✓✓🌺جعلنى ملتزمة فجعلته ملتزما🌺

3⃣1⃣الحلقه الثالثه عشر 3⃣1⃣

3⃣1⃣الحلقه الثالثه عشر 3⃣1⃣
(( جعلني ملتزمه فـ جعلته ملتزم ))
🌼🌼🌼🌼🌼🌼🌼🌼🌼
بعد ان اخذ الظابط
بيانات مريم بدء التحقيق
الظابط : انتي قابلتي العميد شخصيا قبل المره دي
مريم : ايوه مره واحده
الظابط : والسبب ؟؟؟
مريم : مشكله كانت حصلت بيني وبين دكتور يوسف
وكان طردني من المحاضره فـ روحت اشتكيت له
قبل ما كنت اعرف حتي انه والده
وهو خد حقي وخلاني احضر المحاضرات بتاعت الماده
تاني
الظابط : كنتي ريحاله المره دي ليه ؟
مريم : كنت عاوزه اساله عن التحويل لجامعه تانيه
الظابط : تحولي ليه
مريم : مكنتش مرتاحه في الجامعه
الظابط : بسبب
مريم : مشاكل مع الدكتور يوسف وكانت نفسيتي تعبت
الظابط : وليه في التوقيت ده وهو كان احتمال يبقي روح
مريم : انا شوفت العربيه بتاعته والتوقيت دا لان كان
حصل مشكله تاني لنفس السبب وكنت في حاله انه انهيار
الظابط : طيب ايه الي حصل بعد كده
دخلت حضرتك المبني وجيت عند باب مكتبه سمعت
كان صوت غريب
وحد بيقول انا مش هسمحلك تفضحني او حاجه زي
كده
وتكمل مريم وجسمها كله يرتعش
انا مركزتش غير ان في حد بيستغيث فتحت الباب
بسرعه
وشوفت
وتبكي مريم بشده
ولا تستطيع ان تكمل كلامها
الظابط : كملي
يقاطعه يوسف : بعد اذن حضرتك بلاش تضغطوا عليها سبوها تهدي
وكملو تحقيق في وقت تاني
الظابط : دكتور يوسف اتفضل تقعد وخلينا نشوف شغلنا
مريم تحاول ان تتمالك اعصابها
مريم : انا كويسه هكمل
الظابط : اوصفي بظبط الـي شوفتيه
مريم : كان الدكتور عبد الحميد قاعد علي مكتبه
وواحد ماسك حديده والنجفه كانت مكسوره
وتاخد مريم نفس عميق
وكان بيضربه علي راسه جامد والدم في كل مكان
هو بص عليا
وانا قاعدت اصرخ بصوت عالي
عشان حد يسمعنا بس الراجل دا قرب عليا بسرعه
وضربني علي راسي ومش فاكره ايه حاجه تاني
الظابط : شوفتي شكل الراجل
مريم : ايوه كان لابس بدله
وكان كبير في السن شكله مش قاتل
الظابط= عمره تقريبا
مريم : ممكن 50 او 55 من عمر الدكتور عبد الحميد
الظابط طيب بعيد عن ايه حاجه انا اعرف ان الـ بيبقي
عاوز يحاول او عاوز تفاصيل بيروح للاداره مش للعميد
مريم : انا كنت رايحه ليه لسببين
السبب الاول مش عشان هو عميد لا
عشان هو والد الدكتور يوسف وكان لازم احكيله ال حصل عشان
يعرف ان ابنه ظالم
يوسف بقاطعها بغضب : انتي حتي مدتنيش فرصه
تسمعيني وقت اما كنت في الكافتيريا
انا كنت جاي اعتذار لكن انتي حتي مسمعتنيش
يبقي انا ال بقيت ظالم
مريم باستنكار : تعتذر !! حضرتك عمرك في حياتك
وقفتني واتكلمت غير انك تهزأني وتمشي
الظابط : دكتور يوسف بعد اذنك المره الجايه هتضطر
اخرجك برا خليني اشوف شغلي
ويكمل الظابط : طيب ياانسه مريم لو جبنا رسام تقدري توصفيه
مريم : تقريبا
الظابط : طيب احنا هنحتاجك تاني معانا
ممنوع السفر بدون ماتدينا خبر
دكتور يوسف معايا دقيقه لو سمحت
يفتح الظابط باب الغرفه ويجد في الخارج
الحج اشرف بتوتر يقف علي الباب
يدخل اشرف الي الغرفه بنبره جاده : ها يامريم قولتيله ايه
مريم وتنهمر بدموعها : انا اسفه ياعمي انا قولتله الي حصل
مقدرتش استحمل ذنب شهاده الزور عند ربنا
......
الظابط : انت ليك اي اتهام للبنت يايوسف
يوسف : لا طبعا مستحيل
انا واثق انها مش بتكدب وبتقول الي حصل
الظابط : بس انت قولت ان عمها قالك انها مشافتش حاجه
يوسف : عمها خايف يقعو في مشكله
بس رغم كده هي مهمهاش
الظابط : بس دا معناه ان والدك اتعرض لهجوم الموضوع
كبير اوي لازم نعرف كل كبيره وصغيره
وكل شركائه
وهنبدا التحقيق من بكرا
يوسف : انا جاهز بـ اي تفاصيل مطلوبه مني
الظابط : تمام والبقاء لله كمان مره ربنا يصبرك
اراد يوسف ان يشكر مريم مهما كان كرهه لها
فلقد ساعدته ولم تبخل بشهادتها وتحدت الكل
اقترب يوسف من غرفه مريم فسمع
.....
اشرف بصوت عالي : سميه كان عندها حق
انتي خساره فيكي المعروف انا دخلتك بيتي بعد ما ابوكي مات
وكنتي في الشارع دا جزاتي
تعرضينا كلنا للخطر !!
انتي عارفه الراجل ال اتصل وهددنا ده
قال لو انتي اتكلمتي هيأذيني وهياذي بناتي
ياسمين تبكي : ياعمي بالله عليك هي تعبانه
مالوش لازمه الكلام دا
مريم بانهيار : سامحني ياعمو
مقدرتش اغضب ربنا واكتم الحق انا اسفه
اشرف : ولا اسفه ولا مش اسفه
من هنا ورايح انا مش عمك انتي اخترتي بنفسك
الطريق ال تمشي فيه
معاكي فلوس الي في البنك وهيجيلك
هدومك
لكن بنتي انتي مش هتحطي رجليكي فيه تاني
مريم بصدمه : عمي متقولش كده
انت انت انت عارف اني ماليش حد غيرك
اعيش فين واروح لمين ؟؟؟ بالله عليك ياعمو بلاش تقول
كده انت كده بتطردني
اشرف بغضب : وانتي جايه تفتكري بكل دا دلوقتي
مفكرتيش ليه وانتي بتشهدي في المحضر الكلام الي عندي قولته
من النهارده مش عاوز اشوف وشك تاني وشنطه
هدومك هسبهالك مع الممرضه تحت
وخرج اشرف بغضب وضرب الباب خلفه
ياسمين تبكي وتحضن صديقتها
ياسمين : متزعليش يامريم والله هتتحل ياحبيبتي اهدي بس ياقلبي
دا ابتلاء من ربنا