راحت مرح جابت جهاز وصت قتيبه جابه الهه صعدنه لغرفتنه دخلت للحمام علمود اسوي طلع خطين كمت ارجف وبطني لوتني من الخوف طلعت لمرح كاعده على جربايه اجتني تركض
مرح.ها بشري شطلع
سحر.حامل طلع خطين مرح
مرح.الف مبرووووك حياتي يتربه بعزكم
سحر.موكته مرح ابد موكته 😢😢😢
مرح.شقصدج سحر ماتردينه يعني
سحر.ماادري والله الجرح الخلاه بكلبي عمر صعب علي انساه
مرح.يعني تردين تنزلي بدون ماتنطي خبر
سحر.مااعرف مرح مااعرف
مرح.ارتاحي هسه واني نازله جوه
اول ماطلعت مرح تمددة على جربايه صح كارهه الصار بينه بس مااكدر اكرهه هذا طفل يبقى قطعه مني للحظه اجه بالي اذا عرف عمر شراح يصير جنت صافنه وايدي على بطني انفتح الباب ودخل عمر طفرت عدلت كعدتي
سحر.عمر وينك ليش ماتجي للبيت
راح كعد على الكرسي وحط ايده على راسه ومدنك وكف كلبي لايكون اثير صار بي شي
سحر.عمر شنو عرفت شي موزين عن اثير
عمر.ماكو اي خبر عنه وهذا البيت الكالت علي رهف صعب دخول اله لازم نخترق الاجهزه الامنيه كلهه واليوم اخر مهله لو اي لو لا
