....ما هو انا.نزلتها ع النت
آسر.....انتي لحقتي
ايمي.....ايوة عادي يلا بقي قوم هات الحاجة بتاعت الغدا
اختصار آسر نزل جاب الحاجة وراح الشغل وبعد منزل بربع ساعة مامته ومامت ايمي جت
ايمي......هو انتو جايين سوا
مامت آسر....لا اتقابلنا ع السلم
مامت ايمي.....قولنا نيجي بدري نساعدك
ايمي.....خير ما عملتم عندكم المطبخ جوه وفي كل حاجه اعملوا لنا بقى ورق عنب وبط اصلي بتوحم عليهم
مامت ايمي..... حاضر يا حبيبتي عينينا ليكي انتي و البيبي
مامت اسر......اللي انتي عوزاه يحبيبتي هو احنا عندنا كام ايمي يعني
ايمي......حبايبي احلي امهات في الدنيا انا عندي كام مسلسل كدا هتفرج عليهم لحد ما تخلصوا
مامت ايمي.......طيب يا حبيبتي
بعد حوالي ٤ ساعات آسر رجت من الشغل لاقهم التلاتة بيعيطوا
آسر....ايه دا في ايه ايه اللي حصل
ايمي ببكاء......يتبع ونكمل بعدين
رأيكم
بنات انا عملت صفحة اللي حابب يتابعني يعمل كومنت ب انا وهرد عليه باللينك وبجد بتمني تدعموني 
وشكرا جدا ليكم علي تعليقاتكم القمر