هلاووو
قًصّصّ 📝وَبّسِ🪐:
...................................
( مرح )
جذابه الوجوه
الما تشبهك كون
الهوا البي ريحتك
ينحضن ❤
................................ .
رهف.واني كتلك مااخذهن انتي تكول ماالك علاقه بيه بعد مو على اي اساس اخذ منك مصروفي وانتي لغيتني من حياتك
أثير.اني لغيتج من حياتي شلون بالله هاي على العموم مالي خلك نقاش اخذيهن ودخلي جوه لايجي واحد وانتي كلشي ولاواحد يشوفج واكفه يمي اجيبلج شبهه
رهف.أثير شبيك اليوم شو متغير كلش
أثير.انتي تردين هذا شي لاتغشمين نفسج وتردين صدك هوه هذا صح و هسه هاج لالزمي رهف لاتنسين انتي مسؤله مني اني مو من غيري مفهوم
وليش مسؤله منك انته بذات
رهف.التفتنه على صوت بصدمه غير متوقعه باوعت على اثير صافن عليه غمض عيونه حيل وفرك راسه وكال
أثير.لان أمانت عمي هاي عدنه وهيه حالها حال البنات
عمر.شنو ربط بلموضوع سألتك ليش مسؤله منك شخصيا
أثير.رهف دخلي جوه يم البنات
رهف.عفتهم وركضت احس كلبي يرجف يربي بسلا اثير يكل عمر اني مرته والله مالي عين اباوع بوجهه بعد غير رحت للغرفه وكلبي احس دكاته وصلت لسابع جار بدلت ملابسي وكعدت حاولت انام ماكو فايده اريد اعرف شصار وياه لزمت تلفون ردت ادزله رقم صفنت بس اني مااعرف رقمه شون ادزله رقمي
...............
أثير.عمر شبيك جاي تحقق وياي شنو
عمر. انته جبت شبهه لنفسك اثير شعندك وي رهف
أثير.شعندي وياهه قابل
عمر.الكل منتبه عليك لاتنكر هذا شي انته حاط عينك عليهه مو أثير نصيحه مني الك لاتستغل رهف لان يتيمه اني اوكف بوجهك اذا حاولت تأذيهه والله
أثير.كافييييي عاد شبيكم كل شويه واحد لازمني محسسيني واحد ساقط وابن حرررام كلكم صرتوا انبياء براسي بس اني شيطان ومنو كاللكم اني حاط عيني عليهه ارتاحو لا حاط عيني ولاراسي كلكم تكوفون وتحجون وياهه محد يسألكم ليش بس أثير اذا حجه وياهه كلمه معناهه عندي شي وياهه كافي ترى لعبتوه نفسي من هاي سالفه امك من صفحه وجدك من صفحه وبيبيتك ادري ماعدكم غيري ترى والقراءان اعوفلكم البيت واهج احسن شي
عمر.أثير اني شاك بلموضوع وهواي ادل عندي بس العقل مايشيلهه والله كل ماافكر بيهه اتخبل معقوله البنيه مبين عليهه مؤدبه وصوتهه مايطلع
أثير.مافهمت ادلت شنو وبعدين شبيهه رهف
عمر.أثير هوه سؤال واحد رهف هيه نفسهه أم نقاب يعني زوجتك
