متاهات القدر

بارت الحادي عشر

بعد. ماجيب جرحي تروفه اليه ردود
انه ستجمعت حيلي. وبلصبر رفته
تمر وتشوفني شلونه الوكت وياي
مامهموم واضحك والحزن عفته
من تشوفني تعرفني ؟؟؟لاولله
مو ذاك الغشيم المن كبل. شفته
كبالك غير واحد بي شبه من ذاك
مايشبه هذاك البي جرح عفته
مره التجربه المريت بيهه وياك
مره وعلمتني وحنضلك ضكته
ولو خسران... بس الله ليعوض الراح
حبك راح بعشرتك وانتهه بوكته
عفتك دون. ماتسمعلي وقع اقدام
ماتحجي الشموع وينطفن سكته
عرض كدامي ضلي وعطلت ممشاي
حاجيته ونصحته ومن رفض دسته
وضل حلمك بعيني اعله الجفن مطروح
جذاب الكلك من رحت جسته .
-------------------------------------------
فاطمه:اباوع وجهة انكلب عزا اشسويت اني شحجيت خفت خفت حيل خفت اذكرت تهديده اذا تحجين الاحد اقتلج اذا تكولين اني كتلتها اذبحج مثلها اتقرب مني وضل يتلمس بوجهي

مهدي:صحيح هل حجي
فاطمه:هزيت راسي بنفي لا لا مو صح اني داكذب عليك
مهدي:لا انتي متكذبين باعي بعيني شو صحيح قتلها هوه

فاطمه:رفعت راسي واشوف عيونه حمر ومدمعات حيقتلني هوه كالي اذا كلتي الاحد اقتلج عفيه خل اطلع منا اريد اطلع
مهدي:اهدي هسه نطلع

فاطمه:كضني من ايدي حيل وطلعني من لبيت صعدت بل سياره ارجف رجليه ماكدر اوكف عليهن اباوع علي راح يقفل لبيت وادك لباب ع جوارينا واطاهم لمفتاح

واجه صعد بل سياره. جان طول الطريق ساكت ماحجه كلمه وصلنا للفندق. كعدت ع جربايه وهوه راح بدل ملابسه واجه كعد يمي

مهدي:تعاي يمي
فاطمه:تقربت كعدت بصفه واخذني لحضنه
مهدي:احجيلي كلشي ع كيفج
فاطمه:طكيت بجي خاف يقتلني هوه كال اذبحج مثلها

مهدي:منو يكدر يوصلج انتي يمي بس سولفيلي كلشي
فاطمه:بديت احجيله كلشي شلون يعاملها وشلون يضربها ولحد قتلها نهاريت بعد ماكدر اكمل

مهدي:كافي خلص اششش
فاطمه:غطيت وجهي بصدره وبجيت لحد ماتعبت وهوه يمسد ع راسي بهدوء ماحجه كلمه

مهدي:كومي غسلي ع مود تتعشين وتنامين وراج امتحانات
فاطمه:كمت من يمه ورحت للحمام غسلت وجهي وطلعت مالكيته عزا خااف راح يدور علي ويقتله

ضليت لازمه كلبي بايدي ياربي وينه امداني اله احجي يالله شويه وسمعت طكت الباب
مهدي:ها شبيج
فاطمه:ووين جنت ليش عفتني

مهدي:جبت عشه ماتاكلين شلون
فاطمه:باوعت ع ايده صحيح بيها علاليك بعد متعوفني وتروح

مهدي:ابتسم. شبه. ابتسامه ع شفته صار ماعوفج يلا كومي اكلي ع مود نقره شويه

فاطمه:كعدت يمه وهوه يسويلي لفات ويوكلني جان بوقتها جايب كباب خفت خاف اعوفه ويروح ضليت مجلبه يمه

مهدي:ماشبعتي
فاطمه:لااا بعدني جوعانه يللا سوويلي احس روحي كلش شبعانه بس ماريد يطلع